串燒店推介 |做到凌晨先收工,想搵返間餐廳醫肚?同朋友仔出完街、唱完K,見肚餓想嘆返個宵夜?食串燒是常識吧!編輯幫大家搜羅6間凌晨12點後繼續營業嘅串燒店,開得夜之餘、味道亦相當唔錯,等大家下次半夜肚餓都知道應該去邊!政府話要搞好「夜經濟」,大家就一齊跟小編「搵食」啦!

圖片來源:Openrice@nkikidailylife、Openrice@hkfoodpage、Openrice@美橋miki、Openrice@eatwith4feipor、Openrice@waisikmao.、Openrice@hungryb520、Openrice@eatwithjojohnny、Openrice@berber0201、Openrice@litszzzching、Openrice@vvv.foodies、Openrice@Woody0808、Openrice@Muichee、Openrice@tung_1230、Openrice@cherylgk、Openrice@lou.eatsss、Openrice@Wildchildcarol、Openrice@lovelykawaii、Openrice@Pinkyeeyee、Openrice@frankie240394|撰文:Tiffany

串燒店推介|1. 芝加哥串燒酒場

芝加哥串燒酒場位於大埔,除咗係一間串燒店,亦係一間酒吧。主打多款串燒、海鮮之外,仲有超過100款即調Cocktail、威士忌、紅白酒、清酒、啤酒,啱晒大家摸住酒杯底食串燒!食物種類好多,例如黑豚肉、和牛等,仲有超人氣嘅燒茄子、燒鰻魚、燒菠蘿,連甲羅燒都有。

(圖片來源:Openrice@nkikidailylife)

特別推介即燒乳豬串燒!西班牙乳豬平時喺西餐廳就食得多,估唔到喺呢到都搵到,仲要係以串燒嘅形式呈現,夠晒特別。乳豬皮燒得好香脆,但肉質依然保持鮮嫩Juicy,生熟恰到好處!

(圖片來源:Openrice@hkfoodpage)

鍾意食鱔嘅朋友就一定要試鹽燒鮮白鱔串,唔係好多串燒店食到㗎。魚肉鮮嫩多汁又大塊,保證你食完會想「Encore」阿!

(圖片來源:Openrice@美橋miki)
【INFO】
《芝加哥串燒酒場》
地址:大埔太和路15號太和中心地下37號舖(大埔店)/ 元朗金祥坊2號明雲閣地下A-B號舖(元朗店)/中環榮華里12-14號榮華大廈B座地下L及M號舖(中環店)
營業時間:星期一至五 16:00 - 03:00、星期六至日 14:00 - 03:00 /星期一至日 15:00 - 03:00 /星期一至四、日 15:00 - 03:00、星期五、六 15:00 - 05:00
電話:5723 3338/9777 7853/9777 7532
官方Facebook:https://bit.ly/44YXFK1

串燒店推介|2. 喜膳燒

喜膳燒呢間串燒店主打港日風味,肉類、海鮮、蔬菜都有好多選擇,而且食材由不同原產地進口,夠晒新鮮。店內裝修有啲居酒屋feel,讓客人感覺置身於日本一樣,夜晚嘆住串燒飲清酒,認真爽!

(圖片來源:Openrice@eatwith4feipor)

一定要嗌嘅係燒芝士響鈴!將芝士同響鈴呢兩樣好食嘅嘢放埋一齊,簡直係將美味Level up!響鈴燒到脆卜卜,一啖咬落去仲有爆漿芝士流出嚟,兩種味道真係超夾!

(圖片來源:Openrice@waisikmao.)

明太子釀雞翼串都係編輯心水之一,無骨雞翼脹卜卜,入面放滿晒明太子,啖啖滋味!明太子獨有嘅鹹香,配合滑溜雞肉,仲有外層脆卜卜嘅雞皮,超滿足阿!

(圖片來源:Openrice@hungryb520)
(圖片來源:Openrice@eatwithjojohnny)
【INFO】
《喜膳燒》
地址:尖沙咀寶勒巷10號地舖
營業時間:星期一至四 12:00 - 02:00、星期五 12:00 - 03:00、星期六 16:00 - 03:00、星期日 16:00 - 02:00
電話:3468 2234/6039 2079
官方Facebook:https://bit.ly/463rrOW

串燒店推介|3. 安安燒

凌晨想搵地方食宵夜,大家第一時間都應該會諗起旺角。安安燒係一間位於旺角、超高人氣嘅串燒店,無論係晚餐定係深宵時段,都有唔少人幫襯,可以話係越夜越精彩!大家嚟之前最好打電話問一問有冇位,免得嚟到要排隊。食物方面,食串燒點少得燒茄子?呢到嘅蒜蓉生燒茄子,上枱已經聞到香噴噴,面頭舖滿蒜蓉,加上茄子索晒啲汁,啖啖惹味!

(圖片來源:Openrice@berber0201)

而要講到呢到最出名、最受歡迎嘅食物,一定係黑松露三重芝士撈丁。喺公仔麵上舖滿由三種芝士混合而成嘅香濃芝士醬,再加濃郁黑松露,聽都知一定好好味!將麵底撈勻之後,每條麵都沾滿芝士及黑松露,宵夜整返碗真係爆滿足!

(圖片來源:Openrice@litszzzching)

美國牛小排都好吸引,鍾意食牛嘅朋友仔一定要試。牛排燒至五成熟、熟度啱啱好,食落肉質淋身,而且仲有肉汁。牛排唔會太油膩,加上牛肉味濃,牛魔王至愛呀!

