梳乎厘班戟推介 | 梳乎厘班戟近年成為香港人嘅最愛，亦係社交平台嘅打卡名物。香甜鬆軟、充滿空氣感嘅梳乎厘班戟越嚟越多口味，滿足唔同人嘅喜好。今次為大家推介八間人氣梳乎厘班戟店，包括人氣生乳梳乎厘Fufuland、法國藍帶廚師主理TERA、名古屋人氣梳乎厘Pancake HoiHoi、日本原宿表參道嘅幸福Pancake，以及性價比高嘅深水埗人氣南山梳乎厘等。無論你鍾意咩口味嘅班戟，呢度都包羅萬有！快啲Share俾你嘅朋友仔，一齊嚟試吓啦！
梳乎厘班戟推介 | 1. Fufuland
Fufuland近年成為港人北上必食美食之一，近年喺蘇州、上海、深圳、廣州、福州等地開設多間分店，上個月終於登陸香港，首間門市選址旺角朗豪坊，繼續喺唔同地區擴展。Fufuland主打即叫即製嘅生乳梳乎厘，梳乎厘漲卜卜，空氣感十足，口感輕盈，蛋香濃郁。口味多達八種，包括開心果、雪覆睛王、雪覆樹莓同海鹽Oreo等，定價$26起，性價比非常高！
【INFO】
Fufuland
地址: 旺角亞皆老街8號朗豪坊B2
營業時間: 星期一至日 12:00 - 21:00
梳乎厘班戟推介 | 2. PHI Coffee & Pancake
PHI Coffee & Pancake喺香港有四間分店，餐廳嘅裝修風格簡約時尚，營造出一個舒適嘅用餐環境，非常適合打卡，係同朋友坐低傾偈嘅好地方。餐廳以梳乎厘班戟聞名，班戟蛋味濃郁，內裏蓬鬆柔軟，空氣感極強，入口輕盈。餐廳提供多款唔同口味嘅梳乎厘班戟，包括經典原味、70%純黑生朱古力、蜜瓜、芋泥、經典英式伯爵茶等，定價由$100-160不等，每款都充滿特色同驚喜！
【INFO】
PHI Coffee & Pancake
地址: 全港9間分店
梳乎厘班戟推介 | 3. J.S. FOODIES
J.S. FOODIES係日本知名時裝品牌JOURNAL STANDARD於2014年開辦嘅餐飲店，主打美國西岸風格嘅經典漢堡同班戟。班戟均採用日本國產雞蛋同麵粉製作，即點即製作，需等20分鐘，帶有濃濃牛油香，質感鬆軟細密。必試法式焦糖班戟（$139），喺鬆軟班戟上配上焦糖，令每一口都帶有焦糖嘅香脆。另有檸檬乳酪班戟（$119），配上自家製檸檬乾碎，味道清新。黑芝士提拉米蘇班戟（$139），芝士味濃郁，而奇跡班戟原味（$109）同土多啲果醬香蕉草莓班戟（$129），味道香甜，班戟質感輕盈鬆軟。
【INFO】
J.S. FOODIES
《九龍塘店》
地址：九龍塘達之路80號又一城LG2樓LG2-30號舖i.t blue block
營業時間：星期一至日 11:30 - 22:00
《尖沙咀店》
地址：尖沙咀廣東道3-27號海港城港威商場2樓2608-2609號舖
營業時間：星期一至日 11:30 - 22:00
《銅鑼灣店》
地址：銅鑼灣軒尼斯道500號希慎廣場6樓i.t blue block
營業時間：星期一至日 12:00 - 22:00
梳乎厘班戟推介 | 4. Pancake House HoiHoi
Pancake House HoiHoi係嚟自名古屋嘅人氣梳乎厘班戟店，裝修走夏威夷風格，充滿熱帶風情。HoiHoi喺日本名古屋係一間需要排隊一小時先食到嘅人氣店，曾經被數十個電視台節目介紹過，被譽為日本最好食嘅班戟。餐廳嘅招牌甜品係空氣感十足嘅梳乎厘班戟，鬆軟厚彈，入口富蛋香，楓糖忌廉梳乎厘班戟配上招牌楓糖同幼滑忌廉。另外，餐廳仲提供兩款香港限定口味，包括法式焦糖梳乎厘班戟同抹茶忌廉梳乎厘班戟。法式焦糖梳乎厘班戟外脆內軟，淋上滿滿嘅忌廉漿，而抹茶忌廉梳乎厘班戟選用日本滋賀縣丸安茶業嘅抹茶粉，味道甘澀濃郁，配上北海道十勝紅豆。
