麥麥島 | 有冇諗過喺海邊都可以見到漢堡神偷以及麥當勞叔叔嘅打卡位？麥當勞中國宣佈喺全國13城推出「我去麥麥島啦」主題活動，為大家帶嚟輕鬆有趣嘅夏日旅行，當中包括麥麥沙灘、麥麥小火車以及麥麥大樓等打卡位，即刻入內文睇詳情啦！
圖片來源：小紅書 | 撰文：Hedy
打卡位1. 麥麥復古大樓
位於福田嘅麥麥島旗艦店絕對係打卡嘅好地方，大樓外牆有漢堡、薯條以及花花等位置畀大家影靚相！而出面更擺滿咗唔同麥當勞嘅車，等大家都可以打卡，仲有麥當勞叔叔長椅打卡位！店入面仲有麥當勞叔叔、漢堡神偷以及滑嘟嘟影相嘅地方，滿滿嘅童年回憶！
【INFO】 《麥麥復古大樓》 地址：福田ART田面國際文創小鎮
打卡位2. 光華麥當勞
光華麥當勞係內地第一間麥當勞，而喺三樓露台位置更設置咗停機坪裝飾，等大家都可以喺度打卡！而呢度更設有全景相機比大家拍攝，大家可以喺現場拍攝出同麥麥島嘅第一張合照，仲可以現場打印，留底快樂嘅回憶～
【INFO】 《光華麥當勞》 地址：解放路西華宮光華樓二樓
打卡位3. 麥麥沙灘
位於深圳大梅沙海濱公園搖身一變成為麥麥沙灘，呢度有巨型薯條長凳打卡位，仲有開心樂園餐打卡位～日落嘅時候打卡相當唯美～
【INFO】 《麥麥沙灘》 地址：深圳市鹽田區鹽梅路105號大梅沙海濱公園
打卡位4. 麥麥小火車
大家又知唔知深圳有一個好出名嘅小火車，車廂已經換上麥當勞經典嘅紅色以及黃色配色，緩緩地喺路軌上行走，配埋日落又或者係藍天白雲，影出嚟嘅效果一定超靚～
【INFO】 《麥麥小火車》 地址：龍崗大鵬雲海天使灣
打卡位5. 主題餐車
位於蓮花山嘅主題餐車好可愛！而深圳麥當勞亦為首個以美團無人機配送嘅城市，等大家都可以喺深圳灣、蓮花山公園等10個公園享用麥麥美食！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
