chiikawa麥當勞 | 各位chiikawa粉絲注意啦！今次麥當勞推出全新蟹肉可樂餅漢堡以及滋味蝦堡，無論係食物嘅包裝、飲品杯以及薯條袋都印有chiikawa角色！當中仲有一個方法可以攞到CHIIKAWA DAYS 限定珍藏貼紙，即入內文睇詳情啦！
圖片來源：官方圖片 | 撰文：Hedy
香港麥當勞嘅人氣海洋滋味「蝦堡系列」將於聽日（7月8日）登場！是次「蝦堡系列」美食以「CHIIKAWA DAYS」大型特展嘅主題包裝，無論係漢堡和甜品包裝、飲品杯及Shake Shake薯條袋均印有三位人氣角色－吉伊卡哇、小八以及兔兔手持討伐棒嘅可愛肖像！而麥當勞App會員只要憑指定電子優惠券購買「蝦堡系列四道菜套餐」即送CHIIKAWA DAYS限定珍藏貼紙，總共有兩款。白天款由聽日至7月14日派發，黑夜款則由7月15日至7月21日派發，數量有限，送完即止！香港麥當勞餐廳更會掛上萌爆嘅CHIIKAWA DAYS大型特展旗海裝飾及推廣紙牌，讓粉絲率先感受CHIIKAWA DAYS嘅夢幻日常，可愛度滿分！
chiikawa麥當勞 | 全新蟹肉可樂餅漢堡！
為慶祝「CHIIKAWA DAYS」大型特展登陸香港，麥當勞推出$39滋味蝦堡超值套餐優惠（原價$41起）及$39蟹肉可樂餅漢堡超值套餐優惠（原價$42起）！蟹肉可樂餅漢堡入面夾著濃郁蟹肉白醬餡料！
chiikawa麥當勞 | 森永牛奶糖味麥旋風+焦糖燉蛋批新登場！
日本大人氣森永牛奶糖味麥旋風全新登場，軟滑雲呢拿新地搭配森永牛奶糖醬及新地筒脆片，帶嚟濃郁焦糖香加上牛奶香味。另一款全新甜品為焦糖燉蛋批，香脆批皮包裹著絲滑吉士醬及香濃焦糖醬！全新登場嘅仲有巨峰提子雜果梳打，仲有驚喜回歸嘅櫻花蝦味Shake Shake薯條！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