【INFO】 J.S. FOODIES 地址：荃灣楊屋道1號荃新天地1樓117號舖 營業時間：星期一 全日休息，星期二至五 12:00 - 22:00，星期六至日 11:30 - 22:00
梳乎厘班戟推介 | 5. 幸福班戟
幸福 Pancake源自日本原宿表參道嘅人氣梳乎厘班戟店，以其超鬆軟口感同香濃味道而聞名。餐廳堅持用心製作，每款班戟都充滿空氣感，做到入口即溶嘅效果。餐廳嘅賣點係佢哋使用高品質材料，包括直接由紐西蘭進口嘅高純度麥盧卡蜂蜜同發酵牛油。餐牌上有多款選擇，例如「幸福班戟」、「熱朱古力班戟配自家製麥片」、「奶茶班戟配麥片」及「芝士慕斯班戟配莓果醬」等，定價由$126至$158不等。
【INFO】 幸福班戟 地址：銅鑼灣新寧道1號利園三期2樓203-205號舖 營業時間：星期一至四 11:30 - 20:00， 星期五 11:30 - 21:00，星期六至日 10:00 - 21:00
梳乎厘班戟推介 | 6. The Pantry & Chips Republic
The Pantry 位於旺角 MOKO 新世紀廣場，主打鬆軟厚班戟。採用cafe設計，簡潔舒適。呢度嘅班戟鬆軟綿密，搭配多種配料，餐牌上有多款口味選擇，例如 The Pantry’s Pancake（$108），配有蜂巢牛油、楓糖漿同雜果；Banoffee Creme Brulee Pancake（$119），配香蕉、太妃醬、香草奶油同焦糖糖霜；Matcha Cream Pancake（$119），配抹茶奶油、紅豆、脆米同抹茶麻糬。
【INFO】 The Pantry & Chips Republic 地址：旺角太子道西193號MOKO新世紀廣場4樓436-438號舖 營業時間：星期一至五 12:00 - 22:00，星期六至日 10:30 - 22:00
梳乎厘班戟推介 | 7. 南山梳乎厘
深水埗人氣梳乎厘店「南山梳乎厘」人氣急升，最近亦喺紅磡區開設新分店，主打12款口味梳乎厘班戟，包括朱古力、海鹽芝士、焦糖咖啡、士多啤梨、金沙鹹蛋黃及榴槤等。每款梳乎厘班戟都製作得非常有空氣感，彈力十足，口感鬆軟綿密。特別推薦海鹽芝士口味，帶有淡淡鹹味，搭配餅碎，口感豐富且不甜膩，而開心果口味係新推出嘅熱門選擇，配上滿滿開心果碎，口感香濃！
【INFO】 南山梳乎厘 《中環店》 地址：紅磡民泰街19-23號地下1號舖 營業時間：星期一至日 12:00 - 00:00 《深水埗店》 地址：深水埗元州街1F號地舖 營業時間：星期一至日 15:00 - 01:00
梳乎厘班戟推介 | 8. TERA
TERA位於佐敦廟街，由法國藍帶廚師主理，店名源自日文「寺廟」，象徵與廟街嘅聯繫。店內裝潢充滿日本寺院元素，門前屋簷及中央大圓形燈籠營造出濃厚日式氛圍！Tera主打7款日式梳乎厘班戟，選用高質材料，如法國麵粉、法國牛油及日本新紀元雞蛋，確保每一口都充滿濃郁蛋香！餐廳強調即叫即製作，需時20分鐘，為嘅係確保班戟挺身鬆軟，入口滑嫩。招牌班戟包括香蕉曲奇、原味、士多啤梨雲呢拿、藍莓檸檬等恆常款式。
【INFO】 TERA 《元朗店》 地址：元朗元龍街9號形點 I L1樓1075號舖 營業時間：星期一至五 11:30 - 22:00，星期六至日 11:00 - 22:00 《大圍店》 地址：大圍車公廟路18號圍方3樓320號舖 營業時間：星期一至五 11:30 - 22:00，星期六至日 11:00 - 22:00 《旺角店》 地址：佐敦廟街273-285號寶發大廈地下4號舖 營業時間：星期一至五 12:30 - 21:30，星期六 12:30 - 21:15，星期日 11:00 - 20:30
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
