爭鮮線條小狗｜超可愛呀！爭鮮聯乘韓國超人氣療癒角色「線條小狗」，推出一系列驚喜限定聯名壽司以及甜品，仲有必訪嘅主題店！另外，更有三大萌爆聯名週邊，真係好Cute呀！即入內文睇詳情！
圖片來源：官方圖片 | 撰文：Hedy
爭鮮（香港）將會由5月1日至6月8日，驚喜聯乘韓國超人氣 IP「線條小狗」！當中太子始創中心同埋屯門時代廣場2間迴轉店，將會搖身一變成為期間限定嘅「線條小狗」主題店。太子始創店以浪漫嘅「花叢草地」為主題；而屯門時代廣場店則以「甜蜜心心」為主題。入口處更設有線條小狗人形立牌，入到去仲有大型主題牆同超可愛嘅餐桌佈置畀大家打卡！
太子主題店
屯門主題店
爭鮮聯乘線條小狗｜萌爆壽司甜點
爭鮮迴轉店推出「小狗貼貼炙燒拼」以和牛與鰈魚鰭邊嘅油脂香氣，再加上以鰈魚鰭邊配搭三文魚、玉子燒及明太子醬嘅「馬爾濟斯愛明太鮭」，為大家帶嚟雙重享受！必試賣相激萌嘅「小狗超愛你」3D 慕斯蛋糕，分別有牛乳味嘅馬爾濟斯與焦糖味嘅小金毛立體造型，真係超得意～仲可以加點埋聯名嘅「小狗莓煩惱」特飲，粉嫩草莓奶油撞上濃郁朱古力。而外帶店則有「汪汪！幸福花宴」壽司盒，將經典花之戀與多款刺身壽司結合。
爭鮮聯乘線條小狗｜3大聯名精品
想入手咁可愛嘅線條小狗聯名精品，就記得要換購喇！只要單筆消費每滿$80就可以用優惠價換購限定聯名精品1件。
【5月1日開賣】
HK$38/款 限量環保袋（「貼貼款」與「壽司款」）（外帶店限定）
HK$28/款 便攜水樽（「星球款」、「壽司款」及「泡湯款」）（迴轉店限定）
【5月15日開賣】
HK$58/款 絨毛公仔盲盒（全套6款隨機發放）
條款及細則︰
以單一交易折扣後實付金額計算。公關餐券、第三方外賣平台及取消交易之消費將不予計算。
數量有限，換完即止。款式以門市供應而準。
請於換領時即場檢查貨品，交易完成後恕不設退換。
圖片只供參考，以實物為準。
活動受條款及細則約束。如有任何爭議，爭鮮（香港）保留最終決定權。
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
