蛋糕控注意！被韓國人譽為「芝士界愛馬仕」嘅高級芝士蛋糕品牌Golden Cheese終於嚟到香港，選址啟德AIRSIDE開設海外首間官方快閃店！每盒由韓國直送到港，每日限量發售100件咋！
圖片來源：官方圖片｜撰文：Sharon
風靡韓國嘅高級芝士蛋糕品牌 Golden Cheese（골든치즈），將正式進軍香港！海外首間官方快閃店將於 2026年9月24日登陸啟德 AIRSIDE！香港首站將韓國門市嘅招牌「火炙焦糖專區」原汁原味移師過嚟，凡加選焦糖脆皮炙燒服務，店員便會即場撒糖，以高溫焦糖烙鐵將砂糖炙燒成金黃酥脆嘅法式焦糖脆皮，讓顧客近距離直擊火焰焦糖化嘅過程，喺糖香之中享受震撼視覺與味蕾嘅打卡體驗。
店舖與包裝以品牌標誌嘅「愛馬仕橙」為主調。門市裝潢巧妙將韓式傳統插畫融入牆身中，搭配搶眼嘅「巨型芝士輪」與開放式「火炙焦糖專區」，構建出吸睛奪目嘅視覺空間。3款口味包括有「黃金芝士蛋糕」、「黃金紅豆芝士蛋糕」同「黃金艾草紅豆芝士蛋糕」。金黃嘅焦脆糖衣包裹濃稠芝士蛋糕，建議食前先用湯匙輕敲外層焦糖脆皮，微溫糖衣配上綿密如雪糕口感嘅芝士蛋糕，層次豐富！蛋糕全部配上標誌性「愛馬仕橙」禮盒，仲貼心送埋超可愛兔子造型蛋糕刀同保溫袋！有興趣嘅朋友記得買嚟試下啦～
【INFO】 《Golden Cheese AIRSIDE快閃店》 地點：Shop 227B, 2/F, AIRSIDE（Office Lobby對出） 日期：2026年9月24日至2027年3月24日 營業時間：11:30 - 20:30
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
