餃子店推介 | 講到香港性價比高嘅餐廳，點少得餃子店呢！今次為大家整合咗十間香港必食餃子店，當中包括米芝蓮推介餐廳「王府」，仲有純手工製作嘅本地餃子品牌「餃里」同「豐信餃子」，每一隻都充滿心思。如果你鐘意創意特色料理，就一定要試下「三一餃子」同「木金餃子製作所」，佢哋嘅餃子款式多到你揀唔晒。「搞餃鎮」呢個店名唔單止有趣，仲有多款創新口味，好似咖喱淮山羊肉餃，真係餃子控嘅天堂！如果你係餃子愛好者，真係唔可以錯過！
圖片來源：Openrice@小豬脾多多、@餃掂手工餃子雲吞專門店、@tracyliu810、@estherltt、@memoching、@Yinlokkk、@foodi3_yooyoo、@nte.eats、@Naomi_nhm、@mochi_hkfood、Facebook@餃里 Gaolay｜撰文：Ginger
餃子店 | 1. 餃里
「餃里」喺開業短短時間內，已經吸引唔少跨區粉絲到屯門碼頭總店品嚐，店主對此充滿感恩。呢間餐廳起源於店主成長嘅地方，佢毅然辭去設計師工作，全因老婆鍾意食餃子，於是決心創立呢個香港製造、純手工製作嘅本地餃子品牌。餃里逐步擴展至港島炮台山，全港已有超過50個售賣點，每日生產超過6000隻餃子。堅持以地道滋味，供11款餃子，選擇多樣化，包括傳統蔬菜、芝士、泡菜及咖喱等惹味款式，仲有全素餃子，迎合唔同人口味。每款餃子都充滿心思，無論係食材選擇定製作工藝，都體現出對品質嘅執著。呢度嘅餃子不單止味道一流，而且價錢合理，絕對係值得一試嘅地道美食！
【INFO】
《餃里》
地址: 屯門良運街3號建生商場地下122號舖
營業時間: 星期一至日 11:00 - 21:00
地址: 屯門湖秀街2號悅湖山莊商場地下51-52號舖
營業時間: 星期一至日 11:00 - 20:30
地址: 元朗鳳翔路2-6號加點地下C032號舖
營業時間: 星期一至日 11:00 - 21:00
地址: 深水埗西邨路19號南昌薈地下S1號舖
營業時間: 星期一至日 11:00 - 21:30
地址: 紅磡蕪湖街111號蕪湖居地下C2號舖
營業時間: 星期一至日 11:00 - 20:30
地址: 北角炮台山宏安道2-12號宏輝大廈地下6號舖
營業時間: 星期一至日 11:00 - 23:30
地址: 筲箕灣愛禮街2號愛蝶灣地下14號舖
營業時間: 星期一至日 11:00 - 23:30
餃子店 | 2. 豐信餃子店
豐信餃子店係一間堅持每日新鮮製造嘅餐廳，佢哋嘅餃子即叫即包，皮薄餡足。佢哋嘅獨家椰子海帶鮮雞豬骨湯，每日煲足四個鐘，用鮮雞、豬骨、椰子同海帶煮成，味道特別出色，飲落去就有家嘅感覺。呢度嘅餃子款式多樣化，例如有邪惡金沙餃子，鹹蛋油香同煎香嘅餃子完美結合，食完真係回味無窮。湯餃方面例如有紫甘藍粟米餃同芝士粟米鮮肉餃，紫甘藍嘅爽口感令人驚喜，咬落去仲有清脆聲。芝士餃子嘅芝士同粟米完美融合，有流心效果但唔會膩。
【INFO】
《豐信餃子店》
地址: 太子汝州街17號地下A號舖
營業時間: 星期一至日 11:30 - 22:00
餃子店 | 3. 木金餃子製作所
「木金餃子製作所」係一間充滿創意嘅餐廳，以木碗呈上，配金壺湯底，可以自行倒入湯底到盛滿餃子嘅木碗內，呢個過程好有儀式感！呢度有11款餃子口味，仲可以雙拼試多款口味！例如經典嘅白菜豚肉、芫荽豬肉，仲有特色韓式泡菜、黑松露芝士豚肉、鳳城蝦蝦餃等，每日新鮮包，絕不隔夜。餃子皮夠薄，包餡位置特別精緻。怕唔夠飽仲可以加$12配讚歧烏冬，或者試下佢哋嘅小食，如吉列炸蠔、無骨門太子雞翼、黑松露粗薯條等。
【INFO】
《木金餃子製作所》
地址: 觀塘開源道60號駱駝漆大廈三座4樓T室
營業時間: 星期一至日 11:30 - 22:00
餃子店 | 4. 三一餃子
「三一餃子」一直堅持只用新鮮蔬菜同優質豬肉，絕對唔添加任何防腐劑、化學增稠劑或者乳化劑，保證每一隻餃子都係新鮮高質！餐廳提供多款餃子料理，如韓式鍋、shake shake粉餃子、大阪風餃子都有，仲有蒜心餃、黑松露豬肉、韭黃醉雞等等，款式真係多到你揀唔晒！
【INFO】
《三一餃子》
地址: 中環利源西街7號地舖
營業時間: 星期一至五 11:30 - 21:00，星期六 12:00 - 20:00（星期日全日休息）
地址: 旺角通菜街71號地舖
營業時間: 星期一至日 12:00 - 21:30
餃子店 | 5. 家後
