啟德美食 | 啟德AIRSIDE自開幕後瞬間成為啟德地標，無論係行潮流精品定係娛樂等都應有盡有！相信玩到攰之後，大家都想嘆翻啲美食，小編就已經幫大家整合咗15間餐廳，即刻睇睇有咩好嘢食啦～

圖片來源：Openrice@fishtailjai、haruka.kawazoe.、mandakiki95、cyrus1818、慕容有兒、alan4ever、Nei bb、phonebus、chancka、maze123、hoyan1219、灶君Kit、hazelnutcracker、SHYH、MaymayLaw2182、foodictionaryhk、my.foodiejourney、littlefoodie00、yyu01、bunniebeenie、hkgogogoguide、creamfun、foodiehkboy、leetszhin、Facebook@Uogashi Nihonichi 魚がし日本一、After You Dessert Cafe Hong Kong、京都勝牛、nana’s green tea hongkong、LUNA嵐月 | 撰文：Hedy

啟德AIRSIDE美食 | 1. 嵐月

放假帶爸爸媽媽一齊行下啟德AIRSIDE，就點都要試試呢間中菜餐廳，店舖嘅裝潢用咗好多綠色植物去佈置，令人感覺好似置身於園林入面咁，相當有格調～一坐低店員就會奉上茶葉九宮格，總共有8款茶葉可供選擇，包括西湖龍井、老叢水仙、白茶壽眉、鳳凰單叢以及金駿眉等等。點心款式總量繁多之餘，更有多款中式美食例如咖啡燻20日初鴿、西班牙黑豚叉燒以及蘋果木燻泰安雞等等，每款肉質都夠晒juicy，肥美而不膩口。食物令人滿足之餘又坐得舒服，可以一家大細享受Family Day！

咖啡燻20日初鴿（圖片來源：Facebook@LUNA嵐月）
西班牙黑豚叉燒（圖片來源：Openrice@haruka.kawazoe.）
蘋果木燻泰安雞（圖片來源：Openrice@fishtailjai）
茶葉九宮格（圖片來源：Openrice@mandakiki95）

【INFO】
《嵐月》
營業時間：星期一至日 11:30至23:00
地址：九龍城啟德協調道2號AIRSIDE 3樓L301-L302號舖

啟德AIRSIDE美食 | 2. The Cipollini Pizzeria

The Cipollini Pizzeria主打意大利手工薄餅，自家製意粉以及意式雪糕，而且店入面更充滿異國風情，等大家可以享受正宗嘅薄餅～每片羅馬風格薄餅都係以100克供應，每日都會有唔同嘅精選口味選擇！如果想食手工Pizza就推薦大家試試Wagyu Sirloin和牛西冷，牛扒肉汁豐富肉質又夠嫩，相當足料！食完主食仲有Gelato可以選擇，有開心果味、椰子、紅桑子以及Tiramisu等口味，食完簡直就係大滿足！

羅馬風格薄餅（圖片來源：Openrice@alan4ever）
和牛西冷Pizza（圖片來源：Openrice@cyrus1818）
（圖片來源：Openrice@慕容有兒）

【INFO】
《The Cipollini Pizzeria》
營業時間：星期一至日 11:30至21:30
地址：九龍城啟德協調道2號AIRSIDE G樓G012號舖

啟德AIRSIDE美食 | 3.冬柏 Yuk Mi Jeong Dam

韓國釜山人氣過江龍燒肉店「冬柏」유명진의 육미정담首次登陸香港，主打韓式烤肉以及傳統韓國料理！每次食韓燒嘅時候就最怕食完之後成身都係油煙味，不過呢度採用特製抽風系統，咁就唔會咁容易有油煙味！除咗可以單嗌食物之餘都可以選擇唔同嘅套餐，例如一級五花肉套餐$688、嚐味釜山套餐$850以及冬柏名物件套餐$1,152等等。大家一定要試試天然果汁醃製排骨以及嫩滑鮮味花五花肉，肉質軟滑之餘唔洗點任何醬汁都已經好好食！

見到肉就覺得吸引！（圖片來源：Openrice@phonebus）
睇到流晒口水（圖片來源：Openrice@Nei bb）
可以任加蛋（圖片來源：Openrice@chancka）

【INFO】
《冬柏 Yuk Mi Jeong Dam》
營業時間：星期一至日 11:30至22:30
地址：九龍城啟德協調道2號AIRSIDE 5樓L506號舖

啟德AIRSIDE美食 | 4. 魚がし日本一

喺日本擁有超過29間分店嘅「魚がし日本一」，終於都有得喺香港食到啦！餐廳採用開放式壽司吧檯設計，佔地近700平方呎！餐廳食材係嚟自日本無污染海洋，每日都係由日本市場直送到店，夠晒新鮮！除咗有單件壽司畀大家選擇之外，亦有套餐以及丼飯，仲有廚師發辦OMAKASE，選擇多元化！鍾意食壽司嘅大家就絕對唔可以錯過～

