巴黎迪士尼｜巴黎迪士尼「魔雪奇緣世界」3月開幕、必搭Frozen小船+同Anna、Elsa互動！

巴黎迪士尼｜鍾意Frozen嘅大朋友同小朋友一定要搵時間去！歐洲首座冰雪奇緣世界將會喺今年3月開幕，壯觀嘅阿德爾王國將會出現喺你眼前，即刻睇吓幾時開幕同有咩玩喇！

圖片來源：官方網站 | 撰文：Hedy

巴黎迪士尼「魔雪奇緣世界」將會喺2026年3月29日正式開幕，而「華特迪士尼影城」樂園亦喺同日正式改名為「Disney Adventure World」，將阿德爾王國真實咁呈現喺大家眼前，仲要以等比例實景打造，將《魔雪奇緣》電影嘅標誌性場景同地點都還原每一個細節！現場睇一定相當震撼～仲有得同Anna以及Elsa見面，仲有嚟自阿德爾嘅美食以及紀念品，小編都好期待呀！

巴黎迪士尼｜Frozen Ever After小船

無論係任何年齡同身高嘅朋友都可以玩，一齊同Anna以及Elsa搭船冒險喇！由白雪皚皚嘅森林到巨魔谷，穿過艾爾莎耀眼嘅冰宮，然後到阿倫德爾灣。一邊搭船一邊聽住Elsa唱《Let It Go》都相當寫意，適合一家大細一齊玩！

巴黎迪士尼｜同Anna、Elsa互動

大家仲有機會喺阿德爾王國入面見到Anna同Elsa，有緣嘅話仲可以同佢哋有互動同影相嘅機會～

巴黎迪士尼｜阿德爾慶典

每逢雪花節Elsa、Anne、Olaf、Kirstoff同埋一眾村民都會乘坐船去參加慶祝活動，邀請大家一齊高歌一曲！大家仲有機會見到Olaf機器人出現！除咗會同大家近距離互動之外，仲識自由走動，有機會真係要同佢互動～

【INFO】
《巴黎迪士尼魔雪奇緣世界》
開幕日期：2026年3月29日
地址：Disneyland® Paris, 77777 Marne-la-Vallée, France

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk