每一次去日本搭新幹線，最期待就係望住窗外風景漫遊。不過如果隔離坐住陌生人，難免會覺得有啲拘謹，JR東海同JR西日本推出嘅「S WorkP座位」，被唔少日本網民稱為「孤獨席」，簡直係為鍾意安靜、需要個人空間嘅朋友量身打造嘅神級服務！
圖片來源：網絡圖片｜撰文：Sharon
車廂好巧妙咁將原本三人位嘅中間位置封起，改裝成精緻嘅隔板同專屬置物空間，令左右兩邊嘅乘客可以直接享有比普通座位大1.5倍嘅寬敞空間。除咗空間大幅升級之外，呢度嘅細節設計亦都令人覺得好貼心。桌面採用咗可以向前拉出同調校傾斜角度嘅斜板，放上Laptop做嘢或者睇書都好符合人體工學；車廂仲配備咗傳輸速度快兩倍嘅商務專用Wi-Fi。而前方座椅嘅後傾角度設有適度限制，完全唔使擔心前面乘客突如其來將椅背放得太低，壓迫到自己嘅休息空間。
只需要喺指定席票價上額外加2,000日圓（約HK$98）就可以輕鬆升級。比起要買兩張車票，呢個價錢真係非常抵！特別係喺旅遊旺季或者連假，可以用百幾蚊換嚟一段寧靜、完全唔會被打擾嘅車程。大家又點睇呢個「孤獨席」呢？
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
