九龍城寨酒吧 | 九龍城寨除咗喺香港爆紅之外，電影喺日本上映後，更係深受日本人嘅喜愛！尖沙咀更有一間以九龍城寨為主題嘅特色酒吧，多個城寨場景等緊大家嚟打卡，仲有城寨招牌叉燒煎蛋煲仔飯等美食！
圖片來源：Instagram@klsc_hk | 撰文：Hedy
相信大家都一定有睇過《九龍城寨之圍城》呢套電影，尖沙咀竟然有一間酒吧以九龍城寨為主題，仲設立咗多個城寨打卡位！當中包括理髮店舖、酒樓大龍鳳、茶檔、果欄及賓館等，再加埋霓虹燈嘅特色，更顯香港情懷！餐廳經重新裝修後，更專程訂造咗「九龍城寨」花牌，仲加咗大屏幕，投射城寨嘅模擬場景，飲酒都更有feel！
九龍城寨酒吧 | 人生雞尾酒
大家可以喺度品嚐到人生雞尾酒系列，當中包括「四十九劫」、「玉碧釵」 等。 「四十九劫」講述悟空取西經期間歷經七七四十九劫，就好似香港人一直處於高壓嘅生活一樣，飲完呢班美酒之後更有力量面對人生嘅挑戰同困難。而「玉碧釵」係十二少贈予如花嘅定情信物，呢杯雞尾酒特調以桂花伏特加、青蘋果、烏龍茶為基調，入口清甜細膩，宛如深藏心底嘅回憶，呢杯雞尾酒更係專為女士而設！每一款雞尾酒都代表著大家一生中所遇到嘅經歷，嚐盡所有悲喜！
九龍城寨酒吧 | 城寨招牌「叉燒煎蛋煲仔飯」
除咗有雞尾酒飲之外，呢度仲有城寨招牌「叉燒煎蛋煲仔飯」，以秘製蔥油再加叉燒同雞蛋，整成香噴噴嘅煲仔飯～仲有三重黑松露煲仔飯/臘味三味煲仔飯等選擇，再加埋叉燒包多士、懷舊魷魚、邪惡奶黃油多等，每款美食都超懷舊～
【INFO】
《九龍城寨酒吧》
營業時間：星期一至四15:00至02:00；星期五至六15:00至04:00；星期日15:00至00:00
地址：尖沙咀漆咸道南115號達成商業大廈2樓
預約/Whatsapp查詢：請按此
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
