11月自助餐 | 相信最近都有唔少身邊嘅朋友或親人生日，再加上11月係食大閘蟹嘅好時機，絕對要約埋朋友一齊去品嚐啦～小編已經幫大家整合咗11月自助餐優惠，仲可以食到大閘蟹以及海鮮等，即刻睇睇有咩自助餐推薦！
圖片來源：klook | 撰文：Hedy
11月自助餐優惠 | 1. PLAYT香港柏寧酒店——大閘蟹自助餐
一踏入10月以及11月，正正就係品嚐肥美蟹肉嘅季節，所以PLAYT香港柏寧酒店亦推出「十月邂逅」大閘蟹自助餐，等大家可以品嚐江蘇大閘蟹！大閘蟹主題自助晚餐除咗有兩隻約重4両嘅清蒸大閘蟹外，亦有多款大閘蟹美食，包括蟹粉燴魚肚、大閘蟹粉花膠羹、蟹粉海皇稻庭烏冬、 蟹粉帶子炒鮮奶 、蟹粉炒粉皮及蟹粉燴魚肚等。同場亦有即開生蠔、龍蝦、雪蟹腳、西班牙烤脆皮乳豬等多國菜式，只會供應到11月10日，大家記得要預先訂座！
【INFO】
《PLAYT香港柏寧酒店》 自助餐優惠
-【低至買二送1】自助晚餐
優惠價：港幣$1,766起
地址：香港銅鑼灣告士打道310號
立即預訂：https://bit.ly/4dX2TdV
11月自助餐優惠 | 2. 香港嘉里酒店大灣咖啡廳——日式主題自助晚餐
鍾意食日式美食嘅朋友，絕對唔可以錯過香港嘉里酒店大灣咖啡廳所推出嘅「味遊日本之旅」自助晚餐，超過四十款經典日式美饌例如日式磯煮鮑魚、柚子鮟鱇魚肝、飛驒牛壽喜燒、日式鰻魚丼等。餐廳更提供一系列日本清酒以及日本生啤比大家無限暢飲，小朋友亦可以選擇汽水、果汁以及茶等等。
【INFO】
《香港嘉里酒店大灣咖啡廳》 自助餐優惠
-【低至73折】自助午餐
優惠價：港幣$376起
-【低至73折】自助晚餐
優惠價：港幣$637起
地址：香港九龍紅磡灣紅鸞道38號3樓
立即預訂：https://bit.ly/4e1NUiK
11月自助餐優惠 | 3. 香港文華東方酒店自助餐——附送大閘蟹1隻
香港文華東方酒店快船廊經過全新裝修後重開，環境靚之餘食物質素亦有保證！除咗有經典嘅海南雞飯、牛扒、叻沙湯麵以及經典芝士蛋糕之外，更可以享有每位一隻大閘蟹以及任食生蠔等，依家只有$655一位就食到，超抵！
【INFO】 《香港文華東方酒店》自助餐優惠 -【低至67折】全新晚市自助餐（兩位起） 優惠價：港幣$655起 -【低至8折】全新週日早午自助餐（兩位起） 優惠價：港幣$782起 地址：香港中環干諾道中5號 立即預訂：https://bit.ly/3YhAGZp
11月自助餐優惠 | 4. 香港喜來登酒店自助餐——蟹樂無窮海鮮盛宴
如果有朋友鍾意食海鮮嘅話，絕對唔可以錯過「香港喜來登酒店咖啡廳所呈獻嘅【蟹樂無窮海鮮盛宴】自助晚餐，當中有齊新加坡胡椒炒蟹、 烤阿拉斯加帝王蟹腳、印式咖喱加菲蟹、避風塘炒軟殼蟹、日式酥炸蟹蓋等，每款都超惹味！加上時令即開生蠔、冰鎮龍蝦、海鮮冷盤、日式刺身壽司及特色環球美食，絕對令你飽肚～
【INFO】 《香港喜來登酒店》自助餐優惠 -【85折優惠】自助午餐 優惠價：港幣$350起 -【82折優惠】自助晚餐 優惠價：港幣$646起 地址：九龍尖沙咀彌敦道20號 - 咖啡廳 The Café 立即預訂：https://bit.ly/4he6gzX
11月自助餐優惠 | 5. 香港維港凱悅尚萃酒店自助餐——傳統江南名菜
冇時間去旅行，都可以帶你透過美食感受浙江名菜嘅魅力～香港維港凱悅尚萃酒店與杭州君悅酒店屢獲殊榮嘅星級餐廳「湖濱28中餐廳」，共同打造以「味遊 · 杭州」自助午餐及晚餐。大家可以品嚐到傳統江南名菜，包括西湖牛肉羹、前菜如十年花雕熟醉大閘蟹、鎮江餚肉以及西湖藕韻等。主菜亦有東坡肉、二十年花雕酒蒸遠海梭子蟹以及龍井蝦仁等，淨係聽到個名都已經流晒口水！
【INFO】 《香港維港凱悅尚萃酒店》自助餐優惠 -【82折】自助午餐 優惠價：港幣$362 -【82折】自助晚餐 優惠價：港幣$681起 地址：北角北角邨里1號香港維港凱悅尚萃酒店西座2樓 立即預訂：https://bit.ly/3BR4PY0
11月自助餐優惠 | 6. 香港九龍東皇冠假日酒店自助餐——東瀛滋味嘉年華
香港九龍東皇冠假日酒店自助餐將會喺10月至11月期間推出「東瀛滋味嘉年華」自助晚餐，等大家都可以品嚐新鮮生蠔、蒲燒鰻魚飯、甲羅燒、照燒鯖花魚以及北海道芝士蛋糕等。星期五至日及公眾假期更有限定嘅油甘魚同阿根廷天使粉紅蝦刺身！無論係主食定甜品都超豐富，仲可以任飲即磨咖啡、紅茶、檸檬水、橙汁、蘋果汁！
【INFO】 《香港九龍東皇冠假日酒店》自助餐優惠 -【低至91折】自助午餐 優惠價：港幣$362 -【82折】自助晚餐 優惠價：港幣$681起 地址：香港將軍澳唐德街3號香港九龍東皇冠假日酒店1樓 立即預訂：https://bit.ly/3BR4PY0
11月自助餐優惠 | 7. 悦品酒店.荃灣 Hotel COZi Oasis自助餐——買1送1優惠
想用最抵價食自助餐，就一定要mark實唔同酒店所推出嘅優惠。而悦品酒店荃灣 Hotel COZi Oasis自助餐，推出買一送一優惠，最平$190就可以食到自助午餐，同時亦有「蟹逅之夜 • 自助晚餐」，每位奉送大閘蟹一隻，仲有殼蟹天婦羅、新加坡胡椒蟹、避風塘炒蟹、芝士海鮮焗釀蟹蓋以及泰式紅咖喱蟹等，任食冰鎮海鮮以及刺身等等，價錢抵得嚟又超豐富！
【INFO】 《悦品酒店.荃灣 Hotel COZi Oasis》自助餐優惠 -【買1送1優惠】閒日半自助午餐 優惠價：港幣$190 -【買1送1優惠】自助午餐 優惠價：港幣$406起 -【買1送1優惠】自助晚餐 優惠價：港幣$682起 地址：葵涌青山公路葵涌段443號 悦品酒店‧荃灣地下低層 立即預訂：https://bit.ly/3YzocO5
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
