全新火鍋餐廳「泰金鍋」登陸觀塘！餐廳主打日泰風味嘅火鍋放題，並結合地道港式元素，為食客提供多樣化嘅味覺享受，仲有即叫即做嘅煲仔飯，非常惹味！有興趣嘅朋友即睇內文啦！

圖片來源：官方圖片｜撰文：Sharon

「泰金鍋」嘅鍋套餐分為四個等級（A/B/C/D），價格由$228至$478，以「名菜+火鍋」模式為賣點，首先享用精緻名菜，再進入火鍋時間，可以體驗雙重嘅味覺享受！火鍋放題提供多達120款食材，包括高級肉類、新鮮海鮮、經典炸物、自助甜品等，120分鐘任食超抵食！當中必試招牌「農家回味雞煲」，湯底以優質老母雞熬製數小時，加入多種香料同秘製辣味調料，散發出濃郁嘅雞香氣，入口刺激辛辣！雞肉則肉質細膩、鮮嫩多汁，食落層次豐富！

藤椒烤魚煲。（圖片來源：官方圖片）
濃湯花膠雞煲。（圖片來源：官方圖片）
本地蠔桶。（圖片來源：官方圖片）
日本A5和牛。（圖片來源：官方圖片）
回味農家雞煲。（圖片來源：官方圖片）
+1

餐廳內特設活蝦池，提供新鮮的海蝦同鮑魚，凡惠顧B、C、D火鍋放題套餐均可體驗捕捉鮑魚海蝦放題，而A餐加$45可升級捕捉鮑魚海蝦放題！另外，凡惠顧B級或以上火鍋套餐，仲可以體驗體驗煲仔飯放題，多達9款地道煲仔飯，有齊港式、日式、韓式及泰式風味，每款更係即叫即做，非常新鮮！

流水蝦放題。（圖片來源：官方圖片）
北菇滑雞煲仔飯。（圖片來源：官方圖片）
金銀蒜開邊蝦煲仔飯
泡菜牛肉芝士煲仔飯煲仔飯。（圖片來源：官方圖片）

仲有一系列炸物同甜品，種類繁多，相當吸引！

泰式椰汁西米糕。（圖片來源：官方圖片）
千層椰汁糕。（圖片來源：官方圖片）
泰式榴槤炸彈。（圖片來源：官方圖片）
泰國清邁炸豬皮。（圖片來源：官方圖片）

泰金鍋除咗室內，更有戶外空間，設獨立透明圓頂包廂，可以有私人空間同朋友享用美食！有興趣嘅朋友快啲Book枱去試下啦～

室外圓頂包廂。（圖片來源：官方圖片）
【INFO】
《泰金鍋 - 觀塘店》
地址：觀塘觀塘道414號1亞太中心10樓
電話：8118 3338
泰金鍋 – 觀塘店。（圖片來源：官方圖片）

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk