三眼仔 | 終於都等到三眼仔做主角啦！三眼仔期間限定店登場，入面除咗有打卡位之外，仲有多款三眼仔甜品、限定周邊以及20款限定贈品，即刻入內文睇詳情喇！
圖片來源：官方圖片 | 撰文：Hedy
今個萬聖節，Toy Story人氣角色三眼仔Alien登陸旺⾓，與⼭下菓⼦攜⼿打造《萬聖節萌遊甜品宇宙》限定店！三款綠⾊造型甜品驚喜登場，再加上超過 20 款獨家設計⾓⾊精品同打卡裝置，⼀秒開啟地球萌遊任務！
三眼仔期間限定店 | 打卡位
店外設有「火箭三眼仔登陸區」⾨⼝打卡置，以火箭及積⽊為主視覺，搭配唔同動作同表情開三眼仔⾓⾊。即刻企喺三眼仔火箭隔離影像喇！而店入面就以以紫綠主調打造萬聖節氣氛，包括⾓⾊掛布、巨型⾓⾊⾜印地板與裝飾牆，等大家⼀秒進入三眼仔宇宙，超可愛呀～
三眼仔期間限定店 | 三眼仔甜品
除咗打卡位之外，⼭下菓⼦特別推出多款三眼仔甜點，賣相趣怪⼜可愛，為粉絲帶來全⽅位味覺 × 視覺 × 收藏嘅夢幻體驗。當中包括⾓⾊主題下午茶、特製蛋糕系列等。Pixar Toy Story 主題甜點拼盤首次登場！以⼈氣動畫《反⽃奇兵》為靈感角色造型甜點拼盤，⼀次集結六位⾓⾊嘅專屬⼝味及造型，每套$148（另加一）甜品盤，每日限定時間限量供應！鍾意食下午茶嘅亦有「外星三眼仔 ×節慶搞⿁」下午茶雙⼈套裝$199.另外仲有⼿⼯蛋卷連雪糕$78 、造型奶凍連雪糕$78、開⼼果⼿⼯千層蛋糕$48等等。期間限定店亦有以「綠⾊」為主題「三重綠意 × 萬聖節限定」甜點及主食登場，三款限定甜品以開⼼果、抹茶、薄荷為主軸，呈現三眼仔獨有嘅「綠」⾊宇宙美學。
三眼仔期間限定店 | 限定贈品+期間限定店
同場亦有超過 20 款限定品，包括⾓⾊插牌、立體卡⽚、收藏貼紙、造型杯墊等，款款精緻，數量有限，送完即⽌！店內亦設有三眼仔精品區，有齊吊飾、徽章、餐具、萬聖節限定⾓⾊海報等。仲有獨家⾸賣的可愛搞⿁的「Aliens Ghost 系列」索袋及亞加⼒匙扣盲盒；南瓜造型糖果桶等，每款都讓⼈愛不釋⼿。除咗萬聖節主題商品之外，三眼仔更融入⽇常⽤品！必搶推介：Pizza 造型三眼仔斜揹、三眼仔造型吸管吊飾以及三眼仔太空變⾊杯。
【INFO】
《三眼仔萌遊甜品宇宙》期間限定店
⽇期：2025年10⽉24⽇⾄12⽉16⽇
營業時間：12:00 – 22:00 （最後入座 19:40）
地點：⼭下菓⼦ Kingsley Café & Meal（旺⾓彌敦道 700 號 T.O.P This is Our Place 31 4- 315 號）
立即訂座：https://bit.ly/4o5SGlk
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
