多啦A夢櫻花節 | 鍾意多啦A夢嘅朋友絕對要去～今個復活節假期大家都可以一齊參與「100%多啦A夢櫻花節」，現場除咗有限定商店之外，亦有互動遊戲區、扭蛋專區、主題販賣機以及主題自拍亭等等，為大家帶嚟購物、遊戲同創作嘅粉色櫻花空間！即刻入內文睇地址同詳情喇！
圖片來源：官方圖片 | 撰文：Hedy
《100%多啦A夢&FRIENDS》巡迴特展最新一站喺東京登場，而為咗慶祝呢一個里程碑，今個4月3日至19日將會有「100%多啦A夢櫻花節」春日體驗店登陸香港銅鑼灣，為大家帶嚟一場春日盛典！「櫻花節」跨越希慎廣場三個樓層，包括G/F嘅期間限定店、1/F嘅多啦A夢手作區以及5/F嘅互動遊戲區。
100%多啦A夢櫻花節｜G/F期間限定店
場內設有期間限定店，發售多款主題紀念品！當中最觸目嘅絕對係為一系列專為今次香港活動全新設計同製作嘅限量紀念品，仲要絕大部分款式都只係喺香港櫻花節首發。巡演中最受歡迎嘅商品「毛絨鎖匙扣」，除咗最近網上熱爆嘅「櫻花多啦A夢」及「飯糰多啦A夢」毛絨鎖匙扣，今次更特別推出咗7款專為是次活動創作嘅全新造型。就算去唔到東京站展覽，限定店亦同步引入部分東京站展覽會場限定紀念品！
100%多啦A夢櫻花節｜1/F 多啦A夢手作區
鍾意手作嘅朋友注意喇！大家都可以喺呢層親自挑選包括多啦A夢法寶、數字及英文字幕在內嘅刺繡章，製作出專屬嘅布質吊牌鎖匙扣！現場嘅工作人員仲會幫你即時燙印～同層亦設有限定主題自拍亭以及多部扭蛋機～
100%多啦A夢櫻花節｜5/F 互動遊戲區
場內設有2個互動遊戲攤位，包括飯糰多啦A夢拼圖以及經典拋波遊戲，隨時贏限量咕𠱸及驚喜獎品等。
100%多啦A夢櫻花節｜4月1起開放登記
4月3日至12日嘅限定商店入場整理券將會喺4月1日上午11點起喺KLOOK平台獨家開放登記，大家需要提前網上預約限定商店嘅入場日期同時間。每個時段嘅入場名額有限，先到先得。就算去唔到銅鑼灣嘅朋友，都可以由3月31日上午11時起於DDT Store官方網站開售。全球限量僅200枚、鑲嵌咗施華洛世奇仿水晶並配以玫瑰金色嘅櫻花多啦A夢銅像雕塑亦將於3月31日網上同步開放預購。
【INFO】
《「100%多啦A夢櫻花節」》
日期：2026年4月3日至4月19日
開放時間：
限定商店 10:00至21:00（最後入場時間為20:45）
互動遊戲區10:30至21:30
地點：銅鑼灣軒尼詩道500號希慎廣場
預約網站：KLOOK（待公佈）
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