(圖片來源:Openrice@vvv.foodies)
【INFO】
《安安燒》
地址:旺角染布房街6號地舖
營業時間:星期一至日 17:30 - 03:00
電話:2617 2220/6687 5635 (WhatsApp)
官方Facebook:https://bit.ly/3ZgaRcp

串燒店推介|4. 好燒式串燒專門店

好燒式有3間分店,佢哋嘅裝修有別於一般串燒店,冇咩油煙味同香料味,食完都唔洗驚會成身燒烤味。呢到有超過100款食物俾你揀,主打肉類串燒、蔬菜串燒、海鮮、燒魚,另外仲可以嗌燒乳鴿、安格斯封門柳、墨西哥薄餅,甚至意粉、飯等等,嚟食宵夜一定夠飽!

(圖片來源:Openrice@Woody0808)

串燒首選鹽燒牛舌串!厚切牛舌外層微微焦香,鹽燒完之後夠晒惹味。食落除咗保留牛舌獨特嘅香味,更超級鬆軟,而且仲有肉汁。

(圖片來源:Openrice@Muichee)

另一必食係炸池魚!通常串燒店嘅小食不外乎係燒多春魚、燒雞泡魚乾,但炸池魚就好少見。原條池魚仔炸到非常香脆,可以連骨一齊食,而且出乎意料地厚肉。配埋芥末蛋黃醬一齊食,宵夜送酒一流!

(圖片來源:Openrice@tung_1230)
【INFO】
《好燒式串燒專門店》
地址:旺角砵蘭街110號地舖(旺角店)/太子大南街32-34號地舖(太子店)/元朗又新街37-51號富祐閣地下8-9號舖(元朗店)
營業時間:星期一至日 17:00 - 03:00/星期一至日 16:00 - 23:45、00:00 - 01:30/星期一至日 16:00 - 02:00
電話:2332 9595/2696 9595/26677770、93725811 (WhatsApp)
官方Facebook:https://bit.ly/48ivpoyhttps://bit.ly/488gFsqhttps://bit.ly/3Pm7yf6

串燒店推介|5. 爸B燒

呢間位於新蒲崗嘅隱世串燒小店,係好多街坊嘅宵夜選擇嚟!爸B燒係主打泰式串燒、小菜,食物款式選擇多,而且好多都比較特別,加上味道質素高,所以好多人幫襯㗎。編輯大推,大家一定要試椒鹽粟米,件件都充滿椒鹽粉同孜然粉,超級香口鬆脆,一啖一件真係會食唔停口。

(圖片來源:Openrice@cherylgk)

佢哋嘅麻辣肉碎燒茄子都可以一試。一般串燒店嘅燒茄子都以蒜蓉味為主,但呢到加埋麻辣肉碎一齊燒,食落就更加香濃惹味。啱晒鍾意濃味嘅夜鬼!不過佢嘅麻辣一啲都唔惹少,如果自問唔太食到辣但又想惹味啲,都係由BB辣開始比較好。

(圖片來源:Openrice@lou.eatsss)

爸B燒每日都會有小優惠,可以以特惠價食到各款食品。海鮮係必食之選,種類亦唔少。編輯推介燒生蠔,隻隻肥大飽滿,而且絕對新鮮冇腥味。蟶子同扇貝都一樣出色,新鮮又厚肉。燒白鱔一定係CP值之王,外脆內嫩,只係$28一串。鹽燒海蝦都唔錯!特價嘅時候只係$6一隻,食多幾隻都唔會肉赤。雖然賣得平,但蝦肉唔會霉,而且都唔算好細隻,配埋啤酒一齊食簡直係絕配。

(圖片來源:Openrice@frankie240394)
(圖片來源:Openrice@Wildchildcarol)
【INFO】
《爸B燒》
地址:新蒲崗富源街19號地舖
營業時間:星期一至日 17:00 - 03:00
電話:3594 6128
官方Facebook:https://bit.ly/3EFti0A

串燒店推介|6. 川味香

介紹完港式、泰式串燒,今次輪到川式串燒!絕對係鍾意食辣嘅朋友仔嘅宵夜首選。呢間川式串燒小店嘅食物款式都唔少,仲有提供川式涼拌、熱炒小食。雖然小店嘅環境睇落一般,但其實臥虎藏龍!編輯認為必試嘅係燒香脆雞皮,雞皮要燒到好食,除咗外皮要夠香脆之外,食落唔可以太油太膩,但又要keep到雞嘅油香,唔簡單㗎!

(圖片來源:Openrice@lovelykawaii)

另一樣唔係好常見嘅串燒,大家都可以試吓,就係燒虎皮尖椒喇!呢到嘅虎皮尖椒燒得香軟得嚟,又唔會冇晒咬口,而且川味調味料落得好足,啖啖都好入味。愛濃味、惹味嘅人士必試!

(圖片來源:Openrice@lovelykawaii)

一場嚟到當然要試埋佢哋嘅川式熱食 — 超人氣嘅錫紙花甲粉!麻辣味好出,粉絲、金菇吸晒啲味,食落啖啖香濃。而且花甲嘅份量俾得好足,食極都仲有,宵夜整返碗肯定夠晒飽啦!

(圖片來源:Openrice@Pinkyeeyee)
【INFO】
《川味香》
地址:紅磡德民街29號德民大廈地下J1號舖
營業時間:星期一至日 11:00 - 06:00
電話:5403 4700
官方Facebook:https://bit.ly/44W7NU1