過江龍餐廳2024 | 平時如果鍾意去開香港唔同地方食盡美食嘅話，就要留意吓10月香港都有唔少過江龍餐廳開幕，即刻睇吓有咩餐廳值得食啦！
圖片來源：Facebook@肉肉大米香港、鰻の成瀬-香港店、Jollibean Hong Kong、Joonganghaejang HK、官方圖片、Openrice@roamardtheworld、wtcivanwong | 撰文：Hedy
過江龍餐廳2024 | 1. 肉肉大米
日式漢堡扒專門店「肉肉大米」已經喺沙田新城市廣場開幕，主打現做現烤嘅日式牛肉漢堡。食材更堅持使用日本產嘅牛肉、米飯以及新鮮雞蛋。牛肉以九州嘅黑毛和牛及美國牛肉混合製成，咬落去夠晒Juicy又唔會太油膩，套餐由$95起，包含2至3塊和牛漢堡扒，仲可以任食西蘭花、白飯以及蜆湯，性價比相當高！餐廳更採用開放式廚房嘅設計，等大家都可以近距離觀賞到廚師製作漢堡扒嘅過程。
【INFO 】
《肉肉大米》
營業時間：11:00至22:00
地址：沙田新城巿廣場一期一樓108號舖
過江龍餐廳2024 | 2. CURRY UP (位於淺水灣)
由日本設計師NIGO所創立嘅CURRY UP，喺香港開設全球第3間分店，選址淺水灣，同時亦係海外首間分店，唔使再飛去日本就食到！無論係菜單定係店鋪裝潢都保留一樣嘅風格。店鋪提供5款咖喱選擇，包括招牌奶油咖喱雞、Keema咖喱雞、蔬菜咖喱、辣牛肉咖喱以及牛筋咖喱，$85就食到細份量，唔夠食嘅朋友亦可以選擇中或大份量。
【INFO】 《Curry Up》 營業時間：11:30至20:00 地址：淺水灣淺水灣道109號 Repulse Bay Village 地下116號舖
過江龍餐廳2024 | 3. Bibigo bapsang
韓式快餐店Bibigo bapsang將會喺10月10日於中環開設首間實體店，餐廳主打多款韓式料理，包括韓式炸雞以及韓式烤牛肉飯等。仲有餃子以及辣炒年糕等唔同嘅食物，最平$49就食到一個套餐，套餐仲包括主菜、配菜、餐飲或湯品，性價比相當高！
【INFO】 《bibigo bapsang》 營業時間：11:30至22:30 地址：中環閣麟街32號地下
過江龍餐廳2024 | 4. 韓鍋酒舍
喺首爾開咗40年嘅韓鍋酒舍將會喺10月於灣仔開幕，當中必定要食解酒湯同牛腸鍋，每款都超足料，啱晒各位打工仔放工同朋友聚會，體驗正宗嘅韓國菜！喺冬天食超適合！
【INFO】
《韓鍋酒舍》
營業時間：待公布
地址：灣仔聯發街18號地舖
過江龍餐廳2024 | 5. Jollibean
Jollibean為新加坡最受歡迎嘅豆乳品牌之一，擁有30年匠心工藝，主打高營養和抗氧化美食。Jollibean除咗喺調景嶺設有分店之外，最近亦喺九龍灣德福廣場開設咗旗艦店，主打吐司、豆乳、沙冰、甜品，當中招牌更係9°微甜濃豆乳，高營養價值之餘，豆乳香亦相當重！
【INFO】
《Jollibean》
營業時間：星期一至六07:30至22:00；星期日及公眾假期 09:00至22:00
地址：九龍灣德福廣場1期平台P41號舖(港鐵站A出口步行幾分鐘）
過江龍餐廳2024 | 6. 鰻の成瀬
唔知大家身邊又有冇超中意食鰻魚嘅朋友仔呢？喺日本擁有近百間分店嘅鰻魚飯專門店「鰻の成瀬」，最近喺中環街市開幕，$88起就可以食到鰻魚飯，仲會附送鰻魚汁、芥末、山椒粉和湯包等一系列調味料，等你自由調配，絕對係鰻魚愛好者必試嘅餐廳。如果大家想食到超大條嘅鰻魚，價錢最貴都只係$208！
【INFO】 《鰻の成瀬》 營業時間：星期一至日 10:00至22:00 地址：中環街市2樓246C號舖
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
