HK Express行李 | 相信大家近日都聽到唔少關於香港快運航空(HK Express)更改行李制度嘅傳聞，官方終於都喺今日(8日)正式公佈詳情，推出全新票價之餘，以後每件寄艙行李更會逐件收費？已經買咗機票嘅大家又會唔會受影響？即刻睇睇詳情啦！
圖片來源：官方圖片 | 撰文：Hedy
HK Express今日(8日）宣布推出全新票價選項，由以往得2種票價選擇新增到4種，包括「輕便飛」、「經濟飛」、「隨心飛」以及「無憂飛 」，照顧唔同旅行模式嘅人士，無論想快閃去一兩日定係享受長假期都可以彈性選擇。
|
輕便飛 |
1件隨身物品（不超過7kg） |
|
經濟飛 |
1件隨身物品+1件登機行李（合計不超過7kg） |
|
隨心飛 |
1件隨身物品（不超過7kg）+1件20kg寄艙行李 |
|
無憂飛 |
1件隨身物品+1件登機行李（合計不超過7kg）+1件32kg寄艙行李+標準座位選擇 |
隨身物品+手提行李限制
每件隨身物品都必須放入前方座位下方，再加上尺寸都有限制，唔可以超過 40 (長) x 25 (寬) x 20 (高) 厘米 (15.7 吋 x 10 吋 x 8 吋)。而登機行李就唔可以超過 56 (長) x 36 (寬) x 23 (高) 厘米 (22 吋 x 14 吋 x 9 吋) 。如果超出尺寸/數量/重量限制嘅手提行李及隨身物品行李將需要寄艙，所有閘口行李必須符合寄艙行李尺寸及其重量唔可以超過32公斤。
寄艙行李按件數收費
4種票價選項下，最平嘅輕便飛以及經濟飛如果要帶寄艙行李，就需要再額外加購，並會按重量收費，分別為20公斤以及32公斤。最重要嘅係大家都冇得好似以前咁分享行李額度，所有嘅寄艙行李將會按件數收費！大家如果要去一個星期旅行，同時又有寄艙行李，就一定要揀隨心飛或者無憂飛啦。
已預訂人士不受影響
相信大家都會趁有平機票嘅時候買定，咁如果一早已經買咗機票又會唔會受新制度下影響？HK Express就表示手提行李限額係以初次預訂日期計算，如果喺2024年5月7日或之前預訂，就可以繼續享有1件隨身物品以及一件不超過7公斤嘅登機行李，而寄艙行李都係一樣。
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