「家後」店舖裝修簡單，感覺就好似一間家庭式小店，最出名嘅係由日籍老闆娘親手製作嘅日式巴斯克芝士蛋糕，被譽為「世一」，真係唔可以錯過！湯餃可以選雙併，如雲耳椰菜鮮豬肉餃同菠菜鮮豬肉餃，餃子餡量適中，夾起嚟嘅時候唔會散爛，餡料比例以菜偏多。佢哋嘅另一特色就係湯底，唔係一般嘅豬骨湯或者蘿蔔湯，而係赤小豆粉葛湯，飲落去真係有返屋企嘅味道！如果你鐘意家庭式小店嘅感覺，仲有獨特嘅餃子同甜品，就一定要嚟「家後」試下！
【INFO】
《家後》
地址: 深水埗基隆街211號地舖
營業時間: 星期一至二 11:00 - 21:00，星期四至日 11:00 - 21:00（星期三 全日休息）
餃子店 | 6. 滾餃
「滾餃」位於駱駝漆大廈內，由網店轉為實體店，售賣多款特色口味餃子，將傳統手工餃子同新穎味道完美結合。佢哋有10隻口味嘅餃子，包括韭菜豬肉餃、香菇粟米豬肉餃、京蔥豬肉餃、蒜芯鮮蝦豬肉餃、芝士粟米豬肉餃、香茜豬肉餃、黑松露芝士豬肉餃等等，每一款都充滿心思。
【INFO】
《滾餃》
地址: 觀塘開源道60號駱駝漆大廈第三座9樓K室
營業時間: 星期一至四 12:00 - 20:30，星期五至六 12:00 - 21:00（星期日全日休息）
餃子店 | 7. 餃子冰室
餃子冰室位於長洲，提供多款獨創口味餃子，如黑白土匪雞肉餃，超重土匪孜然味道，加入黑白芝麻同雞肉，一咬爆汁啖啖肉，就好似譚仔入邊啲土匪雞翼咁，係必試之一！而鹹蛋黃金餃都係必點，食落更香脆，餃子皮外層畀濃濃嘅鹹蛋黃汁包住，咬落仲會爆汁，超有驚喜！小店仲有咖喱薯仔餃、南乳豆卜餃等特別口味，餃子控一定要試試。
【INFO】
《餃子冰室》
地址: 長洲大新海傍路86號地舖
營業時間: 星期一至日 12:00 - 19:00
餃子店 | 8. 搞餃鎮
「搞餃鎮」位於石門，店名好有趣，令人印象深刻！佢哋敢於創新，不斷試驗新口味，發掘「餃子」嘅獨特風味。「風味系列」餃子口味包括芫茜馬蹄豬肉餃、紫菜粟米豬肉餃、香葱辣豬肉餃同咖喱淮山羊肉餃等。湯底係用豬骨熬出嚟嘅清湯，入面仲有甜美嘅粟米同紅蘿蔔，味道濃郁，層次豐富。套餐仲有上海麵、米線或者生菜，加入粟米蘿蔔湯中，配煎餃食真係絕配。
【INFO】
《搞餃鎮》
地址: 沙田石門安群街1號京瑞廣場2期地下G19A號舖
營業時間: 星期一至日 10:00 - 22:00
餃子店 | 9. 王府
「王府」位於中環威靈頓街，仲係米芝蓮餐廳推介，作為餃子控當然不能錯過！餐廳除咗提供超過10種北京水餃外，亦有供應煎餃，每日都係人手新鮮包製。餃子外皮煎到略帶焦脆，內餡仲保留住肉汁！羊肉京葱餃、鮮肉韭菜水餃同花素餃係必試之選，餡料飽滿，餃子皮薄而不破，非常有質素！
【INFO】
《王府》
地址: 中環威靈頓街65號地舖
營業時間: 星期一至五 11:00 - 22:00 星期六 全日休息 星期日 11:00 - 22:00
餃子店 | 10. 餃掂手工餃子雲吞專門店
「餃掂手工餃子雲吞專門店」喺香港有多間分店，堅持每日店內新鮮手工包製，餃子大大隻，飽滿足料，非常紮實。用上加拿大麵粉揉合而成嘅餃子皮，煙韌得嚟又唔會太厚。餃子款式豐富，用梅頭同不見天豬肉炮製成軟腍偏瘦嘅豬肉餡，再混合唔同時蔬，創作出傳統同新派嘅口味，包括韮菜豬肉、芫茜豬肉、野生松茸豬肉、雲耳椰菜豬肉等。佢哋嘅狀元湯，用粉葛鯪魚煲成，無味精，充滿住家味道，呢個湯仲可以單點，非常好飲！
【INFO】
《餃掂手工餃子雲吞專門店》
地址: 西環堅尼地城士吉席街55-57號美新大廈地下A及B號舖
營業時間: 星期一至日 11:00 - 22:00
地址: 西環堅尼地城士美菲路12號文光閣地下C號舖
地址: 荔枝角長義街10號昌隆工業大廈地下3A2號舖
地址: 上環蘇杭街100號地舖
營業時間: 星期一至日 11:00 - 20:30
地址: 中環威靈頓街55號地舖
營業時間: 星期一至日 11:00 - 21:30
地址: 太子荔枝角道1號嘉業大廈地下E號舖
營業時間: 星期一至日 11:00 - 22:45
地址: 灣仔莊士敦道44號地舖
營業時間: 星期一至日 11:00 - 22:00
地址: 銅鑼灣景隆街19號地舖
營業時間: 星期一至日 11:30 - 22:00
地址: 將軍澳寶琳欣景路8號新都城中心二期2樓2037號舖
營業時間: 星期一至日 11:00 - 22:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
