Chiikawa拉麵 | 日本人氣漫畫角色吉伊卡哇「ちいかわ」深受大家歡迎，而其主題拉麵店「吉伊卡哇拉麵」（「ちいかわラーメン 豚」）首間海外分店即將登陸香港，仲有一系列周邊商品，包括拉麵碗、啤酒杯以及水杯等，即刻入內文睇點預約！
圖片來源：官方圖片 | 撰文：Hedy
「吉伊卡哇拉麵」係一間以《CHIIKAWA》漫畫中「郎」系列拉麵為靈感所打造嘅主題餐廳實體店，結合咗原作漫畫嘅可愛世界觀與高質素日式拉麵，將角色嘅魅力同美食完美結合。而「吉伊卡哇拉麵」香港店將進駐旺角朗豪坊，於8月16日隆重開幕，更係全球最大分店！店舖裝潢佈置還原漫畫中場景，吉伊卡哇三位主角 — 吉伊卡哇（Chiikawa）、小八（Hachiware）和兔兔（Usagi）嘅立體雕塑坐鎮店內，等大家都可以沉浸喺《Chiikawa》漫畫世界！
Chiikawa拉麵 | 正宗日式拉麵體驗
「吉伊卡哇拉麵」香港店主打日本直送嘅正宗招牌拉麵，湯頭與食材皆承襲日本本店原味，拉麵份量也巧妙還原漫畫細節，包括Chiikawa（迷你）港幣$115 、Hachiware（小）港幣$135和Usagi（大）港幣$150，三種拉麵份量供選擇，每碗拉麵均配有可愛嘅角色魚板，並附送對應角色嘅貼紙。供應之飲品盛載器皿印有《CHIIKAWA》漫畫角色插圖，顧客更可帶走瓶裝飲料作為留念，點選飲品亦會隨機贈送角色透明卡，極具收藏價值。
Chiikawa拉麵 | 首輪預約8月7日開始！
「吉伊卡哇拉麵」香港店亦會推出一系列周邊商品，包括拉麵碗、啤酒杯、水杯、臉巾、手環、T恤、Logo貼紙、湯匙、拉麵碟，可愛度爆燈，粉絲們必買！香港店將全面採用與日本「ちいかわラーメン 豚」嘅「預約制」運作模式。首輪預約將於8月7日（星期四）下午1時，於KKDAY開放首一個月（2025年8月16日至9月15日）嘅預約名額。顧客於KKDAY選定入座人數及時段後，須先為每位顧客預購一瓶黑烏龍茶（價值港幣$38）作為訂金。黑烏龍茶將於入座當日派發，訂金不可兌換或扣減餐費。
【INFO】 《「吉伊卡哇拉麵」香港店》 開幕日期：2025年8月16日 時間：11:00至22:00（最後入座時間21:15) 預約：https://bit.ly/3ULHZqT
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