食材嚟自日本無污染海洋（圖片來源：Facebook@Uogashi Nihonichi 魚がし日本一）
每日日本直送（圖片來源：Facebook@Uogashi Nihonichi 魚がし日本一）
仲有丼飯選擇（圖片來源：Facebook@Uogashi Nihonichi 魚がし日本一）

【INFO】
《魚がし日本一》
營業時間：星期一至日 12:00至21:30
地址：九龍城啟德協調道2號AIRSIDE G樓G001號舖

啟德AIRSIDE美食 | 5. 京都勝牛

日本吉列牛專門店「京都勝牛」進駐AIRSIDE，精心挑選最佳品質嘅牛肉部分，將麵衣炸得酥脆金黃之餘，入面嘅牛都可以保持鮮嫩嘅味道，超吸引！如果怕牛太生嘅話都唔緊要，因為上枱嘅時候會提供小煎pan畀你自己再預熱，每面大概煮一分鐘就夠。食吉列牛嘅時候亦有唔同嘅醬料配搭例如特製醬汁、山椒鹽及和風醬油，令味道更昇華！

精心挑選最佳品質嘅牛肉部分（圖片來源：Facebook@京都勝牛）
加埋醬汁好好味！（圖片來源：Facebook@京都勝牛）
吉列牛（圖片來源：Facebook@京都勝牛）

【INFO】
《京都勝牛》
營業時間：星期一至日 12:00至21:30
地址：九龍城啟德協調道2號AIRSIDE B1樓B129號舖

啟德AIRSIDE美食 | 6. nana’s green tea

日本人氣茶室nana’s green tea首度登陸香港，必食各款宇治抹茶甜品！餐廳使用宇治茶等日本各地精選優質素材，製造出多款特色甜品以及飲品，例如抹茶白玉芭菲、抹茶蛋卷以及抹茶芝士蛋糕等，體驗濃郁嘅抹茶香，相信絕對可以滿足每位抹茶控！

濃郁嘅抹茶香（圖片來源：Facebook@nana's green tea hongkong）
最出名嘅抹茶蛋卷（圖片來源：Facebook@nana's green tea hongkong）
仲有抹茶芝士蛋糕（圖片來源：Facebook@nana's green tea hongkong）

【INFO】
《nana's green tea》
營業時間：星期一至日12:00至21:00
地址：九龍城啟德協調道2號AIRSIDE B1樓B128號舖

啟德AIRSIDE美食 | 7. 太二酸菜魚

中國人氣餐飲品牌太二酸菜魚喺香港都有幾間分店，主打酸菜魚，由2015年開始堅持做正宗川菜。當中必點老壇酸菜魚，魚肉鮮嫩之餘又夠大塊，就連湯底都好開胃。仲可以另外加紅薯粉、金針菇以及脆豆腐等，份量相當多，1至2人份嘅價錢為$258！

魚肉鮮嫩（圖片來源：Openrice@hoyan1219）
老壇酸菜魚（圖片來源：Openrice@maze123）

【INFO】
《太二酸菜魚》
營業時間：星期一至日 12:00至21:00
地址：九龍城啟德協調道2號AIRSIDE 地下G003-G004號舖

啟德AIRSIDE美食 | 8. 浪谷

想有得玩之餘又有得食，就一定要去「浪谷」！「浪谷」為大家提供衝浪體驗之餘，又有得食泰國菜！場內有專業教練指導，就算係小朋友或者新手都唔需要擔心。餐廳以衝浪島嶼為主題，由獲米芝蓮提名嘅主廚主理，為大家提供東南亞美食。仲有得邊食飯邊睇住人哋喺隔離衝浪，絕對帶畀你一個全新嘅體驗。

可以睇住其他人衝浪（圖片來源：Openrice@SHYH）
提供東南亞美食（圖片來源：Openrice@灶君Kit）
滿足大家想食泰國菜嘅心願（圖片來源：Openrice@hazelnutcracker）

【INFO】
《浪谷》
營業時間：星期一至日 11:30至22:00
地址：九龍城啟德協調道2號AIRSIDE 6樓L601號舖

啟德AIRSIDE美食 | 9. After You Dessert Café

泰國過江龍刨冰甜品店「After You Dessert Cafe」喺啟德AIRSIDE開設分店，唔使飛泰國都可以食到當地美食！夏天熱辣辣，就啱晒食新推出嘅泰式奶茶味刨冰啦，仲有泰式奶茶醬可以淋落去，味道香濃之餘又唔會太甜。要食刨冰仲可以試埋招牌芒果糯米飯刨冰，口感綿密之餘又帶點清新！

必試芒果糯米飯刨冰（圖片來源：Facebook@After You Dessert Cafe Hong Kong）
仲可以淋醬上去（圖片來源：Facebook@After You Dessert Cafe Hong Kong）

【INFO】
《After You Dessert Café》
營業時間：星期一至日 13:00至22:00
地址：九龍城啟德協調道2號AIRSIDE G樓G005號舖

