7-Eleven經常都會推出唔同款式嘅甜品，今次為大家帶嚟5款日本 SunLavieen甜點 ，當中包括焗芝士撻、軟滑焦糖布丁撻、窯燒朱古力撻、長崎蛋糕卷蛋及抹茶長崎蛋糕卷蛋，作為一個甜品控真係花多眼亂，每款都想試勻啊！究竟呢5款甜點味道如何，就等小編馬上為大家開箱試食啦！
圖片來源：SAUCE｜撰文：Sharon
7-Eleven為大家搜羅嚟自世界各地各式各樣嘅甜點，今期帶嚟由日本人氣品牌SunLavieen打造嘅5款甜點，只需要將甜點放於4-10℃雪櫃3至4小時，就可以解凍即歎！每一款都非常邪惡，夠晒吸引啊！
1. SunLavieen 焗芝士撻（$24/2件）
呢款焗芝士撻用咗澳洲忌廉芝士，加入咗乳酪、檸檬果汁，令成個芝士撻唔會過膩！加入檸檬汁，食落口感非常軟滑，芝士味又夠香濃！鍾意食芝士撻嘅朋友必試！
2.SunLavieen 軟滑焦糖布丁撻（$24/2件）
以北海道産生乳100%製成嘅忌廉，加上自家研發嘅吉士醬，再配搭埋焦糖醬，味道非常夾，每一啖都食到滿滿嘅忌廉同吉士醬啊！
3. SunLavieen 窯燒朱古力撻（$24/2件）
身為朱古力控嘅你，不得不試呢款窯燒朱古力撻，選用咗六甲山麓牛乳同加納產可可豆朱古力，內餡嘅朱古力味非常濃郁，再配上朱古力撻皮，口感極為豐富！如果鍾意食濃厚朱古力嘅朋友，呢一款朱古力撻一定唔會令你哋失望！
4. SunLavieen 長崎蛋糕卷蛋（$32/件）
除咗撻類，當然唔少得人氣商品之一嘅長崎蛋糕卷蛋！採用日本產雞蛋製成，蛋香味超濃厚，蛋糕口感鬆軟，中間嘅鮮奶油極之軟滑！
5. SunLavieen 抹茶長崎蛋糕卷蛋（$32/件）
如果想試試新口味，除咗原味仲有抺茶味可以選擇！抹茶長崎蛋糕卷蛋選取京都産宇治抹茶製成，香濃嘅抺茶味，入口溫醇回甘，加上蛋糕嘅配襯，味道剛剛好！抺茶控千祈唔好錯過啊！
【INFO】 《7-Eleven期間限定甜點》 SunLavieen 甜點於指定銷售分店出售， 銷售分店地址可參考以下網址：https://bit.ly/3FeManS
*以上價錢有效期由 3 月 15 日至 3 月 28 日。價錢或有變動，不會預先通知，一切以店舖售價為準。
*請將甜點儲存於冰格，享用時置於 4-10°C雪櫃解凍，約3至4小時後品嚐。
————————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
