66飲食法 ｜今年38歲嘅許瑋甯出道18年，近年憑着Netflix嘅人氣台劇《她和她的她》及《誰是被害者》再度人氣急升。2021年更與藝人邱澤宣布結婚喜訊，人氣更一直有增無減，佢精湛嘅演技亦越來越被外界肯定，工作量亦不斷上升。許瑋甯雖然睇落身材苗條，但原來佢都係屬於易胖體質。不過佢實行咗「 66飲食法」多年之後，就成功激減10公斤，而且仲要冇反彈！想知當中有咩瘦身餐單，就要睇埋落去啦！
圖片來源：IG@anno8o7｜撰文：Athena
「66飲食法」嘅兩個6字，分別代表每餐只進食到六成飽，同埋晚上6時後唔可以再進食，只可以飲水及黑咖啡。66飲食法同168斷食法嘅概念十分相似，兩者都係要於固定時間內完成進食，因而拖長晚間嘅空腹時間，從而增加身體燃燒脂肪嘅時間。而66飲食法更只可以進食到六成飽，減少大家暴飲暴食嘅機會，控制熱量攝取，咁就可以減低腸胃負擔，令身體有更多時間休息。
首先大家要知道身體點樣燃燒脂肪，一般嚟講，身體需要7至10小時去消耗身體儲存落嚟嘅肝糖，脂肪就會喺呢個時候被大量燃燒。
「66飲食法」除咗可以減輕體重之外，其他好處仲包括：改善睡眠質素、提高新陳代謝率、令身體機能恢復敏感度、改善腸胃消化系統及加強大腦功能。
許瑋甯大方地公開自己嘅瘦身餐單，碌落去睇吓佢食咩食到咁瘦啦！
許瑋甯瘦身秘訣 1. 準時食三餐 嚴格遵守「 66飲食法 」
許瑋甯表示自己絕對唔會因為減肥而節食捱餓，絕對準時食足三餐。早餐要食得豐富，佢通常會自製水果沙拉，主要係將水果切粒後加乳酪而成。製作簡單得嚟，營養亦非常充足。佢另外仲會配多一杯自家製嘅薏仁牛奶，夠晒健康養生啊！不單只能夠幫助袪除水腫，仲可以美白淡斑，貪靚嘅你不妨平日飲多啲～平日如果約咗朋友食飯，許瑋甯盡量安排喺早上或下午，晚餐前盡可能留返喺屋企食，如果唔係就好容易前功盡廢。
許瑋甯瘦身秘訣 2. 低熱量水果當零食
許瑋甯平時會準備一啲低熱量並富有飽足感嘅水果，例如蘋果、火龍果等，口痕時會當作零食。佢都講過自己冇完全忌口，但會盡量避免食油炸食物同埋甜食。
許瑋甯瘦身秘訣 3. 多喝水增加飽肚感
相信唔少人減肥失敗或冇進展嘅原因，都係在於唔夠毅力，唔能夠忍受饑餓。許瑋甯提到佢一肚餓就會選擇飲水，而朝早就會飲黑咖啡。但佢亦都提醒大家，每個人嘅體質都唔同，呢個方法未必適用於每一個人。
飲水可以增加飽肚感之外，減肥代餐都係一個唔錯嘅選擇。除咗飽肚，仲好方便帶出街同食用，而且營養價值都好高。人氣代餐品牌 SHAURMI 全新推出兩款懶人手搖輕盈乳酪，包括：「百香果紫米乳酪」果味十足，粒粒紫米配上順滑嘅乳酪，口感豐富；「草莓綠茶多多乳酪」清新士多啤梨味配埋富有綠茶香嘅乳酪，酸酸甜甜好滿足！而且兩款口味都有助增加腸道益生菌，適合便秘及腸胃較差人士。代餐低卡路里、高蛋白質又無添加糖，真係減肥恩物啊！
產品資料 SHAURMI 懶人手搖輕盈乳酪 - 「百香果紫米乳酪」 Passion Yogurt 售價：HK$288 (10 包裝) 連結：https://bit.ly/3LzCQNE SHAURMI 懶人手搖輕盈乳酪 - 「草莓綠茶多多乳酪」Grace Yogurt 售價：HK$288 (10 包裝) 連結：https://bit.ly/425nEiz
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
