牛扒癮起，想搵間高質扒房慶祝紀念日，或者同朋友大口食肉？今次我哋為一眾牛扒控，搜羅城中12間各具特色嘅牛扒餐廳！無論你想試米芝蓮推介、主打頂級乾式熟成牛扒嘅 HENRY、定係想去無限任食薯條嘅 La Vache!。呢度涵蓋由高級餐飲、地道美式燒烤，到CP值極高嘅選擇，例如 Beefbar 同 Flat Iron Steak，保證滿足你唔同場合同預算嘅需要！
圖片來源：HENRY、The Grill Room、Beefbar、La Vache!、Dan Ryan’s Chicago Grill、Smokehouse Grill、ASADO、Flat Iron Steak、Charcoal Bar、Dan Ryan’s Chicago Grill官方網站 | 撰文：Ginger
牛扒餐廳推介 | 1. HENRY
位於 Rosewood 酒店嘅 HENRY，由主廚 Nathan Green 坐鎮，主打美國最頂級嘅肉品同傳統炭火煙燻燒烤，充滿濃厚嘅美式扒房風味。嚟到呢度，必試嘅就係佢哋嘅招牌乾式熟成牛扒，特別係 44 Farms USDA Prime Cowboy Ribeye，油花豐富，肉味濃郁到不得了，經過炭火燒烤後，外層焦香，內裡保持鮮嫩多汁，每一啖都係享受。除咗牛扒，佢哋嘅斧頭扒（Tomahawk）亦非常出名，份量十足，最啱打卡呃 like！餐廳裝潢型格，氣氛浪漫，無論係慶祝生日定係紀念日都絕對唔會失禮。
【INFO】
《HENRY》
地址: 尖沙咀梳士巴利道18號香港瑰麗酒店5樓
營業時間: 星期一至五 18:00 - 22:30，星期六至日 12:00 - 14:30，18:00 - 22:30
牛扒餐廳推介 | 2. The Grill Room
The Grill Room 位於銅鑼灣，餐廳主打傳統炭扒，提供多款優質肉品選擇，例如10安士紐西蘭肉眼同炭燒美國16安士USDA安格斯肉眼牛扒，火候控制得啱啱好，肉汁被完美鎖住，完美呈現牛扒的原汁原味。除咗扒類，餐廳亦提供一系列海鮮及配菜，例如新鮮生蠔及松露薯條，豐富咗成個用餐體驗。
【INFO】
《The Grill Room》
地址: 銅鑼灣駱克道463-483號銅鑼灣廣場二期3樓3B號舖
營業時間: 星期一至日 12:00 - 23:00
牛扒餐廳推介 | 3. Beefbar Hong Kong
如果你想試啲特別啲、有米芝蓮級數嘅牛扒，咁位於中環嘅Beefbar絕對係個唔錯嘅選擇！呢間高級牛扒專門店嚟自蒙地卡羅，主打摩納哥嘅牛肉菜式，直接從世界各地嘅生產商採購頂級牛肉，無論係美國、澳洲、日本定歐洲嘅靚牛，都一樣食得到。特別推介米芝蓮星級嘅現炭烤黑安格斯牛腰肉，炭火香氣十足，真心感受到同一般扒房嘅分別！拼盤入面仲有蘋果木煙燻煙肉、車打芝士豬肉腸、自家香料墨魚、墨西哥辣椒蝦同燒蔬菜，食材即叫即燒，非常新鮮。
【INFO】
《Beefbar Hong Kong》
地址: 中環雪廠街16號Club Lusitano2樓
營業時間: 星期一至六 12:00 - 14:30，18:30 - 22:30， 星期日 全日休息
牛扒餐廳推介 | 4. La Vache!