啟德AIRSIDE美食 | 10. Chatterbox Café

新加坡文華酒店嘅Chatterbox喺香港都可以食到啦！Chatterbox Café將獲獎無數嘅文華海南雞飯以及星洲佳餚美饌如招牌喇沙、特色咸蛋雞翼帶到嚟香港，絕對要試試～文華海南雞飯肉質嫩滑，再加上3款唔同嘅醬料，夠晒惹味，配合埋油飯，絕對唔會令你失望！

肉質嫩滑！（圖片來源：Openrice@my.foodiejourney）
獲獎無數嘅文華海南雞飯（圖片來源：Openrice@MaymayLaw2182）

【INFO】
《Chatterbox Café》
營業時間：星期一至日 11:00至22:00
地址：九龍城啟德協調道2號AIRSIDE B1樓B114號舖

啟德AIRSIDE美食 | 11. AIRSIDE Cafe

AIRSIDE Cafe以通透玻璃屋為靈感，透光度十足，為大家帶嚟一個舒適嘅用餐環境。如果鍾意食海鮮嘅大家可以嗌海鮮拼盤，入面有齊生蠔、海蝦、磯煮鮑魚、龍蝦茶碗蒸以及帶子，帶父母嚟就係最好不過嘅選擇～

海鮮拼盤好吸引！（圖片來源：Openrice@foodictionaryhk）
每款都好新鮮（圖片來源：Openrice@foodictionaryhk）
仲有其他主食～（圖片來源：Openrice@foodictionaryhk）

【INFO】
《AIRSIDE Cafe》
營業時間：星期一至日12:00至22:00
地址：九龍城啟德協調道2號AIRSIDE 3樓L322-L323號舖

啟德AIRSIDE美食 | 12. Pickabowl

香港人好多時候3餐都喺出面食，如果想食得健康啲，就可以選擇Pickabowl！除咗可以令你食得飽肚之餘，又有蛋白質、蔬菜同埋飯等，夠晒健康又營養，大家都可以自選唔同嘅食物例如三文魚、吞拿魚以及慢煮雞胸等，飯底就可以揀沙律、黃薑椰菜花以及沾烏冬等，超適合注重健康嘅人或者健身人士食～

健康之選（圖片來源：Openrice@yyu01）
營養豐富（圖片來源：Openrice@littlefoodie00）

【INFO】
《Pickabowl》
營業時間：星期一至日11:30至21:00
地址：九龍城啟德協調道2號AIRSIDE 1樓L105號舖

啟德AIRSIDE美食 | 13. BELLAVISTA

相信各位愛寵人士都希望可以帶寵物入餐廳，而BELLAVISTA係寵物友善餐廳，大家都可以帶埋毛孩一齊入內進食，有室內同室外座位選擇。呢度主打澳洲優質和牛排以及烤肉類，肉質嫩滑夠軟腍又唔會太生！同時亦有唔少墨西哥菜以及Pizza等選擇。

好多嘢食選擇(圖片來源：Openrice@bunniebeenie）
主打澳洲優質和牛排(圖片來源：Openrice@hkgogogoguide）

【INFO】
《BELLAVISTA》
營業時間：星期一至日 12:00至23:00
地址：九龍城啟德協調道2號AIRSIDE 6樓L605號舖

啟德AIRSIDE美食 | 14. Terrace in seaside

韓國過江龍品牌Terrace in Seaside，餐廳以韓式洋輕食為主，主打螄蚶飯、濟州柑橘乳酪以及慢煮雞胸紅菜頭沙律等。大家又有冇發現每間分店都佈置咗柑橘樹，令大家好似置身於濟州柑橘果園入面，飯後再配埋個清甜柑橘窩夫，窩夫外脆內軟再加上柑橘帶畀人好Fresh嘅感覺，超適合做飯後甜品！

燒醬油黑毛豬白切肉紫蘇飯（圖片來源：Openrice@foodiehkboy）
清甜柑橘窩夫（圖片來源：Openrice@creamfun）

【INFO】
《Terrace in seaside》
營業時間：星期一至日 11:30至21:30
地址：九龍城啟德協調道2號AIRSIDE6樓L604號舖

啟德AIRSIDE美食 | 15. Grind & Brew

Grind & Brew為寵物友善咖啡店，更有專為狗仔而設嘅餐單，超貼心。餐廳同時亦為大家供應一系列健康菜單，有無麩質、魚素及全素餐點，適合唔同飲食習慣嘅人士。鍾意飲咖啡嘅人士都要試試嚟自澳洲精品有機咖啡豆，香氣四溢又好飲！

（圖片來源：Openrice@leetszhin）
（圖片來源：Openrice@leetszhin）

【INFO】
《Grind & Brew》
營業時間：星期一至日10:00至21:00
地址：九龍城啟德協調道2號AIRSIDE 2樓L218B-L218C號舖

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk