深圳卡丁車 | 放假嘅時候，相信都有唔少香港人會帶埋小朋友返深圳玩，而小編就推薦無論係小朋友定大朋友都可以去深圳景色最靚嘅卡丁車場入面體驗吓，喺日落時分玩就最適合～即刻入內文睇詳情啦！
圖片來源：小紅書@imkahoo、伊森行游、ONETOP、橘子柚皮、不听不听 | 撰文：Hedy
深圳卡丁車場ONE KART絕對係睇日落最靚嘅賽場，喺佔地1.3萬平方米嘅天台入面暢玩卡丁車，總共仲有成12個灣道，無論係直線加速定係灣道飄移都有得玩，有齊S型、U型、R型等等嘅灣道，感受滿滿嘅刺激感！想喺天台睇日落，就記得大概5點入場玩，咁就可以影到最唯美嘅晚霞！
深圳卡丁車 | 新手玩都冇問題！
想一試飄移嘅滋味，就算係新手或者係冇車牌嘅朋友都玩到㗎，親身落場之前有影片教學，亦有專業教練指導大家。再加上有唔同款式嘅頭盔、賽車服以及手套畀大家揀，安全得嚟打卡都超靚啊！爸爸媽媽仲可以選擇雙人車，同小朋友一齊玩。玩完之後你仲可以透過螢幕，觀賞自己所用嘅時間，同朋友一齊鬥快！
深圳卡丁車 | 集玩樂+美食於一身！
玩到攰喺天台仲有「很露GLAMPING」，畀大家坐喺大草坪上面，享受露營嘅樂趣，露營燒肉再加埋啤酒，絕對係超放鬆嘅享受～而同場亦有「很露Bistro天台簡餐」，無論係意大利麵、Pizza、沙律等美食都有齊！
【INFO】 《深圳一個卡丁車ONE KART（平湖店） 時間：星期一至星期五 13:00至22:00；星期六至日 10:00至22:00 地址：深圳市龍崗區平安大道309號紅星美凱龍2棟6樓 價錢：單人車¥88/雙人車¥148 地鐵：地鐵3號線丹竹頭站/地鐵10號線華南城站
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
