7月自助餐優惠｜暑期梗係要同屋企人一家大細食餐好啦！但又好難搵到間餐廳啱晒咁多人嘅口味？食自助餐就唔使煩啦～一次過滿足晒所有人嘅喜好。今次就為大家搵嚟8間酒店7月自助餐優惠，最平每位只係需要$215， 就可以食到多款美食，仲要有新鮮即開生蠔任食，真係好抵啊！想知係邊間就要睇到最尾啦！
圖片來源：官方圖片、KKDAY、KLOOK｜撰文：Athena
相關文章：【8月自助餐優惠 2023 | 人均$201起 即開生蠔/松葉蟹腳！】
7月自助餐優惠 1. 【買二送一】港島海逸君綽酒店 – Harbour Grand Café咖啡廳
「環球美食自助午餐」有新鮮即開生蠔、蟹腳、凍蝦、青口、多款刺身及壽司拼盤。仲有超過15款甜品同埋12款口味嘅Mövenpick雪糕，啱晒各位甜品控去主力食甜品！
「原條即切黃鰭吞拿魚 x 日韓海鮮自助晚餐」有新鮮即開生蠔、黃鰭吞拿魚刺身、帶子刺身、7吋長阿根廷蝦、波士頓龍蝦、蟹腳等多款海鮮。星期五至日仲會有原條黃鰭吞拿魚席前解體表演，有得食又有表演睇！熱盤方面有多款日韓風味菜式，包括韓式烤魷魚粉絲沙律、日式鐵板燒肉、韓式芝士炸雞膇、日式天婦羅、韓式人參燉雞湯、海鮮大阪燒及韓式燉排骨等，款款都好吸引啊！另外仲有燒和牛肉、燒羊架及片皮鴨；甜品亦加入日韓元素如綠茶紅豆卷、日本水信玄餅、柚子士多啤梨杏仁撻、大福、蕨餅等，亦有12種口味嘅 Mövenpick 雪糕、朱古力噴泉、芒果拿破崙等。咁多嘢食都只係$566位起，精明嘅你快啲去預訂啦！
【INFO】 買二送一｜港島海逸君綽酒店 - Harbour Grand Café咖啡廳 環球美食(生蠔、蟹腳、刺身)自助午餐 買2送1優惠價：$987 / $1,056 / $1,146（3位） 折實價：$329 / $352 / $382（位） ＊每次需預訂3位 原條即切黃鰭吞拿魚 x 日韓海鮮自助晚餐（7月） 買2送1優惠價：$1,698 / $1,836（3位） 折實價：$566 / $612（位） 原價：每位$591起 ＊每次需預訂3位 銷售日期：即日起至7月4日 使用日期：2023年6月30日 至 7月31日 地址：香港北角油街23號港島海逸君綽酒店三樓 即睇優惠：https://bit.ly/46uIZEt
7月自助餐優惠 2.【買一送一】香港沙田萬怡酒店 – MoMo Café
香港沙田萬怡酒店內嘅MoMo Café，依家做緊7月自助餐買一送一及65折優惠，最平$221就可以食到多款海鮮及中西美食，CP值超高，住沙田嘅你就千祈唔好錯過啦！
「海陸滋味薈萃」自助午餐可以任食新鮮即開生蠔、麵包蟹、鮮蝦、藍青口及黃金螺多款海鮮；刺身方面有三文魚、八爪魚及吞拿魚，週末仲有北海道帶子；肉類有香烤西冷牛扒或肉眼牛扒；仲有多款中西熱盤，包括脆皮和牛牛面頰肉、鹽燒牛舌、焗酥皮生蠔燉牛肉、慢煮牛肋條等；甜品有熱情果朱古力杯、白芝士忌廉配燴菠蘿、Mövenpick雪糕等。只需要$221就可以食到咁多款美食，而且每位客人仲會送一份黑松露芝士焗帆立貝，真係好抵啊！
「海陸滋味薈萃」自助晚餐可以任食新鮮即開生蠔、鱈場蟹腳、麵包蟹等多款海鮮；刺身方面有北海道帶子、三文魚、八爪魚、吞拿魚及油甘魚；肉類有慢火香烤有骨肉眼扒及香烤羊扒；自助午餐有嘅中西熱盤自助晚餐一樣食到，仲有清蒸沙巴龍躉；甜品都係同自助午餐一樣。自助晚餐竟然可以$383就食到咁多嘢食，真係超級抵！而且每位客人仲會送半隻金銀蒜蒸新鮮澳洲龍蝦，快啲去預訂啦！
