【消委會爽膚水推薦】貪靚嘅朋友除咗要學識化妝之外，護膚同樣重要， 而使用爽膚水或化妝水往往都係護膚第一步， 為肌膚補濕、鎖水、收緊毛孔。近期消委會測試咗25款爽膚水樣本，發現當中有樣本分別檢出1至4種致敏香料，含量超出歐盟標準，另外亦有樣本檢出高濃度酒精，大家揀選爽膚水嘅時候就要加倍留意啦！
圖片來源：官方圖片 ｜撰文：Jan
| （廣告時間） |
消委會測試25款爽膚水或化妝水樣本，主要購自化妝品專門店、零售店、百貨公司及網上平台，價錢由$69至$470，容量由100毫升至250毫升，即每毫升由$0.35至$3.92，價格相差逾10倍。
市面上有唔少護膚品都會添加香料或香味劑，除咗可以增加產品嘅吸引力，亦可以掩蓋部分成份嘅氣味。測試發現當中9款樣本分別檢出1至4種致敏香料，其檢出量亦超出歐盟《化妝品法規》上限，對香料有敏感嘅朋友使用之後， 有機會會引發紅疹、皮膚炎等過敏症狀，所以敏感肌嘅朋友選購爽膚水時就要加倍留意。
除此之外，10款爽膚水樣本被檢出酒精，其中3款嘅酒精濃度更高於10%。消委會指出，使用含高濃度酒精嘅產品有機會加速皮膚表面水分流失，同時又會溶解有保護皮膚作用嘅油脂，令皮膚變得乾燥，增加致敏風險。咁邊啲可以用得安全呢？即刻睇下13款消委會5星滿分爽膚水推薦啦！
13款消委會5星滿分爽膚水推薦：（排名不分先後）
消委會5星滿分爽膚水｜1. APIVITA – Tonic Lotion (Soothing & Moisturizing Toner – face lavender & honey)
APIVITA品牌主張天然及可持續發展嘅護理產品，呢款「薰衣草蜂蜜平衡護膚露」，採用具抗氧化作用嘅玫瑰精萃水調配成基底水，另外採用希臘百里香蜂蜜、薰衣草同泛醇令肌膚保濕柔嫩，平衡肌膚水份。
【INFO】 APIVITA - Tonic Lotion (Soothing & Moisturizing Toner - face lavender & honey) 總評分：5 價錢：$180/200毫升 每毫升價錢：約$0.9
消委會5星滿分爽膚水｜2. BIOSSANCE – Squalane + BHA Pore Minimizing Toner
另一款Green Beauty品牌BIOSSANCE，佢地呢款爽膚水含有角鯊烷同BHA，可溫和去角質，疏通毛孔，清除臉部多餘嘅油脂同污垢，同時亦做到保濕，皮膚看起來更有光澤。
【INFO】 BIOSSANCE - Squalane + BHA Pore Minimizing Toner 總評分：5 價錢：$280/120毫升 每毫升價錢：約$2.33
消委會5星滿分爽膚水｜3. CAUDALIE – 葡萄籽清新活力爽膚水
專櫃品牌CAUDALIE嘅葡萄籽清新活力爽膚水，99%天然純素配方，含紅酒酵母及有機玫瑰水，能溫和清潔肌膚上的雜質及彩妝殘餘物，同時保濕抗氧及強化肌膚屏障，讓肌膚保持水潤健康柔嫩。
【INFO】 CAUDALIE - 葡萄籽清新活力爽膚水 總評分：5 價錢：$180/200毫升 每毫升價錢：約$0.9
消委會5星滿分爽膚水｜4. Cetaphil – 透亮抗敏爽膚水
Cetaphil呢個品牌相信對敏感肌嘅朋友陌生， 亦係皮膚科醫生推薦嘅品牌。而呢款「透亮抗敏爽膚水」有效溫和地提升肌膚光澤度及透亮度，使用4星期有效地提升膚色均勻度、光澤度及透亮度和針對改善色斑等瑕疵。
【INFO】 Cetaphil - 透亮抗敏爽膚水 總評分：5 價錢：$108/150毫升 每毫升價錢：約$0.72 購買連結：https://bit.ly/3EbujNT
消委會5星滿分爽膚水｜5. Etude – SoonJung pH5.5 Relief Toner
呢款爽膚水含有Panthenol及積雪草成份，有助保濕及鎮淨皮膚，採用ph5.5 弱酸性，適合容易泛紅及敏感皮膚。
