飛天小女警彩妝 | 大家嘅童年都會有唔少熟悉嘅卡通片，唔知邊一套係大家最愛呢？大熱卡通《飛天小女警》，相信一定係女生們經典嘅回憶，最近韓國彩妝品牌Colorgram推出《飛天小女警》聯乘彩妝系列，每款都可愛到要入手呀。即刻睇睇有咩彩妝產品！
圖片來源：官方網站 | 撰文：Hedy
韓國彩妝品牌Colorgram為《女神降臨》女主角御用嘅彩妝品牌，再加上韓國女團(G)I-DLE嘅成員舒華代言過嘅品牌，曾一度掀起熱話！Colorgram以可愛嘅包裝再加上亮麗嘅色彩，深受大家喜愛！今次更同「飛天小女警」聯名，以花花、泡泡及毛毛三人嘅性格與其代表顏色，推出一系列可愛到爆嘅彩妝，包括眼影、唇釉、打亮、眼線筆及粉餅，就連包裝都印有佢哋嘅樣，相當吸引！
飛天小女警彩妝| 1. 12色計數機眼影盤
Colorgram經典12色眼影盤就似一部可愛嘅計數機，有齊唔同以春天為配色嘅顏色，更喺透明殼上面印有花花同毛毛嘅圖案。當中更有以花花粉色所延伸嘅05 Blossom Coral 清新珊瑚色，以及毛毛綠色所延伸嘅06 Buttercup Brown綠茶棕色系。花花眼影盤以奶油色同珊瑚色，打造出甜美眼妝。而毛毛綠色配搭啡色，可以為眼消腫之餘，又為妝容增添亮點！無論係霧面、珠光色定係亮片色都有齊晒，為你配搭出完美眼妝。
【INFO】 《12色眼影盤》 價錢：₩16720（約港幣$99） 購買連結：https://bit.ly/3UtaXNn
飛天小女警彩妝| 2. 方塊愛心打亮
以花花、泡泡及毛毛嘅代表顏色製成愛心打亮，當中包括：「05 Spring pink blossom」、「06 Bubbles blue」、「07 Buttercup ivory」。以方塊造型再加立體愛心，細細粒超可愛，令妝容通透閃亮打造立體透明感。就算係新手都可以輕鬆上手，輕輕塗抹就可以擁有韓妹同款水光肌！
【INFO】 《愛心打亮》 價錢：₩8700（約港幣$51） 購買連結：https://bit.ly/3wdBtjC
飛天小女警彩妝| 3. 4色果汁唇釉
Colorgram經典嘅糖葫蘆造型唇釉，除咗印有飛天小女警嘅角色之外，蓋上面更換做各自嘅代表色，相當得意！4款唇釉以「00 Pearl gloss」、「10 Blossom pink」、「11 Bubbles pink」以及「12 Buttercup pink」為色調，大家可以選擇透明、粉色同珊瑚色色調。輕搽就可以有豐唇效果，打造出光亮感，即刻令嘴唇變得超水潤！
【INFO】 《果汁唇釉》 價錢：₩8900（約港幣$53） 購買連結：https://bit.ly/3UKN7gv
飛天小女警彩妝| 4. 可愛造型柔焦粉餅
粉餅外盒除咗以泡泡為主題之外，就連粉餅上都印有泡泡加愛心圖案，每次打開用嘅時候絕對會有好心情！ 紫色調嘅粉餅可以去黃提亮，特別適合亞洲人使用，瞬間柔化毛孔同瑕疵。就算攞出嚟補妝都相當方便，小巧嘅外型設計超適合帶出街。
【INFO】
《柔焦粉餅》
價錢：₩9600（約港幣$57）
購買連結：https://bit.ly/42rv80c
飛天小女警彩妝| 5. 珠光眼線筆
聯名眼線筆推出飛天小女警各自人物嘅代表色：粉色「04 Warm Pink Blossom」、藍色「05 Sky Bubbles」及綠色「06 Buttercup Cream」。眼線筆更帶有珠光亮粉，除咗可以畫出具有光澤感嘅眼線，更可以用作打亮用途。筆刷容易控制，輕易畫出完美眼線。
【INFO】 《珠光眼線筆》 價錢：₩9500（約港幣$56） 購買連結：https://bit.ly/4bj3ir7
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