講到人氣扒房，La Vache! 肯定榜上有名！餐廳晚晚都大排長龍，氣氛超級熱鬧。佢哋嘅概念好直接，餐牌上只有一款主菜：USDA Prime 級肉眼牛扒。牛扒份量十足，最令人瘋狂嘅係，金黃香脆嘅薯條係可以無限量添加！一大盤炸到脆卜卜嘅薯條放喺你面前，真係非常邪惡！
【INFO】
《La Vache!》
蘇豪店
地址: 中環卑利街48號地下
營業時間: 午餐：每日 12:00-15:00 ；晚餐：星期日至四 18:00-23:00；星期五至六 18:00-00:00
尖沙咀店
地址: 尖沙咀赫德道12號地下
營業時間: 午餐：每日 12:00-15:00 ；晚餐：星期日至四 18:00-23:00；星期五至六 18:00-00:00
金鐘店
地址: 金鐘太古廣場一座LG1樓007號舖
營業時間: 星期日至四 12:00-21:00；星期五至六 12:00-22:00
山頂店
地址: 山頂山頂道128號凌霄閣1樓2號舖
營業時間: 星期日至四 12:00-21:00；星期五至六 12:00-22:00
牛扒餐廳推介 | 5. Prohibition Grill House and Cocktail Bar
想搵啲新意？呢間位於中環嘅 Prohibition Grill House and Cocktail Bar 就啱晒你。佢以美國1920年代禁酒令時期嘅地下酒吧為主題，裝潢復古又有格調。餐廳主打明火炭烤扒類，特別推薦佢哋嘅美國頂級帶骨肉眼排，經過 28 天美國威士忌及烏龍茶乾式熟成，淋上濃郁嘅美式牛油，每一口都充滿層次豐富嘅香氣與奶油嘅質感。
【INFO】
《Prohibition Grill House and Cocktail Bar》
地址: 黃竹坑黃竹坑道180號海洋公園香港海洋公園萬豪酒店C區地舖
營業時間: 星期一至日12:00 - 14:30，18:00 - 22:00
牛扒餐廳推介 | 6. Dan Ryan’s Chicago Grill
Dan Ryan’s 絕對係香港美式餐廳嘅經典代表，餐廳行美式復古路線，環境闊落，充滿住濃厚嘅芝加哥扒房風味。佢哋嘅牛扒出名份量大、肉味重，USDA Prime Ribeye 同 New York Strip 都係人氣之選，保證你食到最原汁原味嘅美式炭燒風味。
【INFO】
《Dan Ryan's Chicago Grill》
尖沙咀店
地址: 尖沙咀廣東道3-27號海港城海運大廈3樓OT315號舖
營業時間: 星期一至四: 11:30 - 22:00，星期五: 11:30 - 23:00，星期六及公眾假期前夕: 11:00 - 23:00，星期日: 11:00 - 22:00
九龍塘店
地址: 九龍塘達之路80號又一城LG2樓LG2-28號舖
營業時間: 星期日至四: 11:00 - 22:30，星期五至六及公眾假期前夕: 11:00 - 23:00
太古城店
地址: 太古城道18號太古城中心1期3樓311號舖
營業時間: 星期日至四: 11:30 - 22:00 ，星期五至六及公眾假期前夕: 11:30 - 23:00
牛扒餐廳推介 | 7. Smokehouse Grill
位於朗豪坊嘅 Smokehouse Grill 以源自19世紀初嘅古法慢烤煙燻技術，加上累積多年燻製肉類嘅經驗同熱誠，完美展現出至今仍然受人喜愛嘅燒烤美食。呢度嘅專業廚師團隊嚟自世界各地，佢哋用經驗老到嘅手藝，花費數小時並利用優質木材，將上乘部位嘅肉類燻製成風味絕倫嘅煙燻肉，大大提升咗唔同肉類嘅嫩度同口感，令每一啖都充滿獨特嘅煙燻香氣。
【INFO】
《Smokehouse Grill》
地址: 旺角亞皆老街8號朗豪坊13樓05號舖
