最近天氣轉涼，最啱就係食返個暖笠笠嘅羊腩煲！濃郁嘅湯底、嫩滑嘅羊腩，再加埋枝竹、冬菇、馬蹄等配料，係咪睇字都已經流哂口水？ 所以編輯幫大家搜羅7間人氣羊腩煲店，等你喺寒冷冬天都可以感受溫暖同滿足！
圖片來源：Facebook@增煇藝廚， @金玉滿堂 ，@文記燒臘飯店，@紅伶飯店，@人人和平，Openrice@1noso3u，Openrice@mmmvvv，Openrice@drinklawei，Openrice@kyutake，Openrice@西里爾，Openrice@花太郎，Openrice@thingirlseatallday，Openrice@ETcat20.6287，Openrice@Eric Hui，Openrice@AshleyCheung105，Openrice@g189，Facebook羊腩煲關注組@Chan Marco｜撰文：Anson
香港羊腩煲推介 | 1. 增煇藝廚
增煇作為深水埗40多年老字號大排檔，一直深受街坊歡迎，更獲得「米芝蓮必比登推介」，作為一間大排檔認真唔惹少！除咗各樣特式小菜，招牌羊腩煲更係街坊力推！全因夠哂足料，加上鮮甜湯底，令你一試難忘！除咗羊腩煲，增煇藝廚仲有好多招牌大排檔小炒，鑊氣十足，趁住天氣凍凍哋不如約埋三五知己一齊嚟食，感受地道風味！
【INFO】 《增煇藝廚》 地址：深水埗石硤尾街31-33號地舖 營業時間：星期一至日 17:30 - 01:30 電話：2778 8103
香港羊腩煲推介 | 2. 金玉滿堂
位於旺角嘅呢間中菜館係「羊腩煲關注組」嘅大熱人氣餐廳，唔少谷友都出post推介！佢嘅羊腩煲採用正宗黑草羊腩，油香撲鼻！而且以雙冬（冬菇、冬荀）作為主要配料，夠哂正宗！根據網友嘅分享，呢間餐廳都幾旺場，特別係推出羊腩煲之後情況更甚！所以如果想試嘅朋友記住盡早Book定位同埋講定想食羊腩煲，免得到時摸門釘啦！
【INFO】 《金玉滿堂》 地址：旺角煙廠街6-20號華新大廈地下14-14A號舖 營業時間：星期一至日 17:30 - 02:00 電話：9038 3638
香港羊腩煲推介 | 3. 文記燒臘飯店
雖然呢間餐廳係燒臘飯店，但佢嘅羊腩煲卻可以成為冬天嘅招牌菜式，你就知道有幾出色啦！佢嘅羊腩煲出哂名夠哂大份，而且羊腩燜得夠腍夠入味，吸收哂湯底味道！而且價錢實惠，大件夾抵食！
【INFO】 《文記燒臘飯店》 地址：佐敦新填地街1A號地舖 營業時間：星期一至日 11:00 - 00:00 電話：2359 4929
香港羊腩煲推介 | 4. 紅伶飯店
位於油麻地嘅呢間潮州菜館擁有半世紀歷史，歷史悠久。每逢秋冬，菜館都會推出紅伶秘製古法羊腩煲，濃而不鹹嘅湯底加上以秘製配方調製嘅醬汁，令每件羊腩都津津有味。羊腩仲要係用砂煲奉上，充滿特色而且別具風味！
【INFO】
《紅伶飯店》
地址：油麻地砵蘭街10-16號宜發大廈地下D及E號舖
營業時間：星期一至日 17:00 – 01:00
電話：3481 2020
香港羊腩煲 推介 | 5. 人人和平小飯店
人人和平嘅羊腩煲堅持使用全羊腩奉上，絕對唔會畀其他部位客人食，單單係呢一點都值回票價！而且羊腩煲參照70年代陸羽茶室被稱為「廚師狀元」梁敬嘅燜羊腩古方，用上柱侯、南乳及腐乳三醬燜製羊腩，讓食客充分品嚐古法味道！
【INFO】 《人人和平小飯店》 地址：北角堡壘街6-8號地下A號舖 營業時間：星期一至日 11:00 - 22:00 電話：2570 8616／3709 8900
香港羊腩煲 推介 | 6. 鋒膳
前面介紹嘅羊腩煲都係偏向平民、抵食路線，但$1,800（四位用）嘅奢華羊腩煲你又試過未？鋒膳以高級食材打造奢華羊腩煲，採用新鮮蝴蝶羊腩，湯底加入各種藥膳配料如當歸、川芎、白芷、麥冬等，以降低燥濕感，令你可以喺呢個冬天進補一下！即使係配菜，鋒膳用上日本天白菇、新鮮冬筍等貴價食材，等你喺細節上都可以享受高級味道！
【INFO】 《鋒膳》 地址：灣仔石水渠街69-71號年威閣2樓B號舖 營業時間：星期一至日 12:00 - 15:00，18:30 - 23:30 電話：6382 9826（Whatsapp） 官方網站：https://bit.ly/41hllt2
羊腩煲香港 | 7. 鋒記小炒王
作為今次推介名單中嘅隱世小店，雖然名氣未必有前面嘅餐廳咁大，但係都經常大排長龍，全因佢嘅羊腩煲與別不同！湯底加入魚骨熬製，呈奶白色，相比一般嘅羊腩煲雖然無咁濃味，卻帶有一點魚鮮味，啱哂口味清淡啲嘅朋友仔！
【INFO】 《鋒記小炒王》 地址：筲箕灣愛民街6-28號新利大廈地下3A號舖 營業時間：星期一至日 18:00 - 01:00 電話：2778 8680
