GU哈利波特 | 天氣最近又逐漸轉涼，大家又入手咗冬天衫未呢～各位麻瓜們絕對要入手Gu與《哈利‧波特》所推出嘅聯乘系列，除咗有衛衣、針織衫、居家服，仲有超得意嘅袋仔，重點係香港都買到！即刻睇吓有咩產品值得入手啦～
圖片來源：官方圖片 | 撰文：Hedy
持續備受全世界喜愛嘅《哈利・波特》聯乘系列將會於GU推出～今次聯乘將會以大家所熟悉嘅四大學院，當中包括葛萊芬多、史萊哲林、赫夫帕夫以及雷文克勞，仲有唔同嘅魔法生物為設計主題。喺今個冬天大家都可以換上暖笠笠嘅衛衣、針織衫、居家服、襪以及超可愛嘅小襪，一齊探訪記憶中嘅神秘世界。
-
男裝四大學院衛衣（價錢：港幣$199）
以四大學院代表顏色及動物所設計嘅男裝衛衣，低調得嚟又百搭，冬天就咁著出去都已經夠暖～如果想同小朋友著親子裝都冇問題～
-
男裝四大學院V領針織衫（價錢：港幣$249）
如果唔想著衛衣，小編就推薦大家可以入手呢款針織上衣～領位以及手袖位都拼咗其他顏色，令整體顏色同造型都更加突出，再加上小朋友都可以著！
-
女裝長裙（價錢：港幣$199）
如果懶得襯衫或者趕住出門口嘅女士，就可以入手呢條長裙，簡單得嚟又好睇，而且後面亦有開叉位置，相對修身～仲有黑色同灰色選擇，簡單襯boot就已經好好睇～
-
女裝衛衣（價錢：港幣$179）
衛衣除咗有經典嘅四大學院之外～亦有超可愛嘅魔法生物，共有2款選擇，都係超百搭嘅顏色～
-
男裝/女裝居家服（價錢：港幣$249）
作為麻瓜一定要入手超級舒服嘅居家服，除咗有四大學院款式之外，亦可以選擇魔法生物，仲有粉紅色揀！冬天一定需要～
-
必入手Shoulder Pouch！（價錢：港幣$149）
女生們出街可能都只想帶個細袋裝住～而呢款袋仔就啱晒大家，除咗可以裝到唔同嘅小物之餘，亦可以孭上膊頭～
GU哈利波特 | 11月8日登場！
Gu與《哈利‧波特》所推出嘅聯乘系列將會喺11月8日隆重登場，除咗以上款式之外，亦有襪、Boxer以及掛飾等等，有興趣嘅朋友就不妨去門市或網站購買！
【INFO】 《GU哈利波特》 推出日期：2024年11月8日 購買地點：門市 / 網絡旗艦店
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
