DAISO好物 | 去韓國掃貨，除咗必行嘅OliveYoung，點可以唔去Daiso？韓國Daiso主打高性價比，好多產品平均只需₩5000，但質素完全唔輸名牌美妝。今次小編就幫大家整理出10大韓國Daiso平價好物，當中包括threads網民都大熱推介嘅產品，即刻睇下有咩必入手啦！
圖片來源：Cleaderm官網、Dr.CPU官網、Boncept官網、Instagram@daisolife、Youtube@lizzydaily、SON&PARK官網、NAVER | 撰文：Icy
韓國Daiso好物 | 1. Cleaderm豐唇精華
「Cleaderm豐唇精華」主打深層滋潤、保濕及即時豐盈效果，蘊含低分子膠原蛋白、玻尿酸同彈力蛋白，有助減淡唇紋，打造晶瑩飽滿嘅韓式嘟嘟唇～價錢亦只需₩5,000，性價比極高，因此被稱為「Dior冰川藍豐唇蜜」嘅高質素平替～
【INFO】 Cleaderm豐唇精華 價錢：₩5,000
韓國Daiso好物 | 2. Dr.CPU美白安瓶
Dr.CPU係韓國幾受歡迎嘅皮膚管理品牌，當中「Dr.CPU美白安瓶」含有豐富嘅維生素，有助改善暗沉、提亮膚色，令肌膚更緊緻有光澤。而且質地好順滑易推，搽上面唔會覺得繃緊，無論係日常護膚步驟中使用，定倒喺化妝棉上做濕敷，效果一樣顯著～
【INFO】 Dr.CPU美白安瓶 價錢：₩5,000
韓國Daiso好物 | 3. Boncept維他命C美白眼霜
「Boncept維他命C美白眼霜」含有豐富嘅維他命C及玻尿酸，主打美白遮瑕與修護抗老嘅雙重功效。佢嘅質地水潤清爽，浸透力超強，有效即時柔和細紋、淡化黑眼圈，並且促進膠原蛋白生成，令雙眼睇落更加年輕自然！
【INFO】 Boncept維他命C美白眼霜 價錢：₩5,000
韓國Daiso好物 | 4. ZOOM BY JUNG SAEM MOOL粉底液
由星級化妝師創立嘅平價美妝品牌ZOOM BY JUNG SAEM MOOL，一向以透亮水光妝感見稱。當中粉底液特別受歡迎，上臉貼服自然，遮瑕力唔錯之餘，保濕同持妝效果幾出色，唔易出現浮粉情況。至於其他產品例如精華液、定妝噴霧等，價錢都係₩5,000就入手到，以親民價錢輕鬆打造精緻妝感～
【INFO】 ZOOM BY JUNG SAEM MOOL粉底液 價錢：₩5,000
韓國Daiso好物 | 5. The Bom臥蠶陰影筆
Daiso長期斷貨嘅人氣產品「The Bom臥蠶陰影筆」，有效打造自然又有肉感嘅偽素顏臥蠶效果。棕色陰影款用嚟加深眼摺位，視覺上收窄面中位置，令眼神更深邃。而珠光米色款就用嚟打亮，提升立體感。筆蓋內仲附有隱藏式卷筆刀，可以隨時調整筆芯粗細，畫起嚟更加順手流暢！
【INFO】 Bom Beauty臥蠶陰影筆 價錢：₩2,000
韓國Daiso好物 | 6. Daiso免膠眼睫毛
「Daiso免膠眼睫毛」主打毋須使用膠水，都可以輕鬆打造有神眼妝，絕對係懶人恩物。睫毛一共有6款捲翹效果選擇，款款都根根分明又自然～黏性夠強之餘又溫和不刺激，上眼唔會有異物感，戴起嚟都幾舒服！
【INFO】 Daiso免膠眼睫毛 價錢：₩3,000
韓國Daiso好物 | 7. Daiso微針暗瘡貼
另一款Daiso自家推出嘅「Daiso微針暗瘡貼」，價錢同樣只需₩3,000，採用玻尿酸微針技術，將尿囊素同積雪草精華滲入肌膚，有助鎮靜紅腫發炎嘅暗瘡。使用時感覺清爽舒適，唔會有刺痛感，快速消除暗瘡，回復穩定嘅肌膚狀態！
【INFO】 Daiso微針暗瘡貼 價錢：₩3,000
韓國Daiso好物 | 8. SON&PARK兩用唇頰彩
由韓國美妝師推出嘅「SON&PARK兩用唇頰彩」，雖然外型細細粒，但用途相當多元。質地順滑易推開，暈染自然又唔易卡粉，呈現柔霧妝感。除咗用喺雙唇同雙頰，仲可以輕掃眼皮同鼻頭，瞬間提亮氣色，令妝容更有層次同立體感～
【INFO】 SON&PARK兩用唇頰彩 價錢：₩3,000
韓國Daiso好物 | 9. It’s Skin七肽膠原蛋白面霜
It’s Skin推出嘅「七肽膠原蛋白面霜」，蘊含7種植物胜肽配方，有助撫平細紋，同時為肌膚注入水分，提升彈性同緊緻感。面霜質地滋潤但唔黏膩，吸收度不錯，不過唔太建議厚敷，會比較適合乾性或者混合性膚質嘅朋友使用～
【INFO】 It’s Skin七肽膠原蛋白面霜 價錢：₩5,000
韓國Daiso好物 | 10. Medi-Peel棉片
Medi-Peel推出嘅棉片系列，一共有四種功效選擇，包括毛孔緊緻、清涼舒緩、活力亮澤同水潤保濕。棉片加入膠原蛋白、積雪草同維他命等護膚成分，化妝前用嚟濕敷，有效平滑同鎮靜肌膚，同時提升保濕同彈性修護力，令底妝更加貼服。而且質地溫和，連敏感肌都適合使用，難怪經常一上架就被掃清～
【INFO】 Medi-Peel棉片 價錢：₩5,000
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
