中秋盆菜2024 | 又準備到中秋？想同一家人食中秋團圓飯就一定要預先準備，咁就可以一家大細聚埋一齊！相信中秋節都會有唔少人選擇叫盆菜，一齊享用鮑魚、貴妃雞以及花膠等，食完仲可以一齊賞月～
圖片來源：官方圖片、Facebook@大家樂 Café de Coral、klook | 撰文：Hedy
中秋盆菜推薦 | 1. 大快活中秋盆菜
如果想近近地喺屋企附近訂盆菜，就可以選擇大快活中秋盆菜，以絕佳價格低至$509就可以食到原隻鮑魚、灼蝦、紅燒肉、豬蹄、福袋、冬菇、釀豆卜、豬皮、腐皮魚肉卷、芋頭、枝竹、炸魚蛋、蘿蔔等豐富食材！而今年亦都加入咗百花釀羊肚菌、陳皮魚肉腐皮卷以及用$88優惠價帶走6件香脆可口嘅芝麻蝦多士。為咗令大家嘅中秋盛宴更添美味，仲有用心炮製嘅梅子鴨，酸甜開胃嘅肉汁再加上軟腍嘅鴨肉，送飯一流，只需要加$179！
【INFO】 《大快活盆菜》 價錢：$509起（6位用） 訂購日期：即日起至2024年9月13日 購買連結：登入大快活APP / 網上訂購
中秋盆菜推薦 | 2. 大家樂 中秋盆菜
大家樂秉承中秋節嘅傳統，準備咗兩款極具特色嘅中秋盆菜，當中包括褔袋燒味盆菜（6位用）以及瑤柱褔袋燒味大盆菜（10-12位用），迎合唔同大小嘅聚會。
前者內有黃金福袋(6個)、茄汁中蝦(6隻)、蠔豉、白切雞、燒鴨、花菇、南乳炆蓮藕、南乳炆腩仔、沙嗲豬皮、沙嗲魷魚、蠔菇、鴨掌、炸魚蛋、栗子、枝竹、芋頭、蘿蔔及西蘭花共十八款用料。而後者就包含原粒日本宗谷瑤柱(10粒)、黃金福袋(10個)、茄汁中蝦(10隻)、蠔豉、白切雞、燒鴨、花菇、南乳炆蓮藕、南乳炆腩仔、沙嗲豬皮、沙嗲魷魚、蠔菇、鴨掌、炸魚蛋、栗子、枝竹、芋頭、蘿蔔及西蘭花共十九款用料。依家只要喺PayMe網上訂購滿$500，更可享有9折，買滿$2,000仲有免費送貨！
【INFO】 《大家樂中秋盆菜》 價錢：$438起 購買連結：https://bit.ly/3YOQPYf
中秋盆菜推薦 | 3. Fast Gourmet 巨型酥皮龍蝦鮑魚盆菜
全港首創巨型酥皮龍蝦鮑魚盆菜，同傳統嘅盆菜就有啲分別，混合各國唔同嘅食材，帶畀大家滿滿嘅新鮮感！盆菜以海鮮為主，有波士頓龍蝦、鮮鮑魚、北海道珍寶刺身級帶子、海蝦、藍青口及魷魚，仲有泰國魚餅及扎肉等泰式美食。當大家進食嘅時候只要將法式龍蝦湯或冬蔭龍蝦湯倒入，以明火或電磁爐煮熱就食得，超推薦大家將酥皮撕成小件蘸湯汁食，好好味！
【INFO】
《Fast Gourmet 巨型酥皮龍蝦鮑魚盆菜》
價錢：$488起
購買連結：WhatsApp 68878147
中秋盆菜推薦 | 4. 北角海逸酒店「節慶鮑魚盆菜」
中秋節除咗食月餅之外，仲可以買盤菜同屋企人食團圓飯。北角海逸酒店推出「節慶鮑魚盆菜」，依家仲有限時85折優惠，低至$568就食到。節慶鮑魚盆菜以多款上乘食材烹調而成，當中包括魚、花膠、虎蝦、金 蠔、瑤柱、冬菇、腩肉、鵝掌及豉油雞等，可供2位、4位、8位或12位享用。買完之後只要喺指定日子入面，憑換領信到北角綠怡咖啡廳換領就可以㗎啦！
【INFO】 《北角海逸酒店「節慶鮑魚盆菜」》 價錢：$568起 換領地址：香港北角英皇道665號北角海逸酒店2樓綠怡咖啡廳 訂購日期：即日起至2024年9月30日 購買連結：https://bit.ly/3WI9aDJ
中秋盆菜推薦 | 5. 一粥麵中秋「鮑魚佛跳牆盆菜」
中秋唔想下廚煮嘢食，就一定要預先訂購好盆菜！依家訂購一粥麵中秋「鮑魚佛跳牆盆菜」更有7折早鳥優惠低至$838，等大家可以享用到用料矜貴嘅佛跳牆，仲有十頭鮑魚、原粒瑤柱、原條海參、滑溜花膠、韓國蠔豉等，更加送埋半隻嫩滑多汁嘅貴妃雞畀大家！輕輕鬆鬆就可以享用到一餐矜貴又回味無窮嘅中秋盆菜。
【INFO】 中秋「鮑魚佛跳牆盆菜」（6位用） 食物：包括十頭鮑魚（6隻）、原粒瑤柱（6粒）、原條海參（6條）、滑溜花膠（6片）、韓國蠔豉（6隻）、原隻大蝦（8隻）、花菇（8隻）、南乳腩肉、豬皮、蓮藕、蘿蔔、芋頭、魚蛋、枝竹、西蘭花共15款食材，另送貴妃雞半隻。 價錢： 即日起至9月5日港幣$838 （加送$50一粥麵現金券） 中秋「鮑魚佛跳牆盆菜」套餐（6位用） 食物：鮑魚佛跳牆盆菜、紅燒花膠肉絲素翅（4磅）及揚州炒飯（2磅），另送貴妃雞一隻 價錢：即日起至9月5日港幣$1,188（加送$50一粥麵現金券） 購買連結：https://bit.ly/4fWqLke
中秋盆菜推薦 | 6. FEAST 鮑魚珍饈豐食盆菜
如果想再方便啲，就可以選擇豐食FEAST全新呈獻嘅「鮑魚珍饈豐食盆菜」，$798嘅價錢仲包埋送貨上門，咁就可以一家人安坐家中等美食啦！盆菜嚴選16款矜貴嘅山珍及鮮味食材，當中包括溏心鮑魚、原條海參、鮮元貝、鮑汁燴花膠、鮑汁鴨掌、極品大蝦、珍珠魚唇、蠔皇螺片、南乳五花腩、秘醬炆豬皮、農家雞肉、爽彈白魚蛋、滷香杏鮑菇、特級板栗、醬香蘿蔔、上湯西蘭花、黃金鮑汁等。再配埋濃郁嘅鮑魚湯汁精心熬煮而成，聞到啖啖鮮香～而且盆菜將連同不鏽鋼鍋以真空冰鮮包裝方式呈現，衛生安全，只需原盆加熱即可品嚐！
【INFO】 《FEAST 鮑魚珍饈豐食盆菜》 價錢：$798 日期：即日起至2024年9月9日 購買連結：https://bit.ly/3YHNjif
中秋盆菜推薦 | 7. 環球美食到會 人氣富貴鮑魚花膠盆菜
大家庭盆菜首選！環球美食到會為大家提供2款盆菜套餐，當中包括富貴鮑魚花膠盆菜以及盆滿缽滿波士頓龍蝦盆菜套餐。小編就推薦如果有12人或以上，絕對可以揀後者，當中有成13款食材，如波士頓龍蝦、原隻紅燒鮑魚、大蝦皇、如意花膠、鮑汁扣鴨掌以及蜜餞金蠔等。依家購買更有9折優惠，$1519就可以買到，而且價錢更免費送貨至全港各區。
【INFO】 《環球美食到會 人氣富貴鮑魚花膠盆菜》 價錢：$979.2起 購買連結：https://bit.ly/3X4DMkc
中秋盆菜推薦 | 8. 新同樂 米芝蓮星級餐廳盆菜
新同樂為米芝蓮星級餐廳，除咗提供午食及晚市套餐之外，亦有盆菜畀大家選擇例如鵝掌元蹄盆菜以及刺參花膠乳豬盆菜，兩款盆菜都有配純釀醬油浸農場雞，適合4至6位使用。鵝掌元蹄盆菜包括純釀醬油浸農場雞(1隻)*獨立包裝、鮑汁扣鵝掌(4隻)、醬扣元蹄(1斤) 、豆醬烤櫻桃鴨(半隻)、北海道宗谷瑤柱甫(4件)、 厚竹笙(4件)、茄汁海蝦球、蝦籽柚皮、原木花菰、手打花椒豚肉丸、香煎鯪魚餅、 香葉燻蛋、西蘭花、蓮藕、津菜、枝竹以及素筋，價錢為$2,438起。
而刺參花膠乳豬盆菜套餐就包括即燒乳豬 (半隻)*獨立包裝、 純釀醬油浸農場雞(1隻) *獨立包裝、50頭關東刺參(4條)、天洋花膠筒(4件) 、北海道宗谷瑤柱甫(4件)、鮑汁扣鵝掌(4隻)、茄汁原隻大虎蝦(4隻)、京韓醬烤西班牙豬腩、厚竹笙(4件)、原木花菰、手打花椒豚肉丸、 香葉燻蛋、西蘭花、蓮藕、津菜、枝竹以及素筋，價錢$3,938起。
【INFO】 《新同樂 米芝蓮星級餐廳盆菜》 價錢：$2438起 購買連結：https://bit.ly/3AAzJmL
中秋盆菜推薦 | 9. 香港富豪酒店中秋盆菜
香港富豪酒店推出四款盆菜外賣，選用鮑魚、花膠及海參等多達12款矜貴食材，當中更有素盆菜，滿足唔同人士嘅需求，適合4位或6位人士食用。小編就推薦上珍菌原隻素鮑齋盆菜 (6位用)，除咗啱素食人士之外，亦係低脂肪、高蛋白、高纖維同高膠質。盆菜取材珍貴且滋補功效佳的雲南天然菌類 – 羊肚菌、榆耳菌、黃耳菌。其他食材包括原隻齋鮑魚、植物雞、植物魚、素柱甫、花菇、髪菜、鮮淮山、蓮藕、西蘭花、素菇汁。
【INFO】
《香港富豪酒店中秋盆菜》
價錢：$1238起
購買連結：https://bit.ly/3YMlXrA
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
