澳門好去處 | 平時鍾意睇展覽嘅朋友嚟到澳門，就一定要睇埋《絲路》展覽，免費入場之餘仲可以欣賞到自西周至當代逾200件珍貴展品，再現千年絲路文明交融嘅壯闊史詩！即刻入內文睇詳情喇！
圖片來源：官方圖片 | 撰文：Hedy
置身亞洲前沿嘅世界級文旅地標保利美高梅博物館，等大家都可以沉浸喺跨越古今和結合中西文明嘅非物質文化遺產光華中！而今次博物館展出全新《絲路》展覽，以歐亞大陸上絲綢之路沿線國家嘅「遺珍」為線索，以4大主題空間，匯聚逾20國家及海外文博機構超過200件文物及當代藝術，帶大家欣賞自西周至當代逾200件珍貴展品，涵蓋絲織品、金銀器、琺瑯器、青銅器、陶瓷、佛像、書畫寫本與現代藝術創作。現場更特別引入沉浸式數字體驗，帶大家穿越絲路古道～
+1
澳門好去處 | 《絲路》展覽4大單元
展覽透過四大單元，「瀚海西風」見證使者、商旅嘅開拓足跡；「星漢燦爛」透過各式珍器與龍紋寶座毯，彰顯物質文明與絲織技藝；「和光同塵」藉敦煌藝術、復原古樂器與數位壁畫呈現絲路交融嘅精神成果；「大道錦程」以常玉、趙無極等藝術大師嘅當代創作，將絲路精神引向未來！當中亮點產品包括龍紋寶座毯、銅車馬儀仗俑隊、雍正款藍色玻璃八棱瓶以及東漢銅搖錢樹等等。展覽更係免費參觀，不過大家去之前要記得預約咗先喇～
【INFO】 《絲路》 開放時間：星期一至五 11:00至19:00；星期六及公眾假期10:00至20:00；星期日10:00至19:00 地址：澳門美高梅二樓 （經天幕廣場入） 費用：免費入場 預約入場：https://bit.ly/4qfoHsy
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
