雪糕控注意！今個夏天，李錦記再度聯乘澳洲人氣意式手工雪糕店Gelato Messina，推出兩款以獨特醬料製作嘅爆趣意式雪糕，包括洋溢東南亞風情嘅「椰檸辣」，以及充滿港式風味嘅「豆味濃」！即睇邊度有得食喇！
圖片來源：官方圖片｜撰文：Sharon
即日起至6月20日，李錦記聯乘Gelato Messina推出兩款期間限定醬料口味意式雪糕！只要嚟到Gelato Messina中環及山頂分店即可品嚐兩款期間限定嘅雪糕，口感非常特別！
當中洋溢東南亞風情嘅「椰檸辣」，以清甜椰子及滿滿泰式風味嘅青檸葉作為雪糕基底，再加入李錦記潮州辣椒油花生脆片及香脆花生碎，辣而不嗆，開胃惹味！椰子青檸葉雪糕味道清新，將辣味中和，層次豐富！
至於「豆味濃」上年推出後即引起全城熱話！「豆味濃」以清甜豆腐花作雪糕基底，配以李錦記頭道原釀頭抽，加入由豉油製成嘅粒粒布朗尼及煙韌十足嘅豉油麻糬，豆味超濃郁！
只有Gelato Messina中環及山頂分店有得買嚟試咋，有興趣嘅朋友千祈唔好錯過！
【INFO】 《李錦記x Gelato Messina 全新醬料口味雪糕》 發售地點： 1. Gelato Messina中環分店 – 香港中環砵典乍街37-43號 2. Gelato Messina山頂分店 – 山頂道118號山頂廣場地下G08號舖 供應日期：2025年5月9日至6月20日 售價：HK$70/一球；HK$85/兩球
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
