ONGO香港 | 韓國大熱品牌ONGO終於都喺香港開首間期間限定店！品牌以標誌性獨特花卉結繩設計而聞名，棒球帽可以修飾面型之餘仲有造型感，啱晒平時會戴帽嘅朋友～
圖片來源：官方圖片 | 撰文：Hedy
韓國小眾品牌 ONGO 棒球帽獨特嘅韓國傳統結繩設計，深受唔少人喜愛就連Baby Monster成員Rora、TWS成員Jihoon、VIVIZ成員Eunha 以及 Oh My Girl成員Yubin等明星都有戴！想Get同款嘅依家唔使飛韓國都買到！品牌將於11月7日喺旺角朗豪坊開設香港首間期間限定店，等大家都可以買到各款人氣熱賣棒球帽！
ONGO香港 | 獨特花卉結繩設計
韓國小眾帽子品牌ONGO為「Old Things Never Die」嘅縮寫，源自於韓國成語「溫故知新」，於2023年喺首爾創立。ONGO以其標誌性嘅獨特花卉結繩設計而聞名，靈感取自韓國傳統結繩工藝，主要為街頭運動風，無論係設計、開發定係製造都喺韓國親自把關，絕對係一眾時尚愛好者必入手嘅品牌之一！ONGO棒球帽正面均繡上簡潔「Old Things Never Die」字體或花卉圖案，背後則綴上具有韓國傳統文化特色嘅花卉結繩設計，完美地將傳統美學與現代時尚互相融合。棒球帽後方搭配花朵造型嘅結飾調節帶，能自由調整適合自己嘅寬度，大帽簷設計更能完美修飾面型！
ONGO香港 | ONGO香港期間限定店
ONGO 將於11月7日進駐旺角朗豪坊，開設香港首間期間限定店，店鋪主要採用綠色同白色色調，配合品牌標誌性嘅花結設計，特意選用草地及花卉作裝飾。棒球帽設有多款圖案設計及顏色供大家選擇，多個熱門款式包括經典花結繩「FLOWER KNOT CAP」、三朵花結繩「ONE, TWO, THREE, FLOWER KNOT CAP」以及雙愛心圖案「DOUBLE HEART KNOT CAP」等等都可以喺度見到，想入手新帽嘅朋友就記得去行吓喇～
【INFO】 《ONGO 香港期間限定店》 日期：2025年11月7日至2026年2月28日 營業時間：上午11時至晚上9時 地址：旺角亞皆老街8號朗豪坊5樓18號舖 電話：93635870 (Whatsapp)
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
