拉麵屋嶋香港｜「拉麵屋嶋」香港店3月開幕、醬油/鹽味/白醬油湯底拉麵！

拉麵屋嶋香港｜喺香港都食到「東京三大拉麵名店」之一嘅「拉麵屋 嶋」（らぁ麺や 嶋）？呢間人氣拉麵店更連續五年（2021年至2025年）入選日本美食評鑑網Tabelog「百名店榜單」，今次竟然3月將會喺香港開全球首間海外分店？！即刻入內文睇地址！

圖片來源：官方圖片 | 撰文：Hedy

「拉麵屋 嶋」（らぁ麺や 嶋）東京元祖店以每日限量供應60碗拉麵嘅嚴苛產量守護品質，無論係麵條抑或湯底，均傾注盛島先生嘅職人魂，彰顯其精湛手藝及對拉麵工藝嘅極致追求！香港店將百分百呈現東京本店的極致風味，以日本雞、干貝、蜆、熟成鰹節、鯛魚頭及昆布等熬成嘅魚介，再配合多款新鮮蔬菜，合共近30種食材悉心熬製。香港分店菜單每日限量供應，以三款淡麗系湯底為主：濃香醇厚嘅「醬油湯底」、純粹清新嘅「鹽味湯底」、以及餘韻悠長嘅「白醬油湯底」，奠定神級拉麵基調。麵條以北海道北穗浪小麥為基礎，不含任何添加劑，口感彈牙誘人；搭配新鮮炮製嘅四款叉燒、手工海老雲吞及豚肉雲吞。就連創辦人兼主廚盛島博志將親自到港監修，為香港食客帶嚟全新拉麵體驗！

拉麵屋嶋香港｜3月香港開幕

「拉麵屋 嶋」香港店佔地近1,200平方呎，可以同時容納24位食客。「拉麵屋 嶋」將於2026年3月於香港銅鑼灣糖街31號地下1號舖開幕試業，營業時間為每日上午11時30分至晚上9時30分，大家記得去試喇～

【INFO】
《「拉麵屋 嶋」（らぁ麺や 嶋）香港店》
開幕日期：2026年3月
營業時間：每日上午11時30分至晚上9時30分
地址：香港銅鑼灣糖街31號地下1號舖

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk