開心果甜品 | 開心果控注意啦！今次為大家集結10大實體店及網店的開心果鹹甜點。開心果擁有獨特果仁香味，製作出唔同類型的美食，當中有北角掃街必食開心果格仔餅、全港獨家售賣的芝士奶蓋開心果沙冰、過江龍澳洲意大利百年品牌意式雪糕、米芝蓮開心果脆脆churros及老字號特濃開心果糊等。近年開心果愈嚟愈受歡迎，相信可以滿足一眾開心果控的願望！鍾意開心果的你千祈唔好錯過啦！
圖片來源： Openrice @hk.eateateat, @sleepbeauty, @ccrreami, @muimuiloveeating, @FoodPilgrimageGps, @pigkeymouse, @iamarollingball, @lazytowrite_foodie, @vanessafoodiary, @janlyjudy, @pigpigz, @vikolau, @nofoodnolife, @joyceau_, cheers.bake, Twist & Buckle Churros, 享樂烘焙, 夏茶官方圖片｜撰文：Ginger
開心果甜品 | 1. cheers.bake
近年興起開心果甜品，相信呢間人氣IG甜品店cheers.bake就可以滿足你嘅願望！有多款開心果甜品選擇，例如有戚風蛋糕、盒子蛋糕、曲奇、Tiramisu、巴斯克等，應有盡有！
其中最受歡迎係雙重日本X意大利開心果盒子蛋糕，頂層開心果碎配開心果忌廉，及使用日本和意大利開心果醬，前者偏甜，後者鹹香味重，再加上非常受大眾喜愛的麻糬，煙煙韌韌，加埋餅底，層次豐富，平衡感十足，使其開心果味推到極致！相信會俘虜一眾開心果迷的心！
【INFO】 《Cheers Bake》 1. 雙重日本X意大利開心果盒子蛋糕 $90@1 2. 開心果芝士Roll Cake $45@1 3. 開心果x草莓乳酪牛乳奶凍 $388@1 官方網址： https://www.instagram.com/cheers.bake/
開心果甜品 | 2. JACKSON SCONE
另一間人氣IG網店的手作司康最近亦非常備受關注！提供多款不同味道，例如美祿、斑斕椰絲、桂花烏龍味等，當中最受歡迎係特濃開心果味！嚴選美國及日本開心果，材料份量亦毫不吝嗇，使其開心果味非常濃郁！焗爐加熱後，外脆內軟，不鬆散而不乾身，微甜而不膩！
最近佢哋喺尖沙咀海港開設Pop-up店，提供粒粒開心果醬配各式特色司康，有興趣的朋友就要留意啦！
【INFO】
《Jackson's Scone》
Pistachios 特濃開心果Scone $45
官方網址：https://www.instagram.com/jacksonscone/
開心果甜品 | 3. 享樂烘焙
相信享樂烘焙大家都有一定的熟悉感，由新蒲崗起家，製作出多款特色烘焙美食！最近享樂烘焙推出多款新品，當中備受關注的一定係開心果吉士酥皮冰心麵包。以法國頂級牛油製作的酥皮外皮包着大福軟糯皮，加上爆餡意大利開心果吉士忌廉及煙靭牛奶麻糬，層次豐富，外脆內軟，非常邪惡，成為店舖重點推介產品！
【INFO】 《享樂烘焙》 1. 開心果吉士酥皮冰心麵包 $32@1 2.開心果乳酪布里歐 $24@1 [新蒲崗店] 地址：新蒲崗大有街3號萬迪廣埸地下E號舖 營業時間：星期一至六 07:00 - 20:30，星期日 08:00 - 19:30 電話： 3520 2122 [荃灣店] 地址：荃灣荃灣街市街152號坤成樓地下6號舖 營業時間：星期一至日 08:00 - 20:30 電話： 29892122 [九龍灣店] 地址：九龍灣常悅道21號The Eastmark地下3號舖 營業時間： 星期一至五07:00 - 20:30，星期六 08:00 - 19:30，星期日10:00 - 19:30 電話：25062122 [元朗店] 地址：元朗元龍街9號形點 I L1樓1097號舖 營業時間： 星期一至五 09:00 - 20:30，星期六至日 10:00 - 21:00 電話：26962122
開心果甜品 | 4. Twist & Buckle Churros
由兩位年輕南美人開設的正宗西班牙油條專門店，口味多樣變化，即叫即炸，外脆內煙韌。更可以加配多款特色雪糕，環形油條配上各款醬料的裝飾，色彩繽紛，賣相吸引，非常打卡able！今年更獲米芝蓮推薦！
當中開心果脆脆churros表面淋上意大利白朱古力開心果醬及灑上開心果碎粒，配上焦糖雪糕，冰火交融，愛甜的你，一定要試！
【INFO】 《Twist & Buckle Churros》 1. 開心果蓉配粒粒開心果仁碎 $40@1 2. Churro Gift Box 禮盒裝 (6件) $188 [尖沙咀店] 地址： 尖沙咀漆咸道南29-31號溫莎大廈地舖 營業時間： 星期一至四 12:00 - 22:30， 星期五至六 12:00 - 23:00，星期日 12:00 - 22:30 [北角店] 地址：北角電氣道180號百家利中心地舖 營業時間：星期一至日 12:00 - 22:30
開心果甜品 | 5. 初麥手作烘焙
呢間北角麵包店早前因為芋泥流心布甸包打響名堂！近日更推出多款開心果特色烘焙食品，如流心開心果千層吐司、開心果布丁飽及開心果冰心包等，令熱潮有增無減！
開心果千層吐司面頭鋪滿朱古力同開心果碎，中間夾雜開心果醬，吐司層層分明。店舖嚴選法國AOP認證伊思尼發酵牛油片，確保奶源保持最佳品質！經過乳酸菌發酵，令丹麥酥吐司每層都非常重牛油香！
【INFO】 《Jake n' me bakery 初麥手作烘焙》 1.流心開心果千層吐司 $35@1 2.開心果布丁飽 $24@1 3.開心果冰心包 $26@1 地址： 北角英皇道483-497號東寶大廈地舖 營業時間： 星期一至日 08:00 - 20:00
開心果甜品 | 6. 醉香小食雞蛋仔
早前北角有一間著名的開心果格仔餅小店結業，令到一眾開心果迷非常失落！近日，有新的雞蛋仔店，醉香小食雞蛋仔推出開心果格仔餅，除咗有港式小食同特別口味的雞蛋仔，暫時係全港唯一一間售賣開心果格仔餅的店舖！
即叫即整，新鮮製作，拎上手熱辣辣，格仔餅非常厚身，外脆內煙韌，配合開心果的抹醬，口感非常豐富！爆餡開心果碎醬格仔餅的抹醬毫不吝嗇，內餡有大量開心果仁醬和脆粒，非常澎湃之餘，整體亦超有口感！雖然開心果醬加入了奶和糖調味，但整體香滑不會過甜！
【INFO】 《醉香小食雞蛋仔》 開心果格仔餅 $35@1 地址： 尖沙咀加拿分道8-12號地舖12,GA號舖 / 觀塘開源道60號駱駝漆大廈3座地舖 營業時間： 星期一至日 11:00 - 23:00 電話： 62118761
開心果甜品 | 7. Messina
中環過江龍澳洲意大利百年品牌，係長期人龍排隊店。以意式雪糕而聞名，有30款口味以上的選擇！除咗有香港限定蛋撻或奶茶口味Gelato，招牌開心果Gelato亦非常受歡迎！由於店舖在澳洲頗有名氣，最為出名的一定係開心果味，採用自家農場出品的牛奶同開心果仁粒，每一口都有開心果仁脆脆，增加口感！
【INFO】 《Messina》 1. 一球 $70 2. 二球 $85 3. 三球 $95 地址： 中環砵典乍街37-43號嘉寶商業大廈地舖 營業時間： 星期一至四 12:00 - 22:00，星期五至日 12:00 - 22:30
開心果甜品 | 8. 蘭苑饎館
太子老字號米芝連必比登推介中式糖水舖，開業40年，主打龜苓膏等養生食品及罕見的開心果糖水，荃灣同太子都各有分店，有興趣試的朋友不妨留意吓！
店舖推出較少見的伊朗開心果糊及開心果糕！自家研磨的亮綠色開心果糊非常吸睛，網民都大讚開心果味非常濃郁，甜味恰到好處，香滑濃稠！而開心果糕像大菜糕的口感，爽滑不膩，帶開心果甘甜！
【INFO】 《蘭苑饎館》 1. 開心果糊 $44/碗 2. 開心果糕 $22/件 地址：太子西洋菜北街318號集賢樓地舖 營業時間： 星期一至日 12:00 - 20:00 電話： 23811369 / 23977788
開心果甜品 | 9. 皇甘栗鮮炒乾果專門店有限公司
大埔街坊要注意啦！店舖喺大埔開業十年多，除咗售賣傳統糖炒栗子，健康乾果和野生栗子雪糕外，更有多款創意口味雪糕。佢哋新出的脆開心果雪糕近日非常受街坊歡迎，有海量開心果仁，配上開心果軟雪糕，雙重享受！
INFO 《皇甘栗鮮炒乾果專門店有限公司》 開心果雪糕 $42 地址： 大埔寶鄉街51號華樂樓地下B號舖 營業時間： 星期一至日 09:30 - 20:30 電話：26382788 / 69778491
開心果甜品 | 10. 夏茶
元朗掃街必備手搖飲品，自家調製，每日限定，芝士奶蓋開心果雪冰及鮮奶版本一推出即成店舖熱銷No.1！
使用日本正榮開心果醬，面頭有芝士奶蓋同手剝打碎的美國開心果仁，一整杯都係翠綠色，果仁味非常濃郁，清爽解渴，香滑濃郁，十分足料！
除咗有飲品之外，店舖亦自家研發了開心果椰子凍，由於工序繁複，每天限量供應！口感介乎於啫喱同奶凍之間，加上烤過的原粒開心果碎，口感豐富，層次十足！喜歡開心果的你，千祈唔好錯過啦！
【INFO】 《夏茶》 1.芝士奶蓋開心果雪冰 $48 @1 2.芝士奶蓋開心果鮮奶 $45 @1 地址： 元朗元朗炮仗坊36號地舖/ 鳳攸北街5-9號順豐大廈地下3號舖 營業時間： 星期一 全日休息 ，星期二至日 12:00 - 22:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