【INFO】 Etude - SoonJung pH5.5 Relief Toner 總評分：5 價錢：$135/200毫升 每毫升價錢：約$0.68
消委會5星滿分爽膚水｜6. Kiehl’s – 金盞花植物精華爽膚水
Kiehl’s皇牌產品「金盞花植物精華爽膚水」，聲稱每8秒就賣出一瓶，蘊含金盞花精華、人手採摘原片金盞花瓣，有效紓緩保濕、減褪泛紅，另外更可加速暗瘡疤痕癒合。
【INFO】 Kiehl's - 金盞花植物精華爽膚水 總評分：5 價錢：$355/250毫升 每毫升價錢：約$1.42 購買連結：https://bit.ly/3sflZty
消委會5星滿分爽膚水｜7. SEPHORA – Clarifying Toner
SEPHORA「Clarifying Toner」含有維他命B3，有效縮小毛孔，去除粉刺、黑頭、油脂等問題，解決皮膚暗沉問題。
【INFO】 SEPHORA - Clarifying Toner 總評分：5 價錢：$140/200毫升 每毫升價錢：約$0.7 購買連結：https://bit.ly/3qGrQYu
消委會5星滿分爽膚水｜8. Glycel – 活泉多元爽膚水
瑞士肌膚細胞再生專家品牌Glycel，「活泉多元爽膚水」含有純淨瑞士活泉水、澳洲小柚精華及蕪青根精華，徹底調理角質層，令後續嘅護膚程序更加吸收。
【INFO】 Glycel - 活泉多元爽膚水 總評分：5 價錢：$470/120毫升 每毫升價錢：約$3.92
消委會5星滿分爽膚水｜9. Joseristine – 細緻毛孔爽膚液
Joseristine 細緻毛孔爽膚液蘊含高效毛孔收斂成分斗篷草及大葉藻精華，有效促進老化角質脫落，潔淨及細緻毛孔。
【INFO】 Joseristine - 細緻毛孔爽膚液 總評分：5 價錢：$73/150毫升 每毫升價錢：約$0.49
消委會5星滿分爽膚水｜10. The Ordinary – 甘醇酸7%去角質爽膚水
The Ordinary價錢一向親民，CP值高，而呢款「甘醇酸7%去角質爽膚水」含有 7% 甘醇酸、氨基酸、蘆薈、人蔘和塔斯馬尼亞胡椒莓，可溫和去除肌膚表皮角質，令肌膚更加光滑柔軟。
【INFO】 The Ordinary - 甘醇酸7%去角質爽膚水 總評分：5 價錢：$107/240毫升 每毫升價錢：約$0.45
消委會5星滿分爽膚水｜11. AHC – 玻尿酸補水透亮機能水
呢款化妝水專為暗沉疲憊肌膚設計，質地清透水凝，配合維他命C成分嘅專利煥亮玻尿酸 VITA-HA™，為缺水肌膚瞬間補水，維持彈性活力。
【INFO】 AHC - 玻尿酸補水透亮機能水 總評分：5 價錢：$139/100毫升 每毫升價錢：約$1.39 購買連結：https://bit.ly/3KYpknq
消委會5星滿分爽膚水｜12. Hada Labo 肌研 – 卵肌去角質毛孔緊緻化妝水
肌研卵肌去角質化妝水，含有AHA甘醇酸、BHA水楊酸、PHA乳糖酸3種角質煥膚成份，可温和軟化粗糙角質，另外亦注入透明質酸、維他命B3，肌膚注入水份。
【INFO】 Hada Labo 肌研 - 卵肌去角質毛孔緊緻化妝水 總評分：5 價錢：$135/170毫升 每毫升價錢：約$0.79 購買連結：https://bit.ly/3QScxGV
消委會5星滿分爽膚水｜13. freeplus（Kanebo）- 保濕修護化粧水 Moist care lotion 1
freeplus呢款清爽型保濕修護化妝水，質地唔黏膩，可迅速滲透角質層，弱酸性適合敏感性肌膚。
【INFO】 freeplus（Kanebo）- 保濕修護化粧水 Moist care lotion 1 總評分：5 價錢：$213/130毫升 每毫升價錢：約$1.64 購買連結：https://bit.ly/3qI9M0j
