好鍋日子 | 大家又去咗啟德行吓零售館同埋雙子匯未呢？行到咁上下，天氣凍就最啱就係食啲暖笠笠嘅嘢！牛角集團旗下全新嘅火鍋品牌「好鍋日子」主打一人火鍋，價錢更低至$68起，即刻入內文睇詳情啦！
圖片來源：官方圖片 | 撰文：Hedy
「好鍋日子」首間分店登陸啟德零售館，精心調製出九款獨特湯底，當中包括養生姬松茸湯、鰹魚昆布湯、壽喜燒湯、雞白湯、黃金酸菜湯、番茄濃湯、泡菜湯、藥膳當歸白湯以及和式昆布湯，等你可以享受唔同嘅湯底～
好鍋日子 | 好鍋日子套餐 低至$68
除咗湯底有特色之外，「好鍋日子」提供多種肉類選擇，包括日本產黑 毛和牛肩胛肉、美國SRF和牛肩胛肉眼心、美國牛小排、Prime牛肩脊及牛舌等。另外更有日本產豚梅肉、雞腿肉等！每個套餐都包括蔬菜加鍋物盛合，如綠毛生菜、娃娃菜、豌豆苗、心內美蘿蔔、本菇及金菇（隨時令轉換）、年糕福袋、竹輪魚卷同蜂巢豆腐！配埋精選肉品同日本白米飯，價錢都只係低至$68！唔夠食仲可以升級份量或追加海鮮和肉品拼盤！當中有4大套餐相當推薦：
-
胃覚醒鍋($88)
鍾意食辣嘅人就絕對唔好錯過呢款，天氣凍食就最啱！套餐以黃金酸菜湯為主，搭配牛五花同豚梅肉。
-
濃鶏白鍋 （$118）
湯底以濃郁鶏白湯為特色，搭配150gPrime牛肩胛肉，超適合用作各款炊飯嘅基底！
-
茸美人鍋（$148）
套餐以養生姬松茸湯為基礎，交織出香氣與鮮甜嘅味道，搭配埋150g嘅Prime牛肩胛肉同牛五花。
-
鰹旨味鍋($158)
如果想食到唔同款式嘅肉，就推薦大家選擇呢款！套餐以鰹魚昆布湯為主，結合三款肉品，包括Prime牛肩胛肉、牛五花及日本產豚梅肉，共250g！
好鍋日子 | 主餐目及價錢
【INFO】 《好鍋日子》 營業時間：星期一至五 12:00至21:30； 星期六、日及公眾假期 11:30至21:30 地址：啟德體育園啟德零售館1，2樓M1-206號舖
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
