天氣一轉涼就好容易病，想舒緩喉嚨痛同咳等症狀點算好？最近Threads流傳一個日本民間感冒偏方「蜂蜜白蘿蔔」，唔單止可以化痰，仲可以止咳！如果咳咗好耐都未好返未妨一試，即睇內文教學喇！
圖片來源：YouTube@TVB《X偏方全民拆解2》截圖、網絡圖片｜撰文：Sharon
最近Threads流傳一個日本民間感冒偏方「蜂蜜白蘿蔔」，長期咳同喉嚨痛嘅你，可以考慮一試！
材料好簡單，只需要「白蘿蔔」同「蜂蜜」就可以！首先將白蘿蔔削皮，然後切成片狀或粒狀，再將白蘿蔔放入容器內。之後倒滿蜂蜜，蜂蜜嘅份量要蓋過蘿蔔嘅三分之一。
之後，將蓋子蓋上，並放入雪櫃雪5小時。經過5小時後，白蘿蔔就會滲出水分，所以份量會因而增加，最後就可以倒入杯中再加暖水稀釋飲用！
有專家表示，白蘿蔔含有異硫氰酸，能有效抑制喉嚨發炎，同時具有潤肺止咳作用。不過呢個方法未必每個人都適合，如果夜咳比較嚴重嘅朋友，則唔建議服用！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
