尖沙咀酒吧 | 放假想同朋友飲返杯Chill吓，小編就有好介紹！鍾意廣東歌嘅你絕對唔好錯過，位於尖沙咀嘅呢間酒吧有以港產片或粵語歌為主題嘅雞尾酒及生啤，超特別！即刻入內文睇詳情啦！
圖片來源：官方圖片 | 撰文：Hedy
作為香港人，自自然然就會聽唔同年代嘅粵語歌，仲會睇唔少嘅港產片～而尖沙咀EMO CLUB以香港舊式俱樂部為主題，室內部分以唔同木材為裝修主軸設計，配以唔同設計黃調燈光，將整體氛圍感提升！而室外外牆位置就有以港產片《花樣年華》為主題嘅夜光塗鴉，與塗鴉藝術家PIBG共同聯合創作，超有氣氛～
尖沙咀酒吧 | 雞尾酒以粵語歌同港產片為主題！
店入面有唔少以粵語歌同港產片為主題嘅雞尾酒同生啤，仲有多個香港手工啤品牌，等大家嚟到慢慢嘆！當中最受歡迎嘅雞尾酒包括：金剛圈、爛泥、曖昧等，每款COCKTAIL都各有特色，又令大家更理解粵語歌背後嘅意思～就以《金剛圈》為例，故事圍繞孫悟空為拯救紫霞仙子及唐三藏，只可將金剛圈套到頭上重拾法力。大家就可以望住COCKTAIL火化過程，相當有意思！酒吧亦會分時段播放唔同嘅音樂類型，包括JAZZ/HOUSE/FUNK、HIPHOP以及粵語歌，喺粵語歌時段更會播放唔同港產片剪輯4K片段，可以邊飲嘢邊睇港產片，夠晒寫意！另外酒吧亦會不時與歌手推出期間限定嘅飲品，當中包括AGA以及許靖韻。
【INFO】 《Emo Club》 營業時間：星期日至四 18:00 - 03:00；星期五、六、紅日前夕 18:00 - 04:00 地址：尖沙咀赫德道4號5樓全層
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
