相信各位女生去韓國旅行時，點都會去Olive Young掃貨，發掘當地最火紅嘅護膚同化妝好物。近年Olive Young熱賣榜單上，唔少產品都深受K-pop女星及化妝師大力推薦～今次小編就為大家精選10大Olive Young熱賣好物，無論醫美級精華、瘦面神器，定係韓國美妝通通齊全，由即日起至12月6日仲做緊Olive Young Sale，即睇以下推介啦！
圖片來源：Medicube官網、Round Lab官網、Instagram@near__official、NE:AR官網、Abib官網、Biodance官網、Celimax官網、Heveblue官網、Unove官網、OliveYoung官網、youtube@heyitsmindy、Romand官網 | 撰文：Icy
香港如何購買Olive Young熱賣好物？
即使身處香港，都可以透過Olive Young官方網站訂購產品，步驟非常簡單！產品一般約7至10天就會送到香港，購物滿US$60可享免運，網站亦不時推出期間限定折扣，記得趁減價優惠入手喇！
- 註冊並登入OliveYoung Global帳戶
- 挑選心水好物加入購物車
- 結帳時填寫香港收貨地址
- 使用信用卡或PayPal付款
Olive Young熱賣好物 | 1. Medicube PDRN麗珠蘭精華
麗珠蘭係近期大熱嘅醫美項目，但好多人都因為怕痛而卻步。而Medicube PDRN麗珠蘭精華可以話係Threads上好多女用家嘅寶藏推薦，唔使做醫美都能夠達到相似效果！精華含有99% PDRN，與麗珠蘭水光針嘅主要成分相似。質地保濕滋潤而不黏膩，有效增加肌膚膠原蛋白，緊緻及提亮肌膚，趕走蠟黃暗沉，讓你無痛擁有韓式水光肌！
【INFO】 購買連結：https://bitly.cx/M8qs
Olive Young熱賣好物 | 2. Round Lab獨島白樺樹保濕防曬乳
Round Lab獨島白樺樹保濕防曬乳被譽為韓國王牌級防曬，添加江原道白樺樹汁，質地輕薄易吸收，避免出現妝感厚重或泛白嘅情況，而且保濕度一流，對乾性肌膚友好～同時擁有超高PA值，防護力強勁，有效阻擋UV藍光及外部刺激，實驗證實效果可持續8小時以上，難怪連續11年成為OliveYoung熱賣產品之一！
【INFO】 購買連結：https://bitly.cx/vDT9
Olive Young熱賣好物 | 3. NE:AR消水腫瘦面糖
獲得Twice成員Sana大力推薦嘅NE:AR消水腫瘦面糖，含有仙人掌果實萃取、紅豆、南瓜等天然成分，蘊含維他命C同膠原蛋白肽，有助提亮膚色。入口帶有淡淡鳳梨香味，只需含喺口裏慢慢吸收，短短30分鐘就能輕鬆消除水腫，幫助代謝排毒同促進循環！
【INFO】 購買連結：https://bitly.cx/hJA5Z
Olive Young熱賣好物 | 4. Abib弱酸性魚腥草面膜
Abib弱酸性魚腥草面膜一直都係Olive Young嘅長期熱賣Top 10！面膜紙設計貼面度超高，有助吸收精華。每片都含有滿滿來自韓國智異山高原嘅魚腥草萃取物，唔單止有效消炎抗痘、舒緩紅腫，同時修復肌底屏障，注入充足水分，溫和不刺激，就算敏感肌都可以放心使用！
【INFO】 購買連結：https://bitly.cx/zvcOh
Olive Young熱賣好物 | 5. Biodance膠原面膜
如果大家同小編一樣成日捱夜追劇，第二日想急救暗啞肌膚，就一定要試下Biodance膠原面膜！佢入面含有小分子玻尿酸，精華滲透得好快，幫肌膚即時補水，再加上滿滿膠原蛋白，可以緊緻毛孔、提升彈性，敷完真係有韓式水光肌咁嘅亮澤感～難怪喺Olive Young已經熱賣超過千萬片，韓妹都一致大推！
【INFO】 購買連結：https://bitly.cx/uZz1
Olive Young熱賣好物 | 6. Celimax去角質爽膚棉片
秋冬天氣乾燥，化妝好容易卡粉，所以妝前補濕及清潔真係好重要～Celimax去角質爽膚棉片可以話係肌膚嘅「擦字膠」，含有BHA水楊酸，有效去除老廢角質、溶解毛孔內嘅污糟嘢，保持毛孔清潔。同時加入魚腥草成分，針對內包粉刺同黑頭，可以溫和鎮靜肌膚，用完上妝更貼服持久！
【INFO】 購買連結：https://bitly.cx/ToPDx
Olive Young熱賣好物 | 7. Heveblue鮭魚關懷積雪草化妝水
連韓國女團IVE同aespa嘅化妝師都大推嘅Heveblue鮭魚關懷積雪草化妝水，實在係敏感肌救星！產品蘊含珍貴嘅鮭魚卵萃取物及PDRN成分，能舒緩敏感肌膚、改善泛紅，同時深層補充水分，令面部更緊緻水潤。長期使用仲有效抵抗炎症，養出韓妹嘅透亮水光肌～
【INFO】 購買連結：https://bitly.cx/wa2rE
Olive Young熱賣好物 | 8. Unove角蛋白修護髮膜
想擁有韓國idol般嘅豐盈髮量，Unove角蛋白修護髮膜可以話係Olive Young護髮產品銷售冠軍，經常漂染嘅朋友必須閉眼入手！產品添加35種蛋白質及草本植萃修護配方，將營養鎖喺每條髮絲入面，改善開叉及斷髮等受損問題。使用後頭髮觸感特別輕盈柔順，清爽唔假滑，仲會散發出淡淡花香，為你增添女神氣息！
【INFO】 購買連結：https://bitly.cx/cERY8
Olive Young熱賣好物 | 9. Mude Inspire Skinny Curling睫毛膏
Mude Inspire Skinny Curling睫毛膏可以話係「垂睫女生」必入手嘅神物，小編自己都已經回購多次，私心推介～睫毛膏體質地輕盈，納米刷頭容易上眼又唔暈妝，含有強效凝膠配方，能抵抗汗水同皮脂，令睫毛持久捲翹、根根分明，唔會出現「曱甴腳」嘅情況！
【INFO】 購買連結：https://bitly.cx/AJ5W
Olive Young熱賣好物 | 10. Romand水亮果汁唇釉
Romand作為韓國深受小資女喜愛嘅彩妝品牌，一直以精緻又多元化嘅產品聞名。其中人氣之選「水亮果汁唇釉」更掀起熱潮，一眾youtuber爭相拍片試色開箱～唇釉質地清透不黏笠，搽上嘴後色澤晶瑩剔透，有效修飾唇紋，令雙唇保持水潤飽滿嘅效果。而且持妝度高又唔易沾杯，輕鬆打造韓妹最愛嘅水光嘟嘟唇～
【INFO】 購買連結：https://bitly.cx/c6tpf
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
