美妝推介 ｜嚟至日本嘅@cosme，作為香港人氣美妝評價及排行榜平台，相信唔少用家對佢哋都好熟悉，佢哋嘅評價亦好有公信力。@cosme store最近公佈於2022年11月至2023年4月期間，最多人購買嘅人氣產品，當中有化妝品、護膚品，亦有護髮產品。想知邊款最多人買嘅美妝推介，就要睇到落尾啦！
圖片來源：官方圖片｜撰文：Athena
十大人氣熱門美妝品 10. KATE TOKYO 眉筆Z
KATE TOKYO嘅眉彩產品一向受歡迎，佢哋推出咗咁多款你又會點揀呢？「@cosme STORE BEST HITS 人氣賞」嘅第10位就有佢哋新推出嘅「眉筆Z」，一共有8隻顏色，方便搭配各種髮色。眉筆質地軟硬適中，1.5mm嘅極細筆芯，可以滑順勾勒出理想眉形，好容易控制。眉筆採用融點與體溫相近嘅固形蠟配方，而且清爽不黏膩，一畫落肌膚，摩擦嘅熱力就會令筆尖質地轉為柔滑，輕易畫出根根分明嘅細緻眉毛。
【INFO】 KATE TOKYO 眉筆Z 售價：$44 顏色：共有8色 淺金棕 LB-1；明亮棕 BR-1；橄欖棕 BR-2 自然棕 BR-3；紅棕 BR-4；亞麻深棕 BR-5 粉棕 BR-6；自然黑 BK 官方網站：https://www.kate-global.net/tw/all_products/eye_brow/
十大人氣熱門美妝品 9. Fujiko 豐潤水光不沾色唇釉
夏天嚟到，梗係要轉吓新嘅唇色啦！有水潤光澤嘅「Fujiko 豐潤水光不沾色唇釉」都係唔錯嘅選擇。呢支唇釉名符其實乾咗之後唔會沾色，而且高顯色及高保濕，啱晒注重唇部健康嘅你吖～搽咗上嘴唇之後，有水嫩水嫩嘅效果，色澤飽滿唔易甩，好有少女feel。唇釉仲有淡淡嘅葡萄柚果香，真係好啱清新嘅夏日啊！
【INFO】 Fujiko 豐潤水光不沾色唇釉 售價：$109 顏色：共有5色 01 珊瑚粉；02 珊瑚玫瑰；03 珊瑚棕 04 無花果奶茶；05 無花果紅棕
十大人氣熱門美妝品 8. Visée 柔霧眼影
Visée嘅眼影好易推開唔卡粉，咁就更加容易塑造出自然嘅漸層效果。「Visée 柔霧眼影」霧面嘅粉質細膩順滑，同時有美容液成分，唔怕化妝化到肌膚dry晒啦！
左上角嘅Skin Reset Color眼影可以當佢係眼部嘅粉底，能夠自然遮蓋眼瞼嘅暗沉，同埋膚色不均。另外3格漸變色眼影，可以為你塑造更立體嘅眼妝。而且眼影唔易飛粉，keep得好持久。
【INFO】 Visée 柔霧眼影 售價：$80 顏色：共有5款
十大人氣熱門美妝品 7. excel NUANCEFUL PENCIL LINER
呢支excel嘅眼線筆係奶油色嘅外殼，好靚啊！1.5mm超細筆芯唔會一下就畫粗咗，筆芯質地軟硬適中，畫起嚟好順滑。而且用咗一日都唔會輕易化開或者甩色，全日都能夠維持完美線條，仲同眼睛融合得好好，夠晒自然。
【INFO】 excel NUANCEFUL PENCIL LINER 售價：$109 顏色：共有5色 NP01 棕黑色；NP02 自然棕色； NP03 粉紅棕色；NP04 白米色；NP05 橙棕色
十大人氣熱門美妝品 6. unlabel LAB 維他命C亮白精華
唔少人都會以「早C晚A」抗衰老護膚，即係朝早用含有維生素C嘅保養品，夜晚就用含有維生素A嘅保養品，幫助肌膚抗衰老。呢支unlabel LAB嘅「維他命C亮白精華」，就啱晒大家朝早出門口前使用。