營業時間: 星期一至四: 12:00 - 00:00，星期五至六: 12:00 - 02:00 ，期日: 12:00 - 00:00
牛扒餐廳推介 | 8. ASADO
ASADO 係一間正宗嘅阿根廷扒房，店名「Asado」正正就係阿根廷傳統家庭燒烤嘅意思。餐廳用明火炭燒烤爐，將優質嘅阿根廷草飼牛肉烤到外脆內嫩。必試嘅係佢哋嘅肉眼扒，肉味香濃，帶有獨特嘅炭火香氣。記得要配上阿根廷特色嘅 Chimichurri 醬，酸酸辣辣，可以中和肉嘅油膩感，非常開胃。
【INFO】
《ASADO》
地址: 灣仔大王東街22-30號樹德大廈地下4-5號舖
營業時間: 今日營業 12:00 - 14:30，18:00 - 22:00，星期一至日 12:00 - 14:30，18:00 - 22:00
牛扒餐廳推介 | 9. Carna by Dario Cecchini
尖沙咀Carna by Dario Cecchini位於Mondrian Hong Kong酒店39樓，一入到去就俾個無敵180度維港海景震撼到，打卡一流！呢度主打高品質嘅肉類，Dario大師主張「Nose-to-Tail」（從頭到尾）嘅理念，將每嚿肉嘅潛力發揮到極致。除咗有經典嘅意式扒類，仲會加入新派嘅煮法，令你食到層次更豐富嘅肉味。
【INFO】
《Carna by Dario Cecchini》
地址：尖沙咀赫德道8A號Mondrian Hong Kong39樓
營業時間: 星期一至五 18:00 - 00:00，星期六至日 12:00 - 15:00，18:00 - 00:00，公眾假期 12:00 - 15:00 18:00 - 00:00
牛扒餐廳推介 | 10. Flat Iron Steak
Flat Iron Steak 係另一間 CP 值極高嘅扒房代表，佢位於蘇豪區，概念同 La Vache! 有啲相似，主打單一款式嘅平鐵牛扒， Flat Iron Steak。用高溫烤爐將牛扒烤到恰到好處，完美鎖住肉汁。除咗牛扒，餐廳仲供應多款惹味小食同埋酒類飲品，等一班「肉食愛好者」可以盡情咁「大杯酒大塊肉」咁聚餐，氣氛輕鬆又自在，無論係午餐定晚餐都啱晒！
【INFO】
《Flat Iron Steak》
地址: 中環荷李活道30號Shama Place地舖
營業時間: 星期一至日 12:00-22:00
牛扒餐廳推介 | 11. Charcoal Bar
想用超值價錢，體驗到米芝蓮級嘅煙燻風味同手藝？咁就一定要試吓Charcoal Bar！呢間由LUBUDS®️集團同米芝蓮星級廚師Bjoern Alexander聯手打造嘅西式木炭燒烤概念餐廳，將燒烤藝術提升到最高境界。餐廳嚴選嚟自世界各地嘅頂級食材同埋唔同種類嘅火木，將燒烤嘅風味發揮到淋漓盡致，呈現出無可挑剔嘅燒烤美食。
【INFO】
《Charcoal Bar》
地址: 尖沙咀海港城海運大廈地下G62舖
營業時間: 星期一至日 12:00-23:00
牛扒餐廳推介 | 12. Picanhas’
由Flat Iron Steak團隊主理嘅Picanhas’，係一間充滿南美熱情嘅扒房！佢哋最特別之處，就係將吧枱設計成環繞開放式廚房，俾你可以一路食一路欣賞廚師嘅精湛手藝。呢度嘅招牌菜 Picanha（牛臀蓋扒），用傳統巴西烹調方法製作，將牛扒以高溫炙烤後，再淋上自家製嘅阿根廷青醬，配埋精選阿根廷紅酒，簡直係風味十足！
【INFO】
《Picanhas'》
地址: 中環伊利近街27及29號地舖
營業時間: 星期一至日 12:00-22:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