【INFO】 買一送一及65折｜香港沙田萬怡酒店 - MoMo Café 「海陸滋味薈萃」自助午餐｜每位奉送黑松露芝士焗帆立貝一客 買一送一｜星期一至五：$221/位（原價$405） 65折｜星期六、日及公眾假期：$351/位（原價$515） 「海陸滋味薈萃」自助晚餐｜每位奉送金銀蒜蒸新鮮澳洲龍蝦半隻 買一送一｜星期一至四：$383/位（原價$702） 買一送一｜星期五至日及公眾假期：$437/位（原價$801） 使用日期：即日起至8月31日 地址：新界沙田安平街 1 號2樓 即睇優惠：https://bit.ly/3NAkCwN
自助餐優惠 3.【69折】香港文華東方酒店 – The Clipper Lounge 快船廊
香港文華東方酒店嘅快船廊環境舒適雅致，無論係同朋友聚餐定係商務會面都好適合。今次7月自助餐優惠低至$644一位，平日同週末嘅menu都係一樣，食足3個半鐘。期間可以任食龍蝦、麵包蟹、長腿蟹、鮑魚等多款海鮮；刺身有挪威三文魚、甜蝦、鯛魚、油甘魚、吞拿魚。另外有超多款嘅熱盤，烤牛肋扒、烤羊架、烤豬鞍、焗生蠔 、慢煮羊腿肉、烤迷你牛里脊肉等；仲有超過25款甜品任你選擇，當中包括招牌1963文華芝士餅及Tiramisu，文華粉絲們千祈唔好錯過！
【INFO】 香港文華東方酒店 - The Clipper Lounge 快船廊 69折｜晚市自助餐：$644/位起（原價$931） 使用日期：7月1日至8月31日 地址：香港中環干諾道中5號M層 KKDAY優惠：https://bit.ly/4435XRK KLOOK優惠：https://bit.ly/436C4yo
自助餐優惠 4.【低至半價】荃灣西如心酒店 – Café Circles
Café Circles嘅環境好舒適，窗邊位可以欣賞到開揚嘅海景及城景，自然能夠輕鬆地享受到悠閑嘅用餐體驗。
「海陸盛薈自助午餐/ 自助晚餐」，無論午餐定晚餐都可以食到多款冰鎮海鮮。自助晚餐有焗生蠔、香烤和牛、薑蔥龍蝦、金銀蒜蒸扇貝等多款菜式！佢哋仲有多款以松露及仲夏時令鮮果入饌嘅菜式，包括黑松露薄餅、黑松露蒜泥白肉、荔枝炒蝦球及紅火龍果咕嚕魚等，酸酸甜甜好開胃。逢星期五至日嘅自助晚餐，每人仲可以有一碟香煎鮑魚配黑松露伴雞油意大利燴飯。除咗鹹點外，仲有超過20款嘅甜品。包括以鮮果製成嘅蛋糕、各款蛋糕及雪糕，自助午餐亦可以試到唔同嘅榴槤甜品，好吸引啊！
鍾意食榴槤嘅你，一定要試吓呢個「榴槤狂熱」週末下午茶自助餐！榴槤甜品糕點用上香濃嘅D24榴槤，製作出多款甘香甜品，包括榴槤班蘭蛋糕、榴槤焦糖燉蛋、榴槤奶凍、香甜軟糯嘅榴槤糯米糍及榴槤朱古力撻等。除咗食榴槤甜品之外，都要食吓鹹食。就算係下午茶都有好多選擇，例如鮮花荔枝蝦果凍、西瓜菲達芝士沙律、碗仔趐、各式串燒、沙嗲、咸蛋黄炸雞、迷你牛肉漢堡等，仲有多款凍盤、小吃同埋熱盤，包你食到飽住返屋企啊！
【INFO】 荃灣西如心酒店 - Café Circles KLOOK優惠： 晚市自助餐 半價家庭套票｜星期一至日：兩位成人＋一位兒童/長者 $1,196/套起（原價$2,193起） 第2位半價｜星期一至日：$1,000/2位起（原價$1,294起） 82折｜星期一至四：$530/位（原價$647） 87折｜星期五至日及公眾假期：$626/位（原價$724） 小朋友優惠｜星期一至四：一位兒童/長者＋一位成人 $941（原價$1,250） 小朋友優惠｜星期一至四：一位兒童/長者＋兩位成人 $1,311（原價$1,929） 午市自助餐 第2位半價｜星期一至日：$677/2位（原價$1,008） 78折丨星期一至日：$413/位起（原價$504） 小朋友優惠｜星期一至星期五：一位兒童/長者＋一位成人 $589（原價$788） 小朋友優惠｜星期一至星期五：一位兒童/長者＋兩位成人 $827（原價$1,225） 週末下午茶自助餐 87折｜星期六至日：$284/位（原價$328） KKDAY優惠： 75折丨午市自助餐：$339/位起（原價$537） 8折丨晚市自助餐：$530/位起（原價$768） 85折丨週末下午茶自助餐：$284/位起（原價$350） 開賣日期：6月29日 中午12時起 使用日期：7月14日至8月6日 地址：香港荃灣楊屋道8號荃灣西如心酒店9樓 KLOOK優惠：https://bit.ly/44ovMLL KKDAY優惠：https://bit.ly/3Xt5A0l
自助餐優惠 5. 【買二送二】香港逸東酒店 – 普慶餐廳 The Astor
普慶餐廳自助餐一享受歡迎，依家仲要有埋限時優惠，當然要即刻預訂啦！餐廳今年踏入五週年，所以會以逸東酒店前身普慶戲院為主題。期間限定嘅「普慶士多」裝飾好啱大家去打卡，入面放滿70-80年代嘅懷舊零食同玩具，只要憑普慶戲院戲票就可以免費換領零食或玩具，真係充滿童年回憶啊！入面仲展出咗著名戲院廣告畫師姜志名及手繪電影海報畫師Deadly Prey Gallery嘅藝術品、港產電影海報及「不日上映」電影海報燈箱等，懷舊老香港味道出晒嚟啊！
無論係自助午餐定自助晚餐，都可以任食生蠔㗎！自助午餐仲有麵包蟹同小龍蝦；而晚餐就有新鮮波士頓龍蝦，同埋松葉蟹腳，鍾意食海鮮嘅你一定食到回本啊～而且食物嘅種類都有好多，包括即切燒牛肉、日式刺身、港式燒味及素食選擇，夜晚仲有美國特選級安格斯西冷牛扒、花膠扣鵝掌、清蒸石斑魚、日式甲羅燒等。自助晚餐配合今個月主題，供應一系列香港地道美食，有避風塘炒蟹、士多啤梨生炒骨、滷水拼盤及豉椒炒蜆等，款款都好惹味。
【INFO】 第2位半價｜香港逸東酒店 - 普慶餐廳 The Astor 【KKday獨家快閃限量搶——買二送二】「五週年回味：普慶戲院」3小時自助晚餐 星期一至四：$1,382/4位，平均$345.5/位 (原價$2,763/4位) 星期五至日：$1,563/4 位，平均$384/位 (原價$3,071/4位) 【KKday快閃優惠——第二位半價】「五週年回味：普慶戲院」3小時自助晚餐 星期一至四：$1,036/2位，平均$518/位 (原價$1,382/2位) 星期五至日：$1,152/2 位，平均$576/位 (原價$1,536/2位) 優惠期：2023年7月4日12:00 至 7月11日23:59 用餐日期：2023年7月5日至8月15日 KKDAY優惠：https://bit.ly/3psZZdO 3小時自助晚餐 第2位半價｜星期一至日：$1,036起/2位（原價$1,382起） 8折家庭套票｜兩成人＋兩小童/長者：$1,911起/套（原價$2,389起） 91折｜星期一至日：$628起/位（原價$691起） 自助午餐｜星期一至日：$394起/位 使用日期：即日起至8月31日 地址：九龍佐敦彌敦道380號香港逸東酒店B1樓層 KLOOK優惠：https://bit.ly/3JDeCSO
自助餐優惠 6.【快閃優惠】都會海逸酒店 – 西餐廳 Promenade Restaurant
都會海逸酒店嘅自助餐出名食物種類多，依家有埋優惠就更抵食啦～無論係食自助午餐、自助晚餐定係下午茶，都可以任食新鮮生蠔！而雪花蟹腳就只有午餐及晚餐先會供應。「國際美食自助午餐」仲有多款海鮮任你選擇，亦有雜錦剌身、滋味熱葷、芝士拼盤及多款甜品。
「仲夏海鮮夜市集自助晚餐」嘅海鮮就更加豐富，有必食嘅波士頓龍蝦、避風塘海鮮包括：避風塘炒辣麵包蟹、辣酒煮東風螺、椒鹽瀨尿蝦、黃金蝦、金銀蒜蒸扇貝等。熱葷方面有香煎鴨肝配洛神花蜂蜜、燴加州提子牛肋肉、草莓醬汁烤豬排骨、香橙孜然香草燒春雞等，以水果入饌更清新，啱晒夏日又熱又焗嘅天氣啊。甜品方面有熱情果石榴奶凍、熱情果菠蘿撻、芒果金柚肉楊枝甘露等，全部都酸甜開胃。而且星期五至日及公眾假期，仲會送你鮑魚花膠螺頭佛跳牆，快啲預訂啦～
