冬甩｜韓國人氣冬甩店ABEBE 9月進駐尖沙咀！爆餡忌廉包+忌廉冬甩！

 冬甩｜韓國烘焙品牌ABEBE即將進駐香港，將招牌忌廉冬甩同忌廉麵包風潮帶到嚟畀大家，等大家都可以感受到正宗嘅濟州風味！即睇有咩咁值得食同店鋪地址喇！

 圖片來源：官方圖片 | 撰文：Hedy

ABEBE以濟州特產及地名為靈感，重新演繹並創製出獨具特色嘅忌廉冬甩及忌廉麵包，更係成日出現排隊人潮嘅「濟州麵包朝聖地」。 而ABEBE嚟到香港將會為大家呈現2大招牌系列，包括經典招牌忌廉冬甩系列以及匠心手工爆餡忌廉包系列。九款招牌忌廉冬甩，從火山景致到沿海村落，每款冬甩均將本地故事封存於風味之中，將甜點昇華為一場沉浸式嘅感官體驗。當中包括Abebe朱古力忌廉冬甩、黑芝麻忌廉冬甩以及濟州綠茶忌廉冬甩。

1. Abebe朱古力忌廉冬甩 

充滿濃郁而高級嘅朱古力香氣，係最能代表 ABEBE嘅人氣長青招牌忌廉冬甩之一。

2. 黑芝麻忌廉冬甩 

以大量黑芝麻製成香濃幼滑嘅忌廉，再裹上柔軟嘅黑芝麻海綿蛋糕碎，香濃而不膩。

3. 濟州綠茶忌廉冬甩 

充分展現享譽世界嘅濟州綠茶所獨有的甘香與微苦風味

手工爆餡忌廉包系列

另外，仲有7款匠心手工爆餡忌廉包系列，每一個忌廉包嘅麵團內，都完美包裹著一層口感煙韌嘅傳統糯米糕。系列包括蘋果忌廉包、純牛奶忌廉包、漢拿峰柑忌廉包以及富士山黑芝麻年糕忌廉包。 

 1. 蘋果忌廉包 

表面鋪上香甜酥脆嘅菠蘿酥粒，外層嘅香脆口感同內餡嘅爽脆蘋果果肉、頂級忌廉及軟糯煙韌嘅糯米糕完美結合。穩坐 ABEBE 全球最受歡迎前三名嘅烘焙傑作。

2. 純牛奶忌廉包 

完美展現新鮮牛奶原有嘅濃郁香氣同純粹滋味。

3. 漢拿峰柑忌廉包 

 以濟州代表性水果「漢拏峰柑」為靈感，製成微酸輕盈嘅柑橘忌廉，同內層煙韌嘅糯米糕形成絕妙對比。

4. 富士山黑芝麻年糕忌廉包 

內餡塞滿咗濃郁嘅黑芝麻忌廉與煙韌黑芝麻糯米糕芯，頂部再鋪滿香脆嘅焦糖夏威夷果仁及琥珀合桃。

特調飲品系列 

ABEBE更進駐咗一系列風靡韓國本土特色品牌。當中包括雲呢拿籽鮮奶咖啡、濟州天惠香冷萃咖啡、柑橘忌廉冷萃咖啡、濟州抹茶鮮奶以及抹茶柑橘忌廉鮮奶。

限時2日免費派冬甩

ABEBE將會喺9月13日於尖沙咀麼地道新址正式營業。而喺9月19同20日，更免費於下午4:00至6:00期間派冬甩。數量有限，送完即止！

【INFO】
《ABEBE BAKERY 香港尖沙咀店 》
營業時間：11:00至21:30（每日新鮮製造，售完即止）
地址：尖沙咀麼地道37號地下W號舖 

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk