香港點心 | 就快又到父親節，最啱就係一家人團聚一齊食飯～想搵間坐得舒服，又可以一邊觀賞維港景色，一邊享受美食，小編就有好推薦！位於尖沙咀嘅一間高級粵菜，推出指定點心半價優惠，坐窗邊座位仲可以欣賞到維港美景。即刻入內文睇詳情！
圖片來源：Facebook@六公館 HEXA | 撰文：Hedy
位於尖沙咀海旁，坐擁270度維港景致，設計時尚得嚟又帶點古韻嘅六公館，主打新舊融合嘅新派中國菜。而六公館更推出指定點心半價優惠，只需要order主餐牌任何一款菜式（不包括前菜和甜品），就可以享用！優惠只限於星期一至四嘅午市供應(11:30至3點），當中並不包括公眾假期，有興趣嘅朋友就記得要早啲去預約先喇～
香港點心 | 點心半價優惠
六公館嘅點心即叫即製，而且點心更係相當創新，當中包括黑豚叉燒腸粉、意大利茄酸辣湯鮮竹蝦卷以及黑金和牛酥等等，每款精緻得嚟又好味！仲有必食嘅水晶蝦餃、魚籽燒賣、黑豚叉燒包以及六公館小籠包！優惠做到6月尾㗎咋，快啲襯父親節請爸爸去食！
【INFO】 《六公館》 營業時間：星期一至日 11:30至18:00 地址：九龍尖沙咀海港城海運大廈地下OTE 101號 預約：請按此
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
