情人節朱古力2024 | 情人節就算男/女朋友講明唔使送禮物，都可以為另一半花點心思，用心揀朱古力嚟氹佢哋開心，包大家過一個開心嘅情人節！唔想年年都送一樣嘅朱古力又有咩可以選擇？小編推薦6款朱古力，好味之餘又夠靚，絕對可以滿足另一半想打卡嘅心願！
圖片來源：Sanrio Japan、Godiva Japan 、Amazon、takashimaya| 撰文：Hedy
情人節朱古力2024：The Perfect Man 朱古力
相信無論係男士們定係女士，大家都絕對會鍾意猛男，古銅色嘅肌膚再加上六舊腹肌，相當吸引！送畀男或女朋友就相當適合，祝願佢哋早日鍛鍊好身材。就算無另一半都唔需要傷心，買猛男朱古力畀自己或者同朋友一齊食，樂趣十足！希望每一個食完朱古力嘅人，都可以早日搵到佢哋嘅「Perfect Man」，出Pool指日可待！
延伸閱讀：【7款實用情人節禮物推薦、$500至$8000抵買選擇！】
情人節朱古力2024：Mary’s Chocolate x Pokémon限定朱古力
日本朱古力品牌Mary’s Chocolate聯同Pokémon推出情人節限定朱古力禮盒，入面更有齊唔同嘅小精靈造型或者脆米朱古力，每一粒朱古力都有可愛嘅寵物圖案！再加上朱古力不含酒精成分，就算唔係買畀另一半都可以買畀小朋友，等佢地食得滿足又開心！今次情人節更推出鐵盒版，食完之後更可以留起鐵盒，循環再用！
情人節朱古力2024：SANRIO x GODIVA限定朱古力
每年都會有好多人買Sanrio x Godiva 2024 情人節限定朱古力禮盒套裝，今年除咗有過往出現嘅Hello Kitty、My Melody 同埋Cinnamonroll角色之外，更新加入Kuromi！食朱古力之餘更有公仔附送，啱晒送畀擁有少女心嘅另一半，當中嘅掛飾同埋公仔腳底更有刻上今年2024嘅年份，絕對適合收藏！
情人節朱古力2024：Morozoff x Miffy朱古力
如果另一半鍾意Miffy嘅，不妨入手呢款Miffy朱古力，包女朋友收到之後都會相當開心！當中更有多達10款不同包裝嘅朱古力任你揀，每個包裝都有唔同數量嘅朱古力，每個可愛造型嘅Miffy都等緊你帶佢翻屋企！
情人節朱古力2024：Tokyo Crown Cat貓貓朱古力
有身為貓奴嘅另一半，就可以選擇呢款貓貓朱古力送畀對方，你仲可以選擇以貓掌為造型嘅朱古力，或者印有可愛貓貓嘅樣，每款都好可愛，令人引唔住想食呀！
情人節朱古力2024：半島酒店小熊朱古力禮盒
另一半平時如果好鍾意熊仔，不妨買半島酒店嘅小熊朱古力禮盒！6個別緻可愛嘅半島小熊，每一位都有獨特嘅造型同衣著，畀另一半選擇自己鍾意嘅熊仔，絕對係最好嘅情人節禮物！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
