麥當勞McGriddles | 相信大家去日本旅行都一定有試過當地麥當勞推出嘅McGriddles楓糖班戟漢堡，依家唔使去日本都可以喺香港食到？網傳香港麥當勞將會推出，最快呢日有得食，即刻睇睇詳情！
圖片來源：網上圖片、官方圖片 | 撰文：Hedy
今日喺網絡上瘋傳香港麥當勞將會推出McGriddles，頭半個月仲要係全日供應，咁就唔使早起身都食到！楓糖班戟漢堡，將本來嘅麵包變成厚熱香餅，以楓糖漿再加上蛋、豬柳以及芝士等，將甜鹹滋味結合，口感令人一試難忘，有唔少香港人去到日本都一定會食！
麥當勞McGriddles | 最快今個禮拜食到！
據網上流傳嘅相片，香港麥當勞將會推出2款口味，分別為楓糖班㦸豬柳漢堡及楓糖班㦸豬柳蛋漢堡。大家期待咗好耐嘅McGriddles，將會喺7月27日星期六開始推出，仲有機會係全日供應？而文件亦顯示直至8月19日，楓糖班戟漢堡系列會改為於早餐餐牌推廣。如果網上嘅資料冇錯嘅話，大家今個禮拜就有得食啦～唔知同食落去嘅口感，同日本食到嘅會唔會一樣呢？好期待呀！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
