青年大邦｜韓國超人氣年糕鍋「青年大邦 Young Dabang」，將會喺香港開第二間分店，等大家都食到35cm超長年糕！仲有獨家推出全新「大邦豬脊骨年糕鍋」以及限定互動遊戲同禮遇，隨時有得全年免費食35cm年糕鍋，即刻入內文睇詳情喇！
圖片來源：官方圖片 | 撰文：Hedy
韓國超人氣年糕鍋「青年大邦 Young Dabang」喺全球有超過400間分店，遍佈美國、澳洲、泰國、越南及日本等地！香港第二間分店將會喺2026年2月3日(星期二)進駐銅鑼灣時代廣場，以懷舊韓國咖啡店為靈感！
青年大邦｜銅鑼灣分店限定新菜式！
當中店鋪招牌菜絕對係韓國總部直送開35cm超長年糕，採用黃金比例配方製作，口感煙韌彈牙。鍋入面更滿載魚糕、鵪鶉蛋、炸餃子、拉麵及蔬菜，份量十足。店內亦為大家供應五款獨特湯底，包括經典 YDB招牌醬、韓式玫瑰醬、韓式炸醬、卡邦尼醬及香港限定嘅粟米忌廉醬。當中銅鑼灣分店更有全新菜式大邦豬脊骨年糕鍋($298)，以優質豬脊骨為主材料！其他經典菜色如大邦香雞 ，經慢煮處理再烤焗，以鎖住大量肉汁，再配上手切薯片，色香味俱全。香雞有六款經典口味，包括鹹甜交織嘅蜜糖蒜香雞（$228）、煙燻黑椒香雞（$223）、香橙辣香雞（$228）等。
青年大邦｜限定禮遇
為慶祝「青年大邦 Young Dabang」銅鑼灣店新張開幕，現場更設有2大限定活動同限定禮遇！只要堂食消費滿$300（加一服務費前計算），並讚好官方Instagram專頁及指定貼文即可享免費「邦主拍貼體驗」一次！另外讚好或跟蹤青年大邦的社交平台即可參加一捉即發活動，成個接到3至5條（惠顧年糕鍋，免費享用配料一款）；6至9條（享港幣$250即時折扣（限堂食）*）；10條：享港幣$500即時折扣（限堂食）*。而所有堂食客人憑消費單據即可參與拉尺挑戰，只要成功拉出35cm就可以獲贈「邦主歐巴限量禮品」一份 (款式隨機送出);。若未能成功拉中35cm就有「邦主歐巴波板糖」一支，人人有份！
青年大邦｜全年免費食35cm年糕鍋！
如果大家想全年免費食世一35cm年糕鍋，就一定要參加「青年大邦 Young Dabang」由即日起至2月24日舉辦嘅《年度最Hit韓劇創意挑戰》，邀請大家尋找巡遊中嘅「大邦歐巴電車」，用手機拍下最具創意嘅韓劇風格作品(相片/短片)，最佳作品就會獲得全年免費食世一35cm年糕鍋，記得留意3月5日公布喇！
拍攝四部曲
1. 追蹤 instgram@YoungDabangHK
2. 讚好 該帖+留言 “我要35cm年糕鍋”
3. 公開分享歐巴電車創意作品，並標籤 @YoungDabangHK
4. 截圖分享到instgram專頁私信
【INFO】 《青年大邦(時代廣場店)》 營業時間：12:00至22:00 地址：銅鑼灣時代廣場B1樓B110B號舖 電話：2110 8819
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