呢支精華以超高壓方法提取維生素C，能夠有效收緊用家嘅毛孔。因為維生素C可以完全幫你填補角質層最深處至到表層嘅空隙，令到你嘅皮膚更有光澤，收細粗大嘅毛孔中；而且仲可以變善臉部暗沉，變得更白滑。
【INFO】
unlabel LAB 維他命C亮白精華
售價：$158
十大人氣熱門美妝品 5. NatuLaka 無添加淡印礦物海泥膜
「NatuLaka 無添加淡印礦物海泥膜」係由97.3%嘅美容成分，同埋98.5%嘅天然成分製成嘅天然泥漿。仲有12種無添加成份， 即使係敏感肌都可以放心使用。
呢支天然泥漿，主要含有「沖繩礦物海泥」同埋「高嶺土」，佢哋嘅吸附力強，可以輕易吸走用家臉上嘅頑固角質及毛孔黑頭。同時亦結合2種神經酰胺、4種維生素衍生物及天然精油，功效十分多，包括抗皺、保濕、減淡細紋、抗氧化、改善暗沉、維持彈力等。而且用嘅時候香噴噴，好relax！
【INFO】 NatuLaka 無添加淡印礦物海泥膜 售價：$158 官方網站：https://natulaka.com/
十大人氣熱門美妝品 4. Kanebo SUISAI 緻潤淨透金黃酵素粉
Kanebo 嘅「SUISAI 緻潤淨透金黃酵素粉」，以前唔少人都會特登去日本買，依家香港都有得買啦！呢款洗顏粉添加咗蛋白分解酵素、皮脂分解酵素、胺基酸洗淨成分、水葡萄糖苷、玻尿酸鈉、金黃向日葵油、金黃酪梨油等多種元素，能夠輕易清除黑頭粉刺、角栓及老廢角質，仲可以同時令肌膚更滋潤。洗完臉之後完全唔會繃緊，令肌膚潤滑有光澤。
【INFO】
Kanebo SUISAI 緻潤淨透金黃酵素粉（32粒）
售價：$150
十大人氣熱門美妝品 3. CANMAKE TOKYO 月光提亮粉底
CANMAKE嘅化妝品出名性價比高，最適合新手入門化妝嘅你。呢款「月光提亮粉底」二合一嘅設計，有齊光影同粉底。左邊嘅水亮高光膏，含有白色珍珠粉末及7種美容油，有超強補水效果。搽上臉馬上散發一種自然光澤，全日水潤亮麗。更可以選擇喺散粉定妝後，薄薄塗上一層，馬上level up！
右邊嘅柔滑粉底膏，能夠為皮膚提供自然遮瑕嘅效果，令膚色變得均勻，但唔會顯厚妝感。粉底膏採用抗暗沉顏料粉末配方，就算全日出街都能夠保持妝容，唔會氧化而變得暗沉。
【INFO】 CANMAKE TOKYO 月光提亮粉底 售價：$118 顏色：共有2色 G01 明亮色；G02 自然色
十大人氣熱門美妝品 2. CANMAKE TOKYO 水潤高光膏
另外一個人氣產品為「水潤高光膏」，最大賣點係佢防水、防汗、防油、耐揉擦，而且結合幼滑閃亮粉末同7種美容保濕成分，唔會輕易脫妝。
高光膏質地偏慕絲，柔軟輕盈超水潤，容易推開又好貼臉！佢亦同時加入左大量閃粉，呈現bling bling效果，綻放水亮光澤感。而且搽喺鼻樑上，仲可以加強立體感㗎！
【INFO】 CANMAKE TOKYO 水潤高光膏 售價：$58
十大人氣熱門美妝品 1. TSUBAKI 山茶花極致滲透修復髮膜
嚟到第一位，竟然唔係化妝品！擁有一把秀髮都係變靚嘅關鍵嚟㗎～TSUBAKI嘅髮膜真係好好用，能夠獲得第一位的確實至名歸。「山茶花極致滲透修復髮膜」採用離子修復技術，添加大量美容成分，能夠極速渗透並修復髮絲，令你嘅頭髮更加順滑強韌。用完之後仲有淡淡嘅山茶花蜂蜜果香，約會前用就最好不過啦！
【INFO】 TSUBAKI 山茶花極致滲透修復髮膜 售價：$98
重溫2023香港美妝上半年新秀賞頭10位：
————————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
