燒烤場2025 | 放假正正係時候遠離繁忙都市，享受大自然同陶醉於落日美景嘅好時機！今次為大家介紹八間BBQ場，提供多款港式燒烤食物選擇，仲有免費泊車，任飲任食，盡興全晚！如果你想搵個地方啱一家大細燒烤，仲有遊樂設施，「天水圍綠田園燒烤樂園」就係你嘅不二之選！想體驗三款唔同玩法嘅燒烤爐，可以去「大美督嘉年華燒烤」。如果你鍾意打卡，想睇日落美景，「龍鼓灣BBQ」就啱晒你！呢度有齊唔同款式嘅BBQ場，無論你鍾意邊一種，保證有一款啱你心水！
圖片來源：Facebook@天水圍綠田園、@龍鼓灘海邊BBQ、Openrice@西貢海灣會燒烤大王、@HY_FOOD_10、@happyfunnyEat、@DaphnePhan、@YingWong8244、@1amfoodie｜撰文：Ginger
燒烤場2025 | 1. 龍鼓灘海邊BBQ
如果你想整日BBQ，又想免費泊車同玩得盡興，不妨考慮「龍鼓灘海邊BBQ場」。呢度唔單止有自助港式燒烤場，仲可以係日落時分欣賞到美不勝收嘅海景！最吸引嘅係佢全日免費泊車，又或者由屯門市中心搭K52都唔係太遠，大概30至40分鐘就到。佔地4萬平方呎，可客納1500人。設有4種位置，VIP冷氣位置、海邊位置、普通位置及冷氣燒烤車。價錢方面，平日$170，假日每人$200起，加埋爐費同燒烤網，再送一罐飲品同紙巾等工具。自助區域整理得井井有條，超過40款美食，由自家師傅醃製，肉類選擇多，有西冷牛扒、豬扒、雞扒、金沙骨、叉燒粒、雞翼、魷魚、漢堡扒、多春魚同蔬菜等。醬料區選擇多，有豉油、燒汁、蒜蓉牛油，甚至有泰式雞醬同埋沙茶醬等。
【INFO】
《龍鼓灘海邊燒烤樂園 BBQ》
地址: 屯門龍鼓灘136地段(龍鼓灘巴士總站對面)
營業時間: 星期三至五 14:00 - 23:00，星期六 12:00 - 01:00，星期日 12:00 - 23:00 (星期一至二 全日休息)
價錢: $170位起
燒烤場2025 | 2. 大欖燒烤
「大欖燒烤」有屯門大欖總店同埗大埔大尾篤兩間分店，近日推出咗全港首創嘅 BBQ + 打邊爐放題！平日小童$98/位起，成人$168/位起，即可享用3.5小時任食 BBQ同打邊爐放題！場地超寬敞，可以容納800至1,500人，環境舒適乾淨，仲有70款唔同嘅美食任揀，包括秘製蝴蝶雞全翼、咖喱魷魚、泰式豬頸肉等等！仲可以升級美國安格斯特選牛板腱，及每個爐都會送上一份野炊小吊鍋，自行調配湯底同麵食，食完燒烤又可以食火鍋，一次過滿足你嘅味蕾！限時升級優惠仲包括免費自助飲品吧，非常抵食，唔好錯過啦！
【INFO】 《大欖燒烤》 《屯門店》 店舖地址 ：屯門大欖涌村 385 地段 263 號 營業時間 ：星期二至五 14:00 - 22:00｜星期六、日及公眾假期 13:00 - 23:00（逢星期一休息） 聯絡電話 ：2613 1811 / 9299 0350 團體訂座 ：5287 5058 人均消費 ：成人 $168/位 起；小童 $98/位起 《大尾篤店》 店舖地址 ：大尾篤汀角路 202 號 營業時間 ：星期二至五 14:00 - 22:00｜星期六、日及公眾假期 13:00 - 23:00（逢星期一休息） 聯絡電話 ：9509 4385 團體訂座 ：5287 5058 人均消費 ：成人 $168/位 起；小童 $98/位起
秋日限定優惠（即日至 2024年11月30日） 優惠一：預訂燒烤，即送野炊小吊鍋一份（原價：$90/份，數量有限，送完即止） 優惠二：惠顧夜間時段，免費升級享用美國安格斯特選牛板腱，燒烤任食！ 優惠三：預訂燒烤，即可任意享用自助飲品吧 — 包括汽水、果汁、咖啡、花茶放題無限任飲！（原價：$48/位）
燒烤場2025 | 3. 白石燒烤場
「白石BBQ燒烤」位於馬鞍山烏溪沙，鄰近海星灣，可以飽覽吐露港、八仙嶺同船灣淡水湖大壩嘅壯麗景色。呢度有過萬呎嘅大型露天場地，仲有舞台。場內仲有好多娛樂活動，如巨型戶外兒童彈床、風箏區同麻將租賃，真係玩到唔捨得走。燒烤場有海景燒烤爐同海邊獨立屋BBQ，面向吐露港海景，景色宜人。場內仲有約30間冷氣獨立屋，燒到熱辣辣隨時可以入冷氣房歎食物，玩完再出去BBQ，燒足全日都得！雖然唔係任食BBQ，但食物款式眾多，可以散點或者揀唔同人數嘅套餐，包括各式海鮮、丸、肉、腸、蔬菜類。獨立屋套餐仲包括海蝦、青口、帶子等少量海鮮，真係好豐富。
【INFO】
《白石燒烤》
地址: 馬鞍山白石第1950 號
營業時間：星期一至五 13:00 - 22:30 星期六至日 10:00 - 23:30
價錢: 5人優惠餐$838起
燒烤場2025 | 4. 巴希雅海灣重慶燒烤
「巴希雅海灣重慶燒烤」位於大美督，環境清幽雅致，係一個放鬆嘅好地方！佢哋係別墅式大閘，臨海而建，帶畀你一個至舒適嘅BBQ燒烤體驗。佢哋採用優質環保炭，火焰唔大，但熱力持久耐用，基本上燒到尾都唔使加炭，真係好方便！佢哋有各種各樣嘅肉類選擇，包括雞翼、牛仔骨同羊扒等，任君選擇。入場費每位$218，可以玩3小時，仲有免費泊車4小時，真係假日優閒遊車河嘅好去處。
【INFO】
《巴希雅海灣重慶燒烤》
地址: 大埔汀角路龍尾村103A號地舖
營業時間：星期一至日 12:00 - 00:00
價錢: 平日$148位起(一小時）、$168位起(2小時)、 $198位起(3小時）
燒烤場2025 | 5. 汀角灣燒烤農莊
「汀角灣燒烤農莊」位於大埔汀角村附近，可以遠眺船灣海景。呢度集合咗旋轉燒烤、港式燒烤、串燒燒烤同有機農莊。佔地超過2萬平方呎，可以容納超過800人，好適合舉辦各種燒烤聚會、旅行、農耕活動同參觀等。任食區有各式各樣嘅美食，全部嘅材料都經過嚴格揀選同埋專人醃製。燒烤場地環境舒適，有戶內同戶外區域。最特別係全港首創嘅360度自動旋轉燒烤爐，最多可以同時燒烤12款串燒食物，一按掣，就會自動轉動，火力均勻，唔駛自己揸燒烤叉，輕鬆就可以食到美食！
【INFO】
《汀角灣燒烤農莊》
地址: 大埔汀角路汀角村DD29地段地下
營業時間: 星期一至五12:00 - 22:00，星期六及日11:00 - 22:00
價錢: $188位起
燒烤場2025 | 6. 西貢海灣會燒烤大王
「西貢海灣會燒烤大王」位於西貢市中心，佔地2.5萬呎，面向大海，場地寬敞，設有帳篷，最多可以容納千人大型派對！入場只需要買票，按返手印，就可以盡情進出，而且係營業時間內無限次進出。你可以同埋無限量、無時限地自助燒烤，同時又可以享受隔壁海灣嘅水上活動！燒烤場提供三十多款唔同風味嘅美食，非常多元化！除咗基本燒烤食物，仲有額外附費嘅生猛海鮮同即燒乳豬。
【INFO】
《西貢海灣會燒烤大王》
地址: 西貢大網仔路沙下村9號地舖
營業時間: 星期一至日 13:00 - 22:00
價錢: $238位起
燒烤場2025 | 7. 大美督嘉年華燒烤
「大美督嘉年華燒烤」佔地40萬呎，係一個大型草原，地方寬敞環境優美，無論係同三五知己、家庭活動定係團體聚會，呢度都係首選之地！整片草坪遊樂場，有好多遊玩設施，例如滑梯、鞦韆、蹦蹦床，如果有小朋友一齊嚟，就可以開心咁玩返日！仲有自助燒烤，如有雞翅、豬扒、牛扒、雞扒、火腿腸、豬肉丸、魚丸、牛肉丸、豬肉餅、麵包切片等，應有盡有！店內設有三款唔同玩法嘅燒烤爐，包括傳統港式爐、重慶爐同韓國爐，保證你食得開心玩得盡興！
【INFO】
《大美督嘉年華燒烤》
地址: 大埔汀角路17-29地段136-148號地舖
營業時間: 星期一至日 12:00 - 22:00
價錢: $238位起
燒烤場2025 | 8. 天水圍綠田園燒烤樂園
「天水圍綠田園燒烤樂園」有齊燒烤場、農莊及玩樂設施，位於天水圍，喺輕鐵綫天富站步行大概15分鐘就可以到達，非常方便。呢度最特別嘅地方係遊樂設施非常多元化，有士多、手作坊，撈金魚、坐船仔、彈彈床、兒童高架車、兒童小火車、湖上撐船等等。仲有免費泊車，啱哂自駕人士！
【INFO】
《天水圍綠田園燒烤樂園》
地址: 天水圍沙江圍
營業時間: 星期一至日 10:00 - 00:00
價錢: 4至5位燒烤餐$730起
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
