女士們永遠都唔會完嘅課題一定係「減肥」，除咗做運動，從飲食方面著手，咁減肥嘅路上就會容易好多！相信好多人都知道食水果可以減肥，但原來唔同嘅水果都可以針對唔同嘅位置瘦身，小編話畀大家知10種必食 瘦身水果 ，想知道邊種水果有效減到身體邊一個部分？快啲碌落內文睇啦！

圖片來源：網絡圖片｜撰文：Sharon

1. 瘦腰：士多啤梨

身體眾多部位，最難減就係一定係腰部！士多啤梨含天冬氨酸、大量果膠同纖維素，天冬氨酸有效幫我哋去除體內多餘嘅水份，有助消脂排毒瘦身！

2. 瘦腰：香蕉

香蕉具有潤腸通便嘅功效，有助刺激腸壁促進蠕動，將體內毒素排出體外，收縮腰腹，消除便秘！但記得每日唔好食多於2條啊！

3. 瘦臉：檸檬

檸檬含有豐富維生素C，能夠促進新陳代謝，去除面部多餘脂肪，唔單止可以瘦臉，仲有美白嘅功效！連韓國女星宋慧喬平時都會飲檸檬去瘦臉，每日佢至少會飲3公升嘅檸檬水，再加上15分鐘運動，大家有興趣不妨一試！

4. 瘦小腹：藍莓

好多人都知藍莓可以抗氧化同護眼，但原來仲可以瘦小腹！藍莓含多酚類物質，能幫助溶解腹部脂肪、促進新陳代謝，從而控制體重，達至修小腹嘅瘦身效果！由於藍莓熱量唔算太高，一次可食用一小碗分量。

5. 瘦小腹：麒麟果

麒麟果有助瘦小腹同醫治便祕問題，麒麟果當中含有維他命C、維他命B2及蛋白質，果肉嘅核能幫助腸道消化，食完可以排清體內廢物，排便必食！

6. 瘦小腹：番茄

番茄含有豐富嘅膳食纖維，熱量低，除咗可以促進新陳代謝，更可以吸附腸道內多餘嘅脂肪，將油脂排出體外。加上番茄有飽足感，如果想減走肚腩仔，大家可以飯前食一個番茄！

7. 瘦腿：奇異果

奇異果都可以瘦腿㗎！奇異果含較多維生素同膳食纖維素，可以加快體內脂肪酸嘅分解速度，另外纖維素吸收後就會膨脹，就能避免脂肪堆積，防止腿部變粗！如果想瘦腿嘅朋友多食奇異果都係一個唔錯嘅方法！

8. 瘦腿：蘋果

成日聽人講「一天一蘋果，醫生遠離我」，蘋果對健康嘅好處有好多，但唔少人都會用嚟當減肥嘅水果！蘋果含蘋果酸同豐富嘅維他命及膳食纖維，可以加速代謝，改善水腫問題，想要有靚靚嘅美腿簡直無難度，建議大家每日食一個蘋果就足夠了。

9. 瘦腿：西瓜

西瓜有美容減肥嘅功效，加上西瓜有利尿作用，可以將鈉質排出體外，適量食用有助瘦腿！韓國女星CL曾分享，佢喺減肥嘅時候會用西瓜代替米飯，以西瓜作為三餐嘅主食，不過呢個方法因人而異，有可能造成身體營養攝取不足，建議大家配搭埋含蛋白質嘅食物一同食用。

10. 瘦背：西柚

想減少背部贅肉一定要食嘅水果係西柚！平時食得多高卡路里啲食物如炸豬排、薯片等，會容易令身體積聚脂肪，西柚含豐富維他命A同C、更含特別嘅酶素，能抑制吸引糖份，避免脂肪積聚喺背部，想同虎背熊腰講再見就一定食西柚啦！

透過水果減肥法減肥，再配合埋適量嘅運動，咁就可以有效減走小肚腩、達至瘦臉同瘦身嘅功效！有興趣嘅朋友不妨一試，但記得要量力而為呀！

【相關文章：吳謹言631瘦身法狂減8KG！無痛減肥 減肥都可以食得飽】

【相關文章：每日5分鐘 兩星期練成蜜桃臀！日本流行瘦臀動作 適合新手！】

——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/