平民價都食到Omakase質素！銅鑼灣刺身專門店食材超新鮮+必試吉列鰻魚 仲有日本買手每日當地揀靚魚

近年Omakase店越開越多，香港人無得飛去日本食好西，自然對本地日本菜要求變高～想用平民價錢食到新鮮食材，其實都唔係無可能㗎！最近小編就發現到銅鑼灣有一間刺身專門店，無論係裝修定價錢都超級親民，店內環境仲還原到日本居酒屋果種地道嘅感覺。餐廳非常注重料理嘅新鮮程度，店主除左每日都經駐日本買手喺魚市場揀魚，所有食材更係即日運嚟香港！想知餐廳有咩必試招牌菜同詳細地址，而家就等小編為大家逐一介紹啦～

圖片來源：openrice、openrice@tomandcharlie、jose77_hk、mjqueen7e、lokyanyan、elgourmetfoodie、Gingerbunny、IG@suhsiyu.hk｜撰文：Candice

超親民港版日式居酒屋！到魚鮮生用平民價就食到Omakase高水準料理 

日式料理餐廳一般比人一種高級嘅感覺，不過係香港其實都有唔少小店係走親切嘅居酒屋路線㗎～呢間位於銅鑼灣嘅「魚鮮生刺身專門店」開業已經有十幾年，一直由店主兼師傅主理。最近店主就引入左更多日本海鮮同重新打造菜式Menu，精緻嘅料理好食之餘又岩曬打卡！

從門口望落去，專門店已經比人一種和風嘅感覺，木門、布幕同大大塊食物招牌東西日式居酒屋嘅特色之處～

入到餐廳裡面，可以見到風格同店門如出一徹，牆上佈滿左各式各樣嘅日本料理海報，木櫃頂亦擺放住好多唔同造型嘅模型同玩具，配上柔和嘅燈光，小編感覺真系好似飛左去日本嘅居酒屋咁，可以係度同朋友暢飲翻成晚！

小店師傅超有心思，除左對食材同料理態度認真，就連菜式menu呢d細節位都唔放過！全新打造嘅布menu超級可愛～

見到咁大條原條鰻魚，小編作為一個吃貨已經流曬口水啦～聽聞呢度嘅招牌菜更加吸引，而家一於即刻望下「魚鮮生」全港獨家嘅「白咖哩手拉烏冬 (吉烈鰻魚)」到底有幾好味！

魚鮮生獨家白咖哩手拉烏冬吉列鰻魚！$88食出日本原汁原味

炸鰻魚食落外脆內嫩，炸粉唔會太厚，口感貼近日本道口味，外層金黃脆口，內裡係滑嫩鰻魚，仲要只係HK$88絕對值得一戰。

另外白咖喱烏冬仲係日本手打烏冬，口感煙韌，配埋Creamy咖哩包住脆口鰻魚，超級滿足～ 呢個手拉烏冬系列仲有「華味鳥」、「黑豚肉眼」可以揀，不過小編都係覺得吉列鰻魚最特別！

魚鮮生超豪華壽司定食！每日限量50份+廚師發辦 食材全部由日本新鮮直送

壽司望落超新鮮，食落仲有淡淡鮮甜味，成個定食有齊所有高級壽司，例如牡丹蝦、大拖羅，北海道海膽、金目鯛及灸燒左口魚等，用omakase做法都只係要$388～

魚鮮生客製化外賣！精緻程度堪比藝術品 木盒壽司便當+魚生海膽蛋糕都一樣得

除左門市之外，小店亦有提供外賣服務，係魚鮮生自己嘅instagram上可以見到餐廳不時會位客人特質魚生蛋糕同木盒壽司便當！賣相夠曬吸引之餘仲好獨特～

師傅堅持選用高級新鮮日本海膽，海膽蛋糕望落超特別！

以後每逢過時過節，想嘆住壽司同親朋戚友慶祝都無難度，而家就算叫埋去staycation都一樣得㗎～有興趣嘅朋友記得去支持下小店，外賣嘅話亦可以到佢哋嘅whatsapp查詢價錢，木盒壽司嘅款式都係可以客製化嘅部分之一～