Tabelog中文版 | 嚟緊去日本嘅朋友終於都可以用繁體中文版嘅Tabelog，咁就可以輕鬆搵日本嘅人氣餐廳，就連訂位都唔使再怕有語言問題～小編即刻教大家點下載！
圖片來源：官方圖片 | 撰文：Hedy
大家去日本可能都會用Tabelog尋找人氣餐廳，類似香港嘅Open Rice咁！以前App入面只有日文版，但依家已經推出咗中文版，支援iOS以及Android，咁就可以輕鬆用APP去預約餐廳～即刻去App Store同Google Play下載喇！
Tabelog中文版 | 使用方法
只要下載咗Tabelog之後，大家就可以按唔同嘅地區，包括東京、大阪、京都、北海道以及福岡等等，去搜尋唔同人氣嘅餐廳！搜尋嘅時候仲可以根據唔同嘅排序例如預訂最多、在地人預訂最多、瀏覽最多以及評分最高等等去參考！當中仲有唔同嘅評分，4分以上就係所用戶高度評價嘅餐廳，記得參考埋用戶嘅真實評價！除咗可以按地區搜尋之外，仲可以用按菜系搜索，包括燒肉、壽司、居酒屋、意大利料理以及拉麵等等。唔需要日本電話就可以輕鬆喺Tabelog預約，揀選日期、用餐人數以及用餐時間後，其後需要支付440日圓嘅系統使用費作訂位費，再確認資料後就完成！絕對係遊日必備嘅APP！
【INFO】 《Tabelog中文版》 下載：App Store同Google Play
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