「週末下午茶自助餐」以「蠔」食榴槤為主題，呢排榴槤當造，各位榴槤控預訂呢個自助餐就可以瘋狂食榴槤製品及生蠔，好快回本啊！自助餐仲有冰鎮熟凍蝦、藍青口及多款刺身；另外仲有中式點心、即煮粉麵等。去到最重要嘅一環，甜品。大部分甜品以榴槤及熱情果入饌，分別有人氣推介榴槤薄餅及榴槤班戟，食落啖啖濃郁榴槤香味。熱情果甜品有：熱情果蛋白餅、熱情果醬番石榴慕斯、熱情果蛋白球等，每款都好有層次，食完超refresh！
【INFO】 快閃優惠｜都會海逸酒店 - 西餐廳 Promenade Restaurant 自助晚餐 $658起/位（原價$845起） 國際美食自助午餐 $418起/位（原價$614起） 週末下午茶自助餐 $348起/位（原價$405起） 使用日期：即日起至7月31日 地址：九龍紅磡都會道7號都會海逸酒店7樓西餐廳 KLOOK優惠：https://bit.ly/44q7iSh KKDAY優惠：https://bit.ly/46nEGuR
自助餐優惠 7. 【55折】香港諾富特世紀酒店 – Le Café咖啡廳
「法式自助晚餐」嘅主打菜式包括龍蝦酥、法式海龍皇湯、白酒藍青口、生牛肉他他、香草牛油焗田螺等，款款都好有特色。甜品方面有法式蘋果批、法式焦糖燉蛋及紅酒燴香梨等經典法式甜品。
自助午餐及自助晚餐都可以任食即開生蠔、凍蝦、青口、翡翠螺，及多款刺身壽司等，晚餐仲會有埋松葉蟹腳；同時仲有煙三文魚、肉眼扒、即制石爐意式薄餅、多款熱食、即煮湯麵檔、多款Mövenpick口味雪糕及10數款甜品等。一餐食到咁多款菜式都只係需要每人$215起，快啲搶購啦！
【INFO】 55折｜香港諾富特世紀酒店 - Le Café咖啡廳 法式自助晚餐 買2送2｜星期一至日：$1,435起/4位（原價$2,631起） 55折｜星期一至日：$389起/位（原價$658起） 生蠔海鮮自助午餐 買2送2｜星期一至日：$859起/4位（原價$1,575起） 65折｜星期一至日：$269起/位（原價$394起） 使用日期：即日起至7月31日 地址：灣仔謝斐道238號香港諾富特世紀酒店一樓 KLOOK優惠：https://bit.ly/3r9syNS KKDAY優惠：https://bit.ly/3PAAMZo
自助餐優惠 8. 【78折】香港柏寧酒店 – PLAYT
PLAYT有4個自助餐時段可供選擇，每個嘅食物種類都唔同，包保唔同時間嚟食都有驚喜！「自助午餐」有麵包蟹及凍海鮮任食、精選魚生及壽司、泰式生蝦刺身、煙三文魚等。熱盤方面有籠仔荷葉蒸原隻鮑魚配時令海鮮、燒西冷扒、燒羊脾、即蒸中式點心、鑊氣小炒，仲有印度天馬尼菜式，夠晒多元化！甜品有好多款，包括泰式芒果糯米飯、自家製意式雪糕，竟然有超特別嘅茅台味雪糕！
「和牛 生蠔 龍蝦 海鮮自助餐」就更加豐富，海鮮有兩款即開時令生蠔、龍蝦、雪蟹腳、青口、蝦，全部都係任食！仲有帶子、鯛魚、三文魚等刺身。熱盤都好吸引，有西班牙烤脆皮乳豬、法式寶雲酥羊架、和牛壽喜燒、美國燒牛肋骨等；甜品方面有雪燕楊枝金露、即制拿破崙、時令中式糖水、自家製Gelato雪糕等，鍾意食龍蝦同生蠔嘅你就唔好錯過啦！
【INFO】 78折｜香港柏寧酒店 - PLAYT 和牛生蠔龍蝦海鮮自助晚餐：$667起/位（原價$834起） 平日自助午餐：$368起/位（原價$460起） 魚子醬週末自助早午餐：$535起/位（原價$669起） 週末下午茶自助餐：$289起/位（原價$361起） 使用日期：即日起至7月31日 地址：香港銅鑼灣告士打道310號 KLOOK優惠：https://bit.ly/3O476D7 KKDAY優惠：https://bit.ly/43165zD
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
