咁耐無得去日本旅行，相信各位蟹迷一定好掛住肉汁鮮甜嘅蟹肉、蟹膏，而家唔洗飛都可以一飽口福啦！最近位於佐敦嘅神燈海鮮酒家新推阿拉斯加黃金全蟹宴，蟹宴中包含主菜、主食、湯品等多款以蟹入饌嘅菜式，食客可以嘆盡活阿拉斯加蟹所有部位之餘，蟹宴仲包括開胃前菜、懷舊蝦多士同甜品㗎！想知到底有咩好食同餐廳詳情，記得睇到最後啦～
圖片來源：神燈海鮮酒家｜撰文：Candice
蟹膏食法任你揀！蟹膏蛋白炒鮮奶+活膏甲羅燒奶味超香濃！
阿拉斯加蟹除左啖啖肉，其實豐富嘅蟹膏亦係一大賣點！為左滿足唔同客人嘅口味，大廚特用左兩款做法比大家選擇食法～
全新創製嘅蟹膏蛋白炒鮮奶超級鮮甜，以順德名菜炒鮮奶的方法加入阿拉斯加蟹膏演，選用3.6北海道牛乳炒煮，奶味特別香濃！配上蟹膏嘅鮮香，食落口感嫩滑又鮮香～
至於活膏甲羅燒就係巨型蟹殼入面放滿新鮮蟹膏、蟹肉、豐富蟹籽同鵪鶉蛋等材料，注入清酒後再由專人負責燒，蟹鮮味超濃，配蝦多士一齊食口感更豐富，蟹膏迷一定唔可以錯過！
呢款懷舊蝦多士有別於坊間做法，師傅選用12頭印度原隻大白蝦，蝦肉彈牙，加上多士炸得好香脆，鬆脆得黎有唔會成口油，真系令人食到停唔到口！
全港首創新菜式！必試星洲麥皮蟹腳+雞油花雕蒸蟹身
除左以上3款菜式，全蟹宴當然唔少得蟹身、蟹腳等滿滿蟹肉嘅部位！神燈酒家嘅麥皮蝦向來好受食客歡迎，今次佢哋更製作出全港首創嘅星洲麥皮蟹腳，大廚特意將蟹腳外殼先行剪開，大家食嘅時候輕輕一拉就可以將蟹肉成條挑出黎，無論係食定望到都好幸福～
另外嘅雞油花雕蒸蟹身亦好入味，主廚反覆調配出雞油同花雕嘅完美比例，拌入蛋白同啖啖肉蟹身一起蒸煮，蟹身每隻都超厚肉，啖啖鮮甜又滿足！
宮廷蟹爪濃雞湯膠原精華超豐富！仲有烏冬/前菜/甜品
「阿拉斯加黃金全蟹宴」將主菜、湯品、主食全部都以蟹入饌，當中最正嘅宮廷蟹爪濃雞湯每日以15斤三黃雞、大量雞腳、雞殼，以先煎後用明火嘅方法熬製3小時，飲落除左feel到含有豐富骨膠原，濃郁鮮香嘅雞味真系好似濃縮左一碗精華咁，最後加入啖啖阿拉斯加蟹肉，鮮味加倍！
鮮拆蟹黃芝士烏冬加入蟹黃、阿拉斯加蟹肉、芝士製成蟹黃醬汁，加上每條烏冬都掛滿醬汁，入口時啖啖蟹香，濃郁又夠曬鮮味～
蟹宴菜式豐富，份量飽足大約有4人份，最癲係仲有配埋醒胃前菜是日甜品，前菜包括手拍青瓜、香茜鮮沙薑豬手粒同滷水掌翼。
見到咁多款菜式等緊你，各位大胃王蟹迷都記得快D約埋朋友挑戰下！
同場加映皇帝蟹﹒濃蝦湯麵 野生深海天使紅蝦+皇帝蟹件
除左黃金蟹宴，酒家午市已推出新菜式，皇帝蟹﹒濃蝦湯麵嘅湯底超用心，大廚用上15斤蝦頭慢熬超過5小時，配上彈牙手拍麵，更有咬口質感。
每一碗皇帝蟹濃蝦湯麵都配上一隻野生深海天使紅蝦同2件皇帝蟹件，十份足料！而家只要以午市試食價$78就可以食到，見到酒家咁多好野食，想試嘅朋友記得唔好錯過啦～
【INFO】
「阿拉斯加黃金全蟹宴」（4位用，6道主菜配小食、甜品）
原價：$3,688 期間限定優惠：$2,988
推出日期：2020年7月1日至7月31日
供應時間：11:30am-4:00pm；6:00pm-10:00pm
地址：佐敦長樂街14-20號，18廣場地下及一樓
查詢及訂座：2866 6292
