今個暑假，《超人英雄展》嚟到旺角！展覽將完整呈現ULTRAMAN正義宇宙，從 1966 年嘅初代超人到 2026 年嘅最新角色將破天荒全數集結，帶領大家橫跨60週年嘅正義時空！當中仲會神還原昭和「超人六兄弟」場景，非常震撼！
圖片來源：官方圖片｜撰文：Sharon
《超人英雄展》將於7月25日至9月13日，喺旺角創興廣場 INCUBASE Arena震撼登場！大家仲可以親眼目睹正於日本巡迴中、極具指標性嘅官方大展 ——《ULTRAMAN EXHIBITION》嘅珍貴內容，呈現超人英雄60年來演變軌跡；更透過270度沉浸式環繞視覺，將一幕幕劃時代嘅熱血變身瞬間與正義光芒交織重現！
除咗引入海外首度展出嘅《ULTRAMAN EXHIBITION》精選專區內容外，展覽仲有多個引領觀眾穿梭時空嘅珍貴展區。現場更打造多個60年來勾起無數回憶之展出，當中首推完美還原昭和時期「超人六兄弟」嘅經典場景，重現不朽嘅光之傳奇！同時，現場更展出近30套由日本原裝空運抵港、拍攝專用嘅超人與怪獸皮套及道具，將日本殿堂級嘅特攝工藝近距離呈現喺全港粉絲眼前！
另外，展場仲打造咗多款多媒體數位互動遊戲，讓每位入場者都能親身體驗化身正義英雄、迎擊巨獸嘅激昂快感！現場精彩互動包括一圓變身夢想嘅「超人變身裝置」、充滿驚喜嘅「怪獸波波池」，以及激發無限想像力嘅「互動繪畫投射牆」。嚟緊仲會舉行超限定超人見面會，大家萬勿錯過！
每位入場人士均可獲贈一張展覽限定透卡乙張，呢套限定透卡共推出 7 款，入場時以隨機形式派發。另外，展區特設限定主題店，逾150款日本直送周邊，以及香港限定閃卡系列！
【INFO】 《超人英雄展香港站》 地點：旺角創興廣場 INCUBASE Arena 日期：7月25日至9月13日 門票售價：展期單人票 $165 / 優惠票 $132* 購票網站：INCUTix / KLOOK *此優惠門票僅提供予全日制學生、60歲以上及傷健人士使用，入場時需要向工作人員出示相關證明文件。
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
